أقرئي قصتي وعطيني الحل

هلا بنات وأخوات حواء عزيزات على قلبي
اليوم ياياه أقولكم سالفتي لأني وايد محتارة فيها وما عارفة شوه أسوي :icon33: :icon33:

انا متزوجة من سنتين وعندي بنوته صغيرة اسمها نوف الله يخليها لي ان شاء الله المهم ما أبا أطول عليكم ...

يوم يا بو نوف وتقدم لخطبتي كان يدوخ سيجارة فكنت هذاك الوقت انا أول سنة في الجامعة المهم ...
رفضت اني أوافق على هالزواج لأنه يدوخ
فسأل أخوي وأهلي عنه قالوا انه تدين وترك السيجاره (لأني أنا بعد متدينة)

المهم

وافقت لما تزوجنا كان بالفعل تارك السيجارة حتى والله يا أخوات صرت أهديه وأباركله كلما مر تاريخ تركه للسيجاره..

المهم


كان يصاحبه آلام شديده في راسه وما يقدر يستحمل وكلما أقوله روح المستشفى يقول ما بيسوولي شي.... :icon33: :icon33:

المهم

نسيت أقولكم شئ ان زوجي يداوم في العين فياخذ أسبوع اجازة واسبوع دوام فيقولي يوم اسير الدوام كل ربعي يدوخون حولي ويقولون لي لازم مصيرك تردلها ويلسون يعددون فلان تركها بعد 6 سنوات وبعدين ردالها وفلان ردالها وفلان وعلان.... (يحبطون)

المهم يا خواتي ....

بونوف كانت عنده قوة عزيمة واصرار لكن خضع للصداع الشديد لراسه وحنة ربعه وردالها في الدوااام

المهم


اصلا هو ما قالي ان ردلها مع أني صريحة وهو صريح معاي لأبعد الحدود الحينه بتسألوني كيف عرفت؟؟؟؟؟

في أسبوع اللي كان عنده اجازه قمت أنا الصبح علشان أسير الجامعه زوجي كان نايم فرحت أدور أسويج السيارة ما حصلته المهم قلت أكيد في مخباه في كندورته...

قلت خلني أطلع السويج...

يوم طلعت السويج الا ألقى باكيت سيجارة :icon33: :icon33:

إلا هاذيج الساعة ما عرفت شوه اسوي بعمري لأني والله يا خواتي ما تصدقون كيف تفاجأت وانصدمت لأني وايد أثق فيه وهو نفس الشي ويحبني وايد وأحبه واقدره ويقدرني ... :icon33: :icon33:

حتى لدرجة اني وأنا كنت أسوق السيارة في الطريج كنت بدعم كم مرة من شدة الصدمة يمكن أنتو ما حاسين بالموقف بس أنا والله تميت أصيح بحرقه :icon33: بس شوه الفايدة لأني انقهرت تارك السيجارة من 3سنوات والحينه يردلها عقب المقاومة اللي قاومها..

الحينه يا بنات الله يطول في عمركم ابا الحل لأني أكره السيجارة لأنها معصية وما يهون عليه ريلي يرتكب معصية تغضب ربنا....

كل من يقرأ قصتي أباه يرد علي وجزاكم الله خير....