أقسم بالله شعرهم تغير 180 درجه

صـباح الخير


كيفكم ؟؟؟


باقول لكم عن شيء أقسم بالله غير شعر بنات عمي 180 درجه للأحسن

والله ثم والله وربي على ماأقول شهيد

ولا أحد يقول ممكن يسوون شيء ومايعلمونك بنات عمي مثل خواتي ودوم معنا



المهم تقرون الموضوع كامل


هم ثنتين


وحده والله شعرها كيرلي وقبل ماتتزوج كانت تعمل له ريلاكس علشان يريحها في الأستشوار


والثانيه ناعم بس يكش مع الرطوبه وكمان كانت تعمل له ريلاكس علشان مايكش مع الأستشوار والرطوبه


المهم ثنتينهم متزوجات وبعد الزواج الزواج ماسوو ريلاكس آخر مره يعني سووه كانت لزواجهم



وأحملوا والحمدلله ربي رزقهم بعيالي مثل القمر


المهم بعد الولاده بفترة استعملوا اثنينهم حبوب منع الحمل واثنينهم نفس الحبوب


وصارت لهم أكثر من سنه يستخدمونها المهم


والله العظيم أنها غيرت شعرهم 180 درجه


اللي شعرها كيرلي والله الحين ناعم وماهو كيرلي

تغير شعرها بشكل ملوحظ وواضح بس ماكانت تدري من حبوب منع الحمل

لدرجه والله عماتي يحسبون مسويه هي وأختها بشعرها شيء وماودهم يعلمونهم

الحين تحلف أنها مرتاحه تطلع من الحمام ماتستشور شعرها



والثانية والله صار ناعم حرير ولا يكش ابدا صحيح هو قبل ناعم والحين نعم أكثر وأكثر


والتغير في شعورهم واضح وضوح الشمس وخصوصا اللي شعرها كان كيرلي
وحتى خالتي قبل يومين تقول أعتقد مسوين شيء بشعرهم بس مايبون يقولون لأنه تعرف شعورهم قبل كيف كانت


بس قلت لها لا والله ماسوو شيء أعرفهم أنا


المهم أمس جلسنا نتكلم وعمتي تحقيق معهم تقول وش اللي غير شعوركم


وحده منهم قالت أتوقع من الحمل والولاده بعد ماولدت تغيرت طبيعه شعري

وأختها الثانيه قالت لا اساسا بعد الولاده الشعر يعدم حيل ويتساقط


شوي قلت لها أجل من حبوب منع الحمل غيرته


قالوا صدق شلون راحت عن بالنا خصوصا هو ماتغير من البدايه ولا أول الولاده ماتغير الا بعد ماأخذنا الحبوب بكم شهر


المهم وعملت بحث عن الحبوب وقريت والله أنها من ايجابيتها تحسن الشعر والبشرة



وأقسم بالله من كثر ماشفت شعرهم تغير تحمست متى أتزوج واحمل وبعدها أخذ هالحبوب :D



بس أرجع واأول الحبوب بعض الأحيان ماتناسب الوحده




أكيد كلكم تبون تعرفون نوعها



هي حبوب ياسمين


وبقول لكم ملاحظة هامه أنا مدري من ناحيه التساقط والكثافه إذا هي تغير بس اللي شفته بعيوني تغير طبيعه الشعر للأحسن وتجمله وتحسنه حيل



ودعواتكم لي ربي يتمم لي على خير في زواجي وأجيب ولد مثل القمر


والموضوع مو منقول وياليت اللي تنقله ماتحذف اسمي وتكتب منقول