تاريخ التسجيل: 17-02-2007
8
8
8
8
شايفين من متى مسجله
في هذا اليوم بالضبط سجلت عشان اقول لكم انه مر أسبوع من يوم ما جربت وصفة مرارة الماعز و النشادر لإزالة الشعر و إنه من أسبوع مافي اثر شعره ناوية مجرد نية إنها تطلع لي
لكن قلت يا بنت اصبري بعد شوي و تأكدي من النتائج بنفسك
و الحين كم لي ؟!
حول الشهرين ؟!؟؟؟؟؟؟؟؟؟؟
ما اقول مافي و لا شعرة في ( رجلي و باطي ) و هم المكانين اللي جربت عليهم الوصفة
لكن اللي يعرفني و يعرف انا قد إيش مشعره لدرجة إن لون بشرة رجلي تكون مغطاة بالكامل و مو باينة من تحت الشعر لغزارته اقسم بالله كنه وبر مو شعر رجل
فـ اقول لكم اللي يعرفني راح يتأكد بنفسه وش كثر هالوصفة خطيرة و مفيدة في نفس الوقت
مالكم بالطويلة و خذوا المفيد :
أنا عمري 24 فتاة مشعرة فوق ما تتصورون و بدأت معاي هالمشكلة من بعد البلوغ
و كنت أحيان كثيرة في المناسبات أحلق بالموس و هو الشي اللي خلى الشعر يغزر بشكل فظيع
و في مره أختي جابت سي دي تجميلي فيه وصفات رهيبة كلها مجربة و كانوا ذاكرين فيه هالوصفة حق مرارة الماعز مع النشادر و بعد كاتبين وصفة ثانية حق النمل يقولون تهرسين نمل و مدري شو :09:
انا قلت لا بجرب المرارة عادها أهون و محد يعرف وين الخيرة
دخلت على المنتديات و تعرفت اكثر من كلام الناس عن هالوصفة بس كانوا اغلبهم مو مجربينها فقط يسألون عنها و البعض يمدح فيها
قلت والله مالي الا أجربها و ماني خسرانه شي
و الله و أوصي لكم أبوي يجيب لي مرارة ماعز قلت تكفى يكون ذكر و لا يضحكون عليك يعطونك غنم
أمي قالت له روح المطاعم الحضرمية هم هناك ما يطبخون غير ماعز لأنهم ما يحبون الغنم
و بالفعل راح مطعم حضرمي من اللي يطبخون للافراح و جاب لي 4 مرارات منتفخة و فيها العصارة الصفراوية :09:
طبعا طااااااااااااااازجة توهم مطلعينها من الحيوان عشان كذا جاتني بدون اي ريحة
و قلت بعد روح عند العطار و اطلب نشادر و جاب لي كيس فيه نشادر مطحونه ( مسحوق أبيض له رائحة نفاثة جداً )
و أجلس لكم بالحلاوة شلت كللللللل شعر سيقاني و أختي اللي عمرها 16سنه شافتني و قامت تسوي مثلي هي بعد رجلها شوي مشعرة :( بس أكيد اخف مني بكثييييييييييير و كانت هي أول مره تشيل شعر رجلها و ماشاء الله عليها نظفتها تمام ( طبعا الحلاوة عادية من ذيك اللي لونها ابيض )
المهم بعد ما نظفت رحت فقعت المرارات كلها و صبيت عليها النشادر من دون قياس والله بس صبيت صب يعني بكمية معقولة و جلست احرك أحرك احرك احرك و لاهوب راضي يذوب فيه :angry2:
قلت يمكن عشان كثرت كمية النشادر شوي ؟؟
مو مشكلة رحت لبست كمامات لأني بغيت أختنق من ريحة النشادر
و لبست قفازات و دخلت الحمام و صرت أغرف بيدي من النشادر المترسب و العصارة اللي فوقه و أدهن على رجلي
ليه غطيت كل رجلي المنزوع منها الشعر و جلست شوي و كان يحرق شوي بس ما مرت دقيقة الا مافي أثر للحرقان و طلعت من الحمام و صرت اشتغل في البيت عادي و هو على رجلي تقريبا خليته ساعة إلا ربع و رحت حطيت ثاني فوق الأول و حرقني و راح الحرقان و خليته كمان نص ساعة
و قمت بعدها غسلته بالماي العادي بدون صابون
و في هالوقت قلت خليني أجربه بعد على إبطي و شلت الشعر من هناك و نظفت و نفس الخطوات و حطيته لكن ما غسلته غير اليوم الثاني لأني من الإرهاق نمت على روحي
خلاصة الموضووووووووووووووووووووووووع :
والله يا بنات بالفعل زي ما قالوا انه ما طلع للآن غير الشعر اللي انقطع قطع :icon28:
هم قالوا ان هالوصفة يكون تأثيرها على الشعر المنزوع و مثل ما انتم عارفين يوم تشيلون بالحلاوة مو كل الشعر يتنزع من جذوره ؟؟
فيه شعر ينقطع قطع و جذورة تفضل موجودة و هذا هو الشعر اللي راح يطلع من جديد و راح يكون مع كذا خفيف
و أقسم لكم بالله هذا اللي صار و الدليل إن أماكن برجلي طلع فيها شعر و أماكن ثانيه خاااااااااااالية تماما من الشعر و ملساء و ناااااااعمة و نفس الحال في إبطي
عاد إبطي هو اللي نتيجته جد مدهشتني لأني متعوده إنه يبدأ يطلع بعد أسبوع من الشيل والله العظيم
لكن الحين له قرب الشهرين و هو كنه توه منبت !!
بس تدرون وين المفاجأة ؟!
أختي هي المفاجأة !!
و رب البيت ما تحمست و جيت اكتب الموضوع هذا غير لما قالت لي قبل شوي شوفي رجلي للحين ما طلعت ولا شعره !!
و أطالع رجلها إييييييش النعومه و إيش البياض بالفعل ولا شعره و المسام ابيض و صغير و مسدود
تدرون إيش السبب ؟!
لأنها اكنت أول مره تشيل الشعر و شعرها مو ثقيل مثلي و لا مشيول من قبل أ و محلوق
و مثل ما تعرفون لما تشيلين باستمرار أو تحلقين يصير بعض الشعر يطلع تحت المسام و هذا الشعر راح ينمو لما تفتحين المسامات بالشيل بالحلاوة !!
بنات ..
الوصفة تقول انك لازم تكررين العملية عشان الشعر اللي ما اتنزع أول مره يتنزع ثاني مره
عشان كذا نا بخلي أبوي اليوم يروح يجيب لي مرارة و بكرر السالفة خصوصا ان الشعر اللي طلع لي صار في طول مناسب عشان ينشال بسهولة و ما ينقطع
و الله من وراء القصد
و ادعولي يا غاليات ربي يوفقكم يعلم الله اني بطير من الفرحة و نفسي تفرحون بالنتيجة مثلي
بت جدعه
:26:
