أقـــــتراح هديـــــه أفاجــــئ بهــــا أختــــي..

السلام عليكم ورحمة الله وبركاته
أبعد الله عنكم الأمراض..
أنا أشتكي من نقص بالكالسيوم,,وهشاشه بالعظام..ومعي ربو مزمن وانخفاض بالضغط..
وعندي طفلين واحد عمره سنتين وثلاثه أشهر,,والصغيره عمرها خمس أشهر..
وأنا تعبانه ونحيفه ومع هشاشة العظام يالله أشيل نفسي..
والولد ممتحني شقي وعنيد يخليني معصبه على طول..غير الوحده اللي أعيشها ماحولي أحد يقرب لي
ولا أعرف أحد..
وأختي الله يفرج عنها كل هم ويرزقها من حيث لاتحتسب أخذت الصغيره عني من أسبوعين قالت لما تجيك الخدامه..
والله أشفق على الصغيره لأني في منطقه وأهلي في منطقه تبعد عنا 3 ساعات..وكان خاطري أترك الولد يجلس
عندهم لكنه الله يصلحه ويهديه بثر وماراح يقدرون عليه..أنا أمه ومطلع عيوني..
مالكم بالطويله المساعده اللي أبيها منكم تقترحون لي هديه أقدمها لأختي الحبيبه..
غير الجوال واللابتوب..لأنهم متوفرين عندها..وغير العطور والاكسسوارات..
ودي بجهاز مثل الدي في دي هو متوفر عند أهلي لكني ضربته كمثل
يمكن تقترحون علي شي أنا ماأعرفه..