أقماع التوست باللبنه...سندويتشات صغييييره و لذييييذه و سهله :)

مررررررررررررحبااااا...

شخباركم عزيزاتي إن شاء الله كلكم طيبين:42:

اليوم يبتلكم سندويتشات خفيفه و لذيذه و سهله..

المقادير:

كيس خبز توست (يمكن ما تستخدمونه كامل على حسب المقادير)
كوب واحد لبنه( يفضل لبنه بالزعتر)
2 ملعقه كبيره نعناع مفروم
زيتون محشي
زيت زيتون
زعتر


الطريقه:
قطعي أطراف خبز التوست و بعدين اضغطي عليه بالنشابه الين ما تستوي الخبزه رفيعه و بتكون جاهزه للإستخدام
اخلطي اللبنه مع النعناع في ماعون...و جهزي الزيتون في صحن
قصي الخبزه من النص بشكل مائل و بتستوي عندج قطعتين بشكل المثلث
ادهني المثلث بشوية لبنه و عقبي لصقي طرفين المثلث ببعض و اضغطي شوي عليهن و بيستوي عندج تقريبا شكل يشبه المخروط و فيه فجوه في النص
اترسي الفجوه بخلطة اللبنه و سكري من فوق بزيتونه
عقب ما اتخلصين الكميه دخلي السندويشات الفرن و خلي الخبز يتحمص من فوق و من تحت( استخدمي الضو اللي من فوق بس أحسن و اجلبي بروحج السندويش)
و عقب ما يحمر شوي من فوق و من تحت طلعي السندويتشات من الفرن و ادهنيهن بشوية زيت زيتون و بعدين جلبيهن شوي في الزعتر من الصوبين....
حطيهن في صحن التقديم و قدميهن ويا الشاي ....و ألف هني و عافيه:42: