أقولكم ريجيمي إللي ينحف 4 كيلو بإسبوعين من غير تعب

مساؤكم ورد وياسمين ..
أنا كان وزني ياجماعه 100 كيلو ونزلت إلى 81 وبإذن بأكمل ( ماأدري متى عسى الله يفرجها )
المهم راح أبدأ بإذن المولى يوم السبت إللي بعد بكره ..
وريجيمي إللي سويته وكان خرافي ونزل كرشتي مره هو نظام من راسي إستخلصته من مجموعة أنظمه شفتها ..
الفطور ..
بيضتين مسلوقه وخيار وكوب حليب قليل الدسم محلى بسكر كاندريل ..
أو توست بر حبه وحده مع بيضه وكوب حليب .....
أو ربع سندويتش عادي مع جبن قليل الدسم وكوب حليب .....
أو ثلاث حبات تمر مع قهوه ..

الغداء ..
إللي أسويه لزوجي وبناتي آخذ من اللحم أو الدجاج مع سلطه وخضروات ورقيه علما بإني أغلب الأيام أعمل صواني فآخذ منها في صحن مع سلطه ..

العشاء ..
أخترعه من راسي مثل ..
حبة همبرغر مشويه مع سلطة زبادي أو سلطه عاديه ..
أو توسته مع شوية فول ..
أو سلطة دجاج مشوي مع خضروات ورقيه وأحيانا آخذ مع العشا مشروب دايت ..
خبزة بر صغيره على قد الكف مع أي صنف سويته لبيتي ومايكون فيه سعرات او مقلي ..
ولما يكون العشا من برا آخذ حاجه بسيطه جدا من الشي اللي جايبينه ..

ولما أجوع أشرب حليب قليل الدسم بسكر دايت ..

نسيت أقولكم إني بالعصر آكل تمره وحده أو إذا فيه حلى آخذ ملعقه وحده عشان ماأعين زوجي وبناتي وتبرد الحرّه ..

الله يتم علينا نعمة الصحه والعافيه ولايواخذنا بكلامنا وينحفنا من غير شر يارب ..
وتقبلوا تحياتي ..