أقول انثبر بسريرك .. نوم بالصآلة مآفي يعني مآفي -> نوم الزوج بالصآلة مع مجيئ البيبي

السلام عليكم ورحمة الله

امممممم ودي اعلق ع موضوع انه الوحدة لمن تولد

البيبي يدخل لغرفة النوم من جهه والزوج يطير من الشباك لأقرب صالة من جهه ثانية :024:
بحجة انه البيبي يزعجه وانو وراه دوام وانه نومه متقطع وانه وانه من هالاعذار اللي ماتخلص

بقولكم تجربتي بما أني لي أول بيبي ربي يحفظه لي ويحمييييه

بكل بساطة ياابنات اني سويت العكس خليت زوجي مكانه وانا لي طلعت مع البيبي بالصالة هههههااااي

اي والله مايصلح معاهم الا كذآ

انا عندي بالصالة كنب ع شكل إل وبالجهه التانية عندي سرير حق نفر وآحد

كنت اتبطح فيه وقت الحمل انا وكرشتي الحلوةةةة

وبعد الولادة كنت بشيلووو بس نفعععععني مرررررة خصوصا لمن اتسدح وارضع البيبي وكذا

المهم انتبهوووووو انتبهوووووو تعودو الرجال ان يطلع من غرفة النوم صدقوني اذا اتعود اول ليلة اول اسبوع

يصير خلاااااااااص كلن ينام بغرفة ومايحتاج نتكلم انه هالشيء يأثر على العلاقة الزوجية

مو قصدي هذيك الناحية نونو بس بشكل عاااام

عووووووودي زوجك ينثبر بسريره ولايفكر حتى يطلع ينام بالصالة او المجلس

وانتي شيلي البيبي واطلعي وخلي جنبك اغراضه الضرورية

وصدقيني كلها كم شهر ويتعدل نوم الولد وترجعين لسريرك لنو الموضوع بيدك وقتها

انا ماانام بالصالة بس وقت ماهو صاحي اجلس لين يجيني النوم واشيلو وادخل الغرفة

وزوجي دحين يقوووووووول مستحيل انام بالصالة خلاص اتعودت عليه لمن يبكي ويصحى بالليل

يقول مايجيني النوم الا لمن اسمع بكاه خخخخخخخخ

وصدقوني لو قلت لكم بالصباح لمن يروح لشغله يكون السرير وسيييييييييع واقدر اتشقلب فيه ع راحتي و

ارضع البيبي من الجهتين خخخخخخخ

واقول مع نفسي ي ليتو لو كان ينام بالصالة كان يمديني اخذ راحتي واتبطح زي ماابي خخخخخخخ

مع اني مرة قلتلو كذا ورفض يطلع يقول لا خلاص اتعودت

والله لايوريييييييكم اوقات البيبي يبكي وهو بساابع نومة وشخيره واصل لبقالة عمي صالح ههههههاي

لاجد اوقات يصحى يسمعه يبكي ويكمل نومه صار زي التخدير لول

شسمه اعرف وحدة عندها 3 عيال ماشاء الله ينامو معاها بغرفة النوم وزوجها يفرش بالصالة

خلاص اتعودو ع كذا .. اكيد بتقولو طيب يصبرو كم سنة عبال مايكبروو العيال ويرجعو بس تهقووووون فيه أمل

يرجعووو ؟!

والله الموضوع لازم يتسوى من البدآآآآية

زوجي كان دااايم شايل هم بكا البيبي قبل لايجي ويقول اكيد مااحقدر انام اكيد بروح لدوامي وانا مواصل

وكان يخطط ينقل سرير ابو نفر لمجلس الرجال خخخخخخ بس مع نفسك حبيبي :)

اممم الموضوع جا لمن قريت مواضيع عن حريم يشتكون انو ازواجهم ماينامو بغرفة النوم بسبب الاطفال

وحبيت اشارككم تجربتي المتواااضعة خصوصا البكرياااات

وماااخفي عليكم اني اتعب مع البيبي واحاول قد مااقدر اوفر الراحة لزوجي خصوصا بنومه

بس كلش ولايشيل قشه ويروح للصالة

وعودييييييه كمان يأكلووو ويشيلو وينومو ويلعب معه ويطلعو اذا كان مشورا قريب بقالة صيدليه ....

انا لحد الآن الامور معايا أوك :d ومستحيل اخليه يشيل يده من الموضوع

لني قريت كتير بنات يشتكون ان ازواجهم مايعرفو شيء بامور الاطفال والسبب هي لنها ماااعطت زوجها فرصة يتعللللللم






وبووووس سلامتكم ي حلوآأت