( أكاديمية بيضون ) للمكياج والشعر للكويتيات فقط ؟؟؟

والله انا اعرف وحده اشتركت فيها وتقول مكياجهم ناعم يعني لبناني وحلووو وصح قالت لي احسن من الجوثن .. وتقول يعني لازم تييبين الفرش وادواتج معاج عشان تعلمج عليهم وتقول انها استفادت والحلو بعد ان ماكو وقت معين تتقيدين فيه يعني اذا تبين الصبح او بليل على كيفج :)

:) دلع ــ كويتية .... مشكورة يالغالية على نصحج وفعلا مثل ما ذكرتى فى أي وقت أقدر أداوم سواء بالصباح أو المساء .

zara_ q8 .... مشكورة حبيبتى ... بس ما عليه طلب ثانى حبايبى ... رايكم أطلب المحترفين وهو الشامل للشعر والبشرة والمكياج أو الشخصي لنفسي فقط طبعا من تسريحة شعر والمكياج لجميع الأوقات أي شامل بس على نفسي .
وأنا الصراحة بنات حابة للمحترفين لأنى ودى أحترف الشغلة شوي شوي وأنا عندى أمكانيات حرفية للشغلات هذه وفى نفس الوقت خايفة من الفشل فاااااااا معلش أنا مترددددده وأبيكم تساعدونى ؟؟؟؟؟؟

الغالية باربى ..... حبيبتى أنا ذكرت للكويتيات فقط علشان هذه الأكاديمية موجودة بالكويت ولكن لوحابة تجين من أي دولة بالعالم وتسجلين حياك يالغالية وليست للكويتيين فقط .... للكل .

والله حبيبتي انا برايي تاخذين دوره البروفيشينال عشان تستفيدين منها ... والله انا اعرف وااااايد بنات دشو دورات وعلقو الشهاده وقامو يوزعون كروت ويحطون مكياج بالبيت يعني شغله حلوه .. على فكره حنان دشتي بدايتها كانت تحط مكياج بالبيت بسردابهم وكانت تصور بعد كل شي بالسرداب الي ببيتهم والحين مشالله اسمها على كل لسان ووايد بنات اييون لها من دول الخليج ويتمكيجون ويصورون بصالونها ... انتي اذا حابه الشغله هذي راح تبدعين فيها :) اخذي دوره البروفيشينال وتوكلي على الله ... :)

حياتى والله يا دلع ــ كويتية .... مشاء الله عليج أفكارج قريبة من أفكارى ..... ألي قلتيه كله حلو والصراحة شجعنى أكثر ... بس أبي رايج فى شغلة.... أنا مخططة لبعد هذه الدورة أنى أعطي دورات خاصة بالمكياج وبأسعار رمزية وشرط الأتقان ..
وأنا تكلمت لج عن أمكانياتى المعنويةok ولكن الصحية لللأسف هذا ألى مرددني أعانى من الديسك , و خايفة أن مرضى يكون عائق بطريقي وهذا ألي مخلينى خايفة ومو واثقة من نجاحي .
أنا أدرى حبيبتى طولت عليج بس فعلا محتاااااااارة والله يوفقج حبيبتى .

والله انا دقيت عليهم وقالولي مسوين عرض 160 دينار يدربونج عالمكياج والشعر والبشره
وقالولي تعالي شوفي اذا حبيتي عشان تعاينين المكان واللي يدربون وتاخذين فكرة صراحة تحمست لهم بس في وحدة ردت علي وصدمتني وهونت صراحة
طبعا الموضوع انا حاطته بمنتدى كويتيات وهذا ردها

انا بقولكم تجربة اختي

اول كلامهم عسل وتقول لج قبل ما تدفعين عادي راح اعلمج بس بشرط انك انت اللي تييبين المكياج من عندج ودفعت الفلوس ودخلت اول حصه وشوفو شنو صار


اختى يابت المكياج وعندها ماشاء الله كل الماركات الكبيرة المعروفه من طقه كريستيان وغيرها المهم راحت اللبنانيه قالت لاختي وين الطلبات اللي كتبناها لج في ورقه الطلبات ؟
قالت اختى كاهي الطلبات وتشوفهم اللبنانيه وتقوم تطلع بكل شي عيب
تقول هيدي مش منيح لبشرتك وهيدي مش مناسب لجو الكويت وهيدي لونه مش حلو


المهم سبت المرة كل المكياج اختي انصدمت هذي ماركات معروفه وانتي قلتي لي يييبي مكياجج اعلمج عليه

قالت لا انا مابعرف ادربك الا على مكياج معين اللي اهو ماركه لوي اللي تنباع بس عندهم

وراحت طلعت عند الريسيبشن ونادت اختى وقالت لها هيدا المكياج وروحي حاسبي انا اخترت اليك كل شي يلبألك


المهم طلع حسابها 80 دينار و50 للمليلك وكريمات الترطيب وقال لها اشتري مستحضرات الشعرعشان دورة الشعر


اختي انصدمت
قالت لهم مو نفس ما اتفقنا الحين المكياج صار اغلى من الدورة تخيلوا بنات انها تخليكم تشترون حتى ماشات معينه لا وتطلب جميع الاحجام هذا لدورة الشعر ولازم من عندهم واذا نقص شي تقول لج ماراح ادربج اليوم روحي كملي الناقص من عندنا


يعني ما يعجبهم العجب وكلها نصب بنصب يعني تسويق لمنتجاتهم اللي طايحه بجبدهم



ما كملت لكم اختي شنو سوت ؟؟؟


قالت لها دربيني على مستحضراتي ما ابي اشتري ماركتكم ما احبها وجذي مكياجي بتطيح بجبدي

قالت لاااااا ماراح ندربج بدك اهلا وسهلا ما بدك مانعرف ندرب على منتجات ثانيه




دقت اختى على اخوى ويا شخلهم وخذنا فلوس الجور ةغضب طيب لا كانت بتطيب خاطرنا تقول بعطيكم كوبون شراء بقيمه الدورة منتجات من بيضون على كيفكم

قلنالهم مانبي من منتجاتكم المغبرة


يعني المساله كلها لا تدريب ولا بطيخ كلها تسويق لمنتجاتهم الغاليه والخايسه المغبرة عن طريق الدورة

فهمتوا الغمندة
====================================================

هذا كان رد البنت يزاها الله خير فمادري ترددت لو ان العرض حلو والسعر مناسب بس مادري شلون

المهم انا دقيت على صالون جلامور مال عبير الياسين وقالولي يسوون دورات
في 8 ساعات ب 125
و 12 ساعة ب 200
واللي يدربون 3 عبير الياسين ووحدة اسمها داليا مادري رانيا ووحدة اسمها بدور
طبعا انا ماجربتهم ولا اعرف احد جربهم بس ستايل عبير حلو وناعم مو دفش نفس حنان دشتي ماحب ستايلها


وفي بعد معهد اسمه بيوتي اكاديمي عندهم فرعين واحد بالمهلب وواحد بجاليريا2000
اعلاناتهم دايما تلقونها بالممتاز
الساعه ب 10 هم 8 ساعات
ويقولج عادي تبين تيبين مكياجج عادي مايقولوج غصب اشتري مننا
وفي مدرب ريال ومدربة مره
وهم ماجربتهم


وعندج صالون بيور عند هبه جان تعرفينها كانت بصالون كريستال قبل انا بالنسبة لي محد بالكويت يحط احلى من مكياجها زوووووغه تينن
تقول تسوي دورة 12 جلسة 3 مرات بالاسبوع لمدة شهر كل جلسة ساعة ونص يعني 18 ساعه ب 300 دينار
والله هبه تستاهل كل فلس مو خسارة فيها
والاغراض تعلمج على الاغراض اللي عندها وانتي بعدين اشتري اللي يناسبج او اذا تبين ييبي اغراضج معاج وتعلمج عليهم وقالت تعلم على طريقة الشمع اللي يخشون فيه الحواجب حق اللي مايحفون هذا اهم شي عندي
ترى الفرق بينها وبين الباجي مو وايد هم الساعه ب 10 هي ساعتها تطلع 12 ولا 13 جذي
وطبعا عندها دورة حق اللي تبي تتخصص بالمكياج تصير اغلى
عنوان صالونها بميدان حولي قبال مسرح نقابة العمال العمارة اللي فيها الصالون فيها محل كاكاو اسمه صبا

هذي صج افكر اروحلها لاني مجربتها روعه وتستاهل كل فلس