انجال الغضب
•
سبحان الله
بنات تكفون بنات جدة من وين تشترو اغراض المشاغل مكياج واغراض المنكير والبديكير واغراض المشغل عموما
بنات تكفون بنات جدة من وين تشترو اغراض المشاغل مكياج واغراض المنكير والبديكير واغراض المشغل عمومابنات تكفون بنات جدة من وين تشترو اغراض المشاغل مكياج واغراض المنكير والبديكير واغراض المشغل عموما
محمود سعيد
مرحبا حبوبات
مطلوب كوافيرة للتنازل بس تكون ساكنة مع زوجها او اي حد من اهلها هنا
انا من الشرقية
مطلوب كوافيرة للتنازل بس تكون ساكنة مع زوجها او اي حد من اهلها هنا
انا من الشرقية
الحفيدة
•
شوفو يابنات انا عندى موضوع حيوى وفعال ومصيرى طبعا انا عندي صالون ومشغل وجزء بسيط بوتيك واتعنيت انى اعمل الثلاثه سوى كتجربه اي من هذول مريح للعمل فيه من ناحية الخدمات وتعامل مع العاملات وطبعا دخل كل واحد منهم ولى سنتين وانا اعمل جاهدة بكل قوتى طبعا كلكم مجربين كيف عطائنا لأعمالنا والمحافظه وسعينا لارتقاء خدماتنا ووصلت لنتيجه واحده تررررررررراه ماهو احباط لكم يأخواتى وهذا مجرد رايى الشخصى من تجربه وكل وحده فيكم لها الرأي الشخصى واتقبل اعي اعتراض بصدررحب واخوه يمكن تكون عندي نقطه اوحلقه مفقوده لمفهوميتى اوخلل في ادارة المحل ولاكن تقييم للأقسام سواء الصالون او الخياطة او البوتيك وكل واحد فيهم له ايجابيات وله سلبيات بس اي قسم منهم كثير الايجابيات وقليل السلبيات!!!!! طبعا مستحيل حيكون الصالون !!!ليه؟؟؟مستحيل لان الصالون يحتاج الى عدة عاملات نفترض جدلا انهم اقل عدد 4او5 عاملات ثلاث منهم ممتازات وواحده محتاجه لتطوير نفسها اى بلاش نقول سيئه نقول تمشى حالها واذا كانو اربعه ممتازات والخامسه كمان تمشى حالها بس هذول اذا كانو على كفالتك فانتى متورطه فيهم سنتين لامفر الااذا نقلتى كفاله وخسرتى فيزه وماتقدرى تعوضيها ((طبعا من لوائح مكتب العمل الى يتنازل عن المكفول يفقد التاشيره ولايحق له باصدار بديل )) شفتو هاذى اول سلبيه اما اذا كانو عاملاتك من الداخل طبعا من الساهل انهاء خدماتهم اذا كانو سيئين اواذا هى قررت ترك العمل فى كلى الحالتين المحل يبدا بتأرجح بالنسبة لسمعتو ّ!!!! نهيكى عن المشاكل الثانيه الى برضولها تأثير سلبى على المحل هذه سلبيه ثانيه لا تتوقعو اي نتائج سريعة لتغطية رواتب العاملات قبل سنه من افتتاح المحل مستحيل يمكن وتكون وحدة لها نطاق واسع فى المجتمع وفنانة بلاداره ولديها قسم للمبيعات اوقسم للتأجيرهذه بس ممكن تتطلع نصف رواتب عاملاتها بعدستة شهور ومن تقول عكس ذلك فهى بتغالط نفسها وهذه سلبيه ثالثه انى ادفع رواتب عاملات من جيبى الا اذا كان عندها سيوله مخزونه فى البنك لتغطية عجز المحل السلبيه الرابعة ماهى شريحة الزبائن للمحل هل شريحة سيدات لايهتمون بالسعر واهتمامهم بجودة الخدمات !!!!!ام من شريحة السيدات الى لا يدفعون يبحثو فقط عن العروض ولا يهتمو جيدا بجودة الخدمه بسبب ظروفهم اوماشابه ذلك!!!!! واذا استمر الصالون مدار السنه يعمل عروض واسعار تهبط من دخل وميزانية المحل !!!!!!! السلبيه الخامسه اي غلطه اواهمال من موظفة بأهمالها لتعقيم وتتطهير الادوات قدتكون مسببه لابسط الامراض التهاب الكبد الوبائ ولا تقولو مافى انا عرف سيدة اعمال معروفه ومتزوجه من رجل من كبار اعيان جده اصيبت بهذا المرض بسبب اهمال بعض الصوالين الكبيره عن طريق خدمة البديكير نقلت لها المرض من اخرى بواسطة مقلم الاظافر !!!!!! شوفو يابنات قد ايش سلبيات الصالون وماشاءالله بأدخل المنتدي وكل يوم وحده جديده من الاخوات بيقررو فتح صالون فعلا انا ليه سنتين اتمنيت انى ماورطت حالى مسئوليه الى ابعد الحدود يعنى لازم عيونك تدور على كل زاويه وركن بالمحل وتتفقدى المطهر الخاص وهل وضع لاكميه المطلوبه هل الادوات عقمت هل الفرش نظفت هل المناشف اتغسلت هل الموظفه مهندمه هيا امور صغيره ولاكن مهمة لصاحبة المحل هل العامله لها رائحه ام لا فهى تقترب من نفس الزبون فى حالة المكياج او تنظيف البشره وا لعمل الفتله هل عدم المؤاخذه ابطها نظيف هذه كلها عوامل متعبه لصاحبة المحل فيجب كل وحده فاتحه صالون او مقرره تفتح صالون تحط هذه الحاجات وانا اعتبرها عامل اساسى لتحمل مسئولية هذا العمل ******* الخياطة سلبياتو متوسطه بعض الشىء يجب على مدير ة هذاالقسم تكون ملمة تماما بالخياطه اوذالايوجدلها اي خبره في الخياطة لن ولن ينجح هذا القسم طبعا بتسألو ليش لازم تكون عندها فكره ؟؟؟ستواجه في يوما ما يكون الفستان خربان بس هي ماتعرف تشوف الفستان مخلص وخلاص بينما الى عندها فكره بالخياطه راح تعرف لاول وهلة انو الفستان فيه خلل وتقوم بأدركه قبل وصول الزبونه لتكتشف الخطاء ايضا تواصلها مع الزبونه بالنسبه للتعديلات المطلوبه اشرافها على الخياطه اثناء تنفيذ الفستان اما تتركى الخياطه تعمل الفستان على كيفها يمكن ماتكون فهمت على الزبونه بسبب اللغه ولا المشرفه على الخياطه تنقل المعلومه زي البغبغان للخياطة اكبر سبب في فشل قسم الخياطة المشرفه اذا ماتكون ملمة بالخياطةوانا كتجربه بقسم الخياطه من 12سنه خبرة خياطه ولاكن تكون نسبة نجاحو عاليه دخل العاملات سريع ممكن من ثاني شهر اذا هم خياطتين والشهر الرابع تغطى رواتب ومصاريف الخياطة في الشهر السادس اذا الخياطه نظيفه ومتقنه حطلعى رواتب+مصاريف+فواتيركهرباء فى السنه راح تبدئى تجمعى رصيد من الدخل الفائض وتوسعى المحل بخياطة ثالثه يعنى عدد عاملاتك ماتجاوزو الاربعه بعد السنه تحتارى فين تقضى اجازتك وفين تتمشى من رزق المحل ولاتنسي تاخدينى معاكى:42: اما البوتيك ليس لي اي تجربه كبيره فيه للفلسفه الزايده عنو لكن اعتقد تبدأ بموظفه وحده براتب جزئى ويمكن من اسباب نجاح البوتيك اختيار موديلات تناسب وتعجب اكبرشريحة من السيدات من كبار السن الى الشابات ويكون منوع بفساتين وجلابيات وفساتين زفاف اناحاليا كان جزأبسيط من المحل وبدأت بفضل من الله سبحانه وتعالى بتوسعتو وهذا من خير قسم الخياطة اما قسم الصالون ابدا لم يوصل لدرجة الارتقاء بسبب تغير العاملات من فترة لفترة فأحتمال كبير سأقوم بتأجير المحل وليس تقبيل لمدة عام كتجربه لأعرف اين يكمن الخلل الحقيقى بهذا القسم واعذرونى لاطالة الموضوع عليكم بس فعلا استنى من كل الخوات من غير ذكر اسماء اي اخت اشتركت معاى بأي موضوع بلجد او بالمزح تعطينى رأيها بمنتهى الصراحه سواء ايجابى اوسلبى:angry2:
الصفحة الأخيرة