أكبر مشكله تواجهني في الحمل ,,,,,, ساعدوني

الله يكون بعونك وهذا شي طبيعي أكيد
بس المهم أن زوجك يتفهم وضعك
اشرحي له انك حاسة بنفسك وان وضعك مو عاجبك واحساسك بالعصبية غصبٍ عنك


أنا تصير وياي حتى بفترة الدّورة والحين بفترة الحمل على طوووول أعصابي مشدودة بس شنسوي
إن شاء الله فترة وتعدّي ..

حبيبتي هذا الشي طبيعي
كل حامل اول أيام تعاني من الأعصاب والنرفزه الزايده

كلمي زوجج وقعدي معاه وقوليله هذا تغير في هرمونات الجسم وانتي مالج دخل فيه
وكلها فتره ان شاء الله راح تلقين نفسج هديتي ورجعتي لطبيعتج
قوليله استحملني بهالفتره وحتى انتي متضايقه من نفسج بس خليه يساعدج وما يزعل علشان نفسيتج ما تتعب زياده والله يهدي سركم ويهون عليج

فعلا نفس الكلام اللي يقولوه الاخوات

واذا امكن خليه يدخل معك للاخصائيه وقولي لها انك دايم معصبه خليها تشرح لك هذي النقطه ويكون زوجك يسمع حتى يتفهم

لان بعض الازواج الله يهديهم ما ايسمعون من زوجاتهم

لان الراجه النفسية ضروريه للحامل والله يتمم حملك على خير

وانا اعاني من المشكلة هذه،على زوجي !!!وعلى نفسي وعلى عيالي
ونفسي ضايقه علي واحس اني بختنق وصدق بعدالتعصيب..اسأل نفسي ..
ليه ما اقدر امسك نفسي؟؟ مساكين عيالي والله يرتعبون من شكلي ،لكن شرحتلهم
اللي قدرت عليه ولزوجي بعد ...العيال تفهموا وضعي رغم صغر سنهم لكن
زوجي ماهو براضي يتقبل الوضع هذا والله المستعان والله يكون بعونك ياالله
فترة وتعدي

كلنا نفس الشي