أكتبي قصتك.. ماذا فعلتي..؟ من الشدة إلى الفرج

ننتظر قصصكم
الله المستعان

شوفي ياقلبي انا بتكلم عن قصه في حياتي
ابوي كان من النوع الجداً قاسي فالكلام والمعامله ..
متهاون فالصلاه لأبعد الحدود .. كل شي شين فيه استغفر الله ..
امي تعبت منه لين انمرضت .. بس كانت صابره
وكنت استغرب صبرها .. واقول خلاص تطلقي لي متى وحنا ع الحاله .. وكانت تقول بتنفرج يابنيتي ..
والله يااختي .. صدق صبرت وقت طوويل . بس نالت وربي اعطاها ماتتمنى
تعالي شوفي ابوي الحين .. انسان محافظ ع الصلاه .. دايم البسمه وبس يجلس معانا ويضحك ..
مايعز علينا الريال اللي نبيه يعطينا ووين مانبي يودينا لو آخر الدنيا
انا إلى الآن مو مصدقه ان هذا ابوي ..
بس ربك كريم ..
امي قالت لي انها كانت تقوم الليل كل يوم وتدعي له بالهدايه
وماملت ولا كلت .. تستغفر وااااجد
والحين صار لها زوجها مثل ماتتمنى واكثر ..
صارت قدوتي بالصبر والله كل ما اشوفهاا اقول ربي يعطيني صبرها وايمانها

.
.
كل شي له حل بالأستغفاار والدعااء والله لو انه جبال بتنهد ..
احسني الظن بالله .. وربك عند الظن ..

فأن مع العسر يسرا ان مع العسر يسرا

تدبرو القران ولكم فيه الامثلة الحيه












الله يفرجها لي ولكم

أنا ياغاليه حصلت لي ضائقه فجأه
في دراستي ظلم طبعا أو تقدرين
تقولين خطأ مسؤلين وانا اللي طحت فيه
أول ماقالت لي الموضوع الموظفه أنا جلست
ساكته وماقلت أي شي وقلت تنحل
ان شاء الله لما رجعت البيت قلت لأمي
صارت ماتنام أمي من الهم أنا لما شفت
وضع أمي حزنت على أمي وبدأت
أتوسل الى الله بالدعاء ان ينحل
الموضوع ودعيت الله ان اللي لها يد
في ظلمي انها تعرف غلطتها
تخيلي اليوم الثاني نادتني وقالت
شوفي ترى والله العظيم مالي
شغل بالموضوع وأوعدك اني امشي
في الموضوع حتى ينحل)لاحظي
هي اللي نادتني وأنا أصلا ماوضحت
لها اني متذمره ولاقلت لها شي(
وفعلا اسبوع وانحل الموضوع وبعد فتره
بدأ يظهر لي ان هذي الضائقه كانت خير لي..
سبحان الله والحمدلله حمدا يليق بعزته وجلاله..
مابعد الشده الا الفرج..

سلطانة نت
أسعدني مرورك

miss nora
اللهم أجعل كل ماذكرتي في موازين حسناتك
لأن هذه القصص تقوي من عزائمنا..
ونقتدي بما فعلت الوالده وبالتالي لها من الأجر مثله..

طالبة كلية الدعوه
الله يجزاك خير ويسعد..
دنيا وآخرة..