أكتب وأنا على السرير شخيره واصل لبيت الجيران

مرحبا بنات

بدخل في الموضوع على طول
متزوجة من 6 سنوات وأم لأطفال اثنين
زوجي إنسان عادي جدا
الرومانسية ما يعرف وين طريقها إنسان راتبه متوسط
وعايش ليومه xxx

عنده برود جنسي وبلعتها واكتفيت بمرات تنعد على الأصابع
مشكلتي إن كل ليلة هاذي حالتي من ست سنوات
يرجع من برة ويفسخ ثوبه وينام بسرواله وفانيلته
ما يتروش علشاني نهائيا وريحة العطر ما أشمها فيه إلا إذا بيطلع
وملابسه الوسخين ينام فيهم ويتروش الصباح ويروح للعمل نظيف ومتعطر
وإذا جا عندي ما يتأنق ولا يلبس الحلو علشاني
ولا مرة تروش عشان يكون بيننا لقاء
مع إني محترمته لآخر درجة وأحبه وأنيقة ونظيفة
ملابسي متنوعة وهو ما يتشرط في الملابس
إنسان زاهد في الحريم تماما لا يبغى جماع ولا يبغى شي مني

كم مرة أكلمه يقول أنا ما أحب الرومانسيات والجماع
أنا عندي مشاغل أهم من هالأشياء
وكم مرة أرسل له مواضيع على الوتس
إن الزوجة تحتاج وتحتاج يحقرني وما يقرأ إلا القليل
وعنده إلي يكثر من الجماع هذا حيوان مو بشر
كم مرة أفهمه هاذي غريزة طبيعية في كل الناس يقول صح لكن بحدود
حدود ماله في الشهر 6 مرات أو 8 إذا زادت
ومتأكدة مليار في المية ما يخوني
ما يحب الجنس هالشغلة ما تستهويه نهائيا
حتى قبلات وما شابه ما أشوفها منه

أنا صح عندي أطفال وعقلي يقولي اقضبي بيتك
لكن السؤال مو من حقي زوجي أشوفه نظيف ومتعطر؟؟
كم مرة أكلمه يرش رشتين عطر فوق فانيلته الوسخة ويسكتني
ما يبغى يتغير الرجال
مع إني أكلمه بأسلوب مرة حلو وبهدوء
ما نفع معاه شي أنا صبري بدأ ينفذ
أحس شبابي وجمالي ضايع مع هذا الإنسان

ما أبغى أشتت بيتي وعيالي
في نفس الوقت مشتهية أقبل على زوج يفتح النفس
نظيف وريحته حلوة ورومانسي ويحسسني بأنوثتي

وش أسوي وش نصيحتكم لي؟؟
مضايقة جدا
جالسة أناظره مو على باله يشاخر ومستريح وأنا تعبانة منه
قربت جمبه عطاني ظهره وقال بنام بنام
يعني ابعدي ابعدي بس ما قالها وش أسوي
لو انتوا مكاني وش سويتوا؟؟

أتمنى من المشرفات ما يحذفوا موضوعي
راعيت كل حدود الأدب وما قلت كلام مشين
وهذا الصرح ما انفتح إلا لحل مشاكل الناس وكسب الأجر
وأنا في مشكلة حقيقية أتمنى ألاقي حل