:twirl::a_smil17::twirl:
اكتشفت طريقه حلوه لترك الغيبه
جربتها مؤخرا وما أدري أذا تعرفوها أولا
بس قبل كل شي لازم نعرف السبب أحنا ليش نغتاب
وش أستفدنا
هل ندمنا على هالتصرف أولا
وراح أتكلم عن نفسي
انا لما أكون لحالي وفي بيتي مع زوجي واولادي
بفصل الله ما أجيب سيرة أحد
بس لما اطلع وازور واقابل حريم أتغير واصير أحش معاهم عن فلانه واسب علانه وأشارك وأسولف
وارجع بيتي منقهره واحس بضيقه مو عارفه ليش
بس صرت اواجه نفسي ااقول "حاسه بضيقه يا فروحه لانك أغتبتي"
واقعد الوم نفسي وأحاسبها وأستغفر بس الضيقه مازالت موجوده ولما اتذكر
ان ثلث عذاب القبر هو الغيبه انقهر أكثر واقول مو معقوله الحريم اللي قعدت معهم
هم السبب انا كمان تكلمت
وما حد يتحمل ذنوبي غيري
وعرفت اني في غلط بشخصيتي
"ملاحظه"
(انا في محاولة جهاد مع نفسي
وأسعى للتغير نحو الافضل لان الله سبحانه وتعالي يقول "
( انّ الله لايغير مابقومٍ حتى يغيّروا ما بأنفسهم )"
وحاطه هدف في حياتي ابدأ. بالتغير في نفسي واهلي ومجتمعي والله يكتب لي ولكم كل خير"
أرجع لموضوعي
عرفت السبب هو( حب الاتنقام + الضعف )
قررت أن أشوف حل لترك الغيبه
وصرت ادعي ربي انو يحفظ لساني وصرت بقدر الامكان ما أتكلم بأحد
بس أذا جلست بمجلس غيبه وش أسوي؟!
أول حل جاء في. بالي أني أسكت أذا سمعت سالفه فيها حش وغيبه ونميمه وما أخفيكم سر اني فشلت
لان في شي بداخلي أهتز وحسيت
بالضعف وكنت. الوم نفسي ..ولو انا قويه كان سكتهم
ونصحتهم لا نو حرام
بس للأسف كنت ضعيفه هالكلمه قهرتني كثير طيب والحل اواجههم وما اسمح لاي غيبه تنذكر في وجودي
عن أخت لي مسلمه وهالشي واجب علي طيب راح اقدر!!!
أعترف لكم اني ما قدرت
وفكرت في حلول
وألهمني الله وقريت حديث عن الرسول عليه الصلاة والسلام
راح أذكره في الاخير خلاني أترك الغيبه بالتدريج وان شاء الله الى الابد
وحبيت تشاركوني فيه
والطريقه كالتالي:
في أي مجلس غيبه أدافع أو أمدح في الشخص المغتاب وأحسن الظن فيه
مثلا
قالو *** فستانها بايخ وكلامها غبي وزوجها مايحبها
اقول وكمثال لكم للتوضيح
بس ماشاء الله *** جسمها حلو ومكياجها مره عجبني
واسلوبها في الكلام خاص فيها واذا زوجها مايحبها الله يسخرو لها ويهديه
اما اذا قالو انو فلانه سوت شي غلط ردي بانو ما حد يعرف ظروفها يمكن غصب عنها
ودائما ركزي انو يكون كلامك مرتب مع أبتسامة ثقه عشان يوصلهم كلامك بطريقه حلوه
وتأثري عليهم
و أهم شي حطي في أعتبارك وأنتي تدافعين عن الشخص المغتاب تكونين صادقه في مدحك ودفاعك
مو تآالفين وتكذبين
يعني وهم يتكلمون ذكرو أشياء سيئه في المغتاب
أنتي أبحثي عن الاشياء الحلوه والجميله في هالشخص
ولو فرضنا ان اللي حولك قالو انتي ليش تدافعين وانتي ماتعرفينها وأستمرو
في الغيبه قولي "أحنا كلنا عيوب ماحد كامل والله يهدينا"
وبكذا بأذن الله راح تتركين الغيبه بالتدريج وتكوني مؤثره لامتأثره
قال رسول الله صلى الله
عليه وسلم(من ذب عن عرض أخيه بالغيبة–أي في غيبته–كان حقاً على الله أن يعتقه من النار)رواه مسلم
اتمنى انو فكرتي وصلتكم
والله يجعل كتابنا في عليين ويحفظ لساننا عن العالمين
وأعتذر. عن الأطاله عليكم وعن الأخطاء املائيه لاني أكتب من الجوال
فروووحه3 @frooohh3
عضوة نشيطة
يلزم عليك تسجيل الدخول أولًا لكتابة تعليق.
ابتسام بنت تميم
•
الله يجزاك خير
الـــــــلـــــــه يجزاك الجنـــــــه
فعﻼًانا نفس حالتك في البيت ماأتكلــــم بشي بس اذا قابلــــت حـــريم الــــلــــهم تب عليـــــنا وﷲ اني احس بعـــدها بتأنيب الضمــــير ماقـــصرتي راح اتبع طريقتك الـــلــــه يهدينا ...
فعﻼًانا نفس حالتك في البيت ماأتكلــــم بشي بس اذا قابلــــت حـــريم الــــلــــهم تب عليـــــنا وﷲ اني احس بعـــدها بتأنيب الضمــــير ماقـــصرتي راح اتبع طريقتك الـــلــــه يهدينا ...
صنتااااا
•
والله انك صادقه دايما اغتاب الناس واذا رجعت البيت انقهر وماانام لاني احس بالذنب
يارب توب علينا من الغيبه والنميمة وارزقنا يارب
يارب توب علينا من الغيبه والنميمة وارزقنا يارب
أسأل الله العلي العظيم ان يكتبك وإيانا من المعتقين من النار
جزاك الله خير وكثر من أمثالك
جزاك الله خير وكثر من أمثالك
الصفحة الأخيرة