أكرررررررررررررررررررررره العيد!

يمكن تستغربون من موضوعي وتقولون،فيه أحد ما يحب العيد؟؟!
الناس تتجهز له من قبل رمضان والكل يبي يظهر فيه بأحلى ما عنده والناس تتشوق له بفارغ الصبر وووو..الخ.
لكن انا الصراحة صرت أكره العيد، نعم أكرهـه وأشيل هم اذا قرب بعد!
حلاة العيد بالتواضع والبساطة والضحك والسوالف،لكن للأسف اللي حاصل عند قرايبي غيييييييييييييييير!
من تدخل الوحدة وهم يخزونها من..الى.. ويشوفون لبسك من اي ماركة واكسسوارك من اي محل ، وجزمتك (تكرمون)ايطالية غالية والا صينية اي كلام، تسريحة شعرك بف أو ستريت وحركات والا استشوار عادي والسلام!
يا اللــــــــــــــــــــــــه وش هذا!
كأن الوحده داخلة مسابقة ملكة جمال والا عرض أزياء!
الكل متوتر وعينه على الثاني والوجيه مكشره وان كان هناك ابتسامات،فهي ابتسامات صفراء للمجاملة!
وطبعا لازم تسمعين احد هالجمل:
* هاللون مو حلو عليك، لو كنتي لابسه اللون الفلاني أحلى!
* صبغة شعرك نازلة نص سم، شكلك ياعمري ما انتبهتي والا مو معقوله تتركينها ما تصبغينها!
* رسمة الكحل في عينك اليمين أطول شوي من عينك اليسار :09:
* ودي مرة أشوف شعرك بغير هالشكل ( طيب فيه ناس شعورهم ماتساعد انهم يبدعون فيها ) :mad:
* بدلة ولدك شايفه على ولد عمنا مثلها ( يعني تراها رخيصه ومنتشره وكلن يقدر يشتريها)
* لمعة شنطتك مو ذاك الزود، من وين خذتيها ( عشان تنبهك ان المكان اللي شريتي منه شنطتك اي كلام وتوجهك هي عاد للزين)
* مكياجك بهت وانتي توك داخله، لاتشترين أساس اي كلام..لازم يكون عندك شي راقي للمناسبات :icon28:
* قصة شعر بنتك مو حلوة، مسيكينة لعبت بها الكوافيره..ودوها للمشغل الفلاني اللي قصيت عنده بنتي!
وطبعا هالكلام كله ينقال على الملأ مو بينك وبينها،عشان لاتحسبون انها فعلا قلبها عليك وتبي مصلحتك :mad:
ياااااااااااااااااااااااارب تصبرني بس، وش هالعالم اعوذ بالله!
دائما ينظرون للناس نظرة دونية وانهم هم الافضل واللي يفهمون في كل شي وغيرهم ما عندهم ذوق ولايعرفون للزين!
يختي كل واحد ينام على الجمب اللي يريحه والناس اذواق،ماله داعي التجريح!
اللي يعجبك ما يجب غيرك واللي يعجب غيرك ما يعجبك، عادي!
كل شخص ادرى باللي يناسبه ويريحه، وان كان عندك وجهة نظر قوليها بأسلوب بينك وبين الحرمة مو توجهين لها سلسلة انتقادات قدام الحريم :mad:
هذا كله كوم والتبذير والاسراف والمبالغة في الأكل والشرب والعيديات حقات الاطفال!
كل سنة العيد على عائلة وكل عائلة تقول عساني بس اغطي على العائلة اللي قبلي وأكسر خشومهم!
وصلت الدعوا الى انهم يستوردون لحم نعام من برا، عشان ينقال عنهم ( الفلان في عيدهم حطوا لحم نعام)!
الله لايعاقبنا بس، يعني ما يصلح العيد الا بلحم نعام!
المصيبة انه الكل يتفرج ولا احد تجرأ يذوقه، خبركم ما تعودنا الا على اللحم والدجاج.
ولاتهون اواني تقديم المكسرات وعدة الشاهي والقهوة، شي من قزاز وشي من باخشوين!
وصياني تقديم الشوكولاته، مايرضون بأقل من مارينون و جوي ،والا باتشي عندهم صار قديم يوزعونه على البزران خخخخخخخخخخخخخخخخخ!
انا بالنسبة لي حلاو البقر أحسن من هذا كله :22:
آآآآآه بس آآه هذا غيض من فيض!
من جد أكره العيد ، من يوم ادخل أحس بضيقه وقلبي مقبوض..
محد يسولف مع أحد ولا أحد يسأل عن أحد، القلوب مو على بعض..
لامسابقات، لافعاليات،كل وحده حاطه رجل على رجل وعاقده النونه ،كنها تمثال شمع!
بس هالصبابات اللي يدورون هم اللي معطين حركة للمكان.
وان فكرتي مره تسوين تغيير وعملتي مسابقه، محد متنازل يعطيك وجه كل وحده تقول (خير شايفتني بزر)
بالله وش رايكم يا بنات ، معي حق لو كرهت العيد والا؟