تابعي ام سوسو في دوره مسويتها عن كيف تديرين مملكتك بنجااااح روحي لقسم الدوراااات
روووووعه جعلها الله بموازين حسناتها

قفلي الغرف الي ماتستخمينهاوخلي جلوسكم في المقلط او الصاله وقفلي الباقي وغرفه النوم للنوم بس اذا صحيتي رتبيها وقفلي الباب
والمواعين حددي عدد معين من الاكواب والفناجيل والصحون والملاعق انا مثلا حاطه اربع اكواب مويه وكوبين شاهي وثلاث شوك وأربع سكاكين وخمس ملاعق صغيره وخمس كبيره وملاس وغرافه وصينيه وقدرين فقط وهكذا شوفي الاشياء الي تستخدمينها كثير وحطيها في درج جنب المجلى والباقي بعديه وإذا تحطينه فاكياس وتشرطنينه افظل واغسليه على طول وانتي تشتغلين اما القرابيع حطي ثلاث كراتين ورمي في كل الي بالغرف كرتون للي ماتبينه وماينفع لصدقه وكرتون للصدقه وكرتون للتحتاجينه ونفس الشي مع الملابس وخليها لين ماتفظين وترتبيها وحطي سلات زباله الله يكرمكم فالحمام والممرات وعند المغاسل وفي غرفه النوم وارمي فيها على طول عشان مايطيح شي بالارض وبعد ماتلمين وترتبين أباي بجدول للتنظيف اول شي سوي جدول يومي خفيف الي هو طبخ وغسيل مواعين وكنس مكان الجلوس والاكل وترتيب وكنس سريع واذا انتظمتي عليه أبداي بلاسبوعي مثلا السبت للمطبخ والاحد لصاله والمقلط والاثنين الحماماتوالثلاثاء غرفه النوم والاربعاء المجالس ماقول افركيها ولاعميق لا سوي الي تقدرين عليه رتبيها ومسحي الطولات واكنسي بس وكل اسبوع اظيفي الشباك بعدين الستاره وهكذا وخليك سريعه وكافأي نفسك واهم شي التدريج وزي ماقالو البنات اهم شي ارمي لاتحتفظين باشياء ماتحتاجينها وعطينا خبر اذا استفدتي وطبقتي افكارنا والله يكون فالعون

يا اختي الغاليه انتي قلتي 5 غرف ماشاء الله تبارك الله
انا فقط 3 غرف ولكن الحمد لله البيت نظيف ولله الحمد
اختي الغاليه
لا تكثثرين اغراض بالبيت هذا الشئ يزيد التعب على الانسان
حاولي ما تشترين الا المفيد المهم
اشتري مقسمات وامور تسهل الترتيب
سوي لك مخزن وهذا الشئ مهم جدا
والله بيتي ضيق جدا ولكني سويت مخزن وارتحت كثير
وقبل كل شئ
اسالي الله التوفيق والبركه في كل شئ
دائما رددي
يارب بارك لي في وقتي
وفي ابني وزوجي
وفي بيتي واثاثي
وبإذن الله ربي ما يخيبك
فديت قلبك يا عسل

نفس حالتي

خمس غرف وتنشرين فغرفة الحريم ؟! شوفي وحدة من الغرف وخليها للملابس
المواعين بعد كل وجبة غسليها لاتخلينها تتراكم وبعد اخر وجبة امسحي المطبخ
طفلك طلعيله كم لعبه وخبي الباقي الين يمل منها وشيليها وطلعي غيرها
أي شي تطلعينه وتستخدمينه رجعيه مكانه لاتقولين بعدين
مرة قريت وحدة تقول او ماتصحي من النوم شيلي كيسين كل واحد فيد ومري على البيت كله لمي كل شي الاشياء اللي تبغينها فكيس واللي بترمينها فكيس ومري على الزبالة وارمي الكيس وبكذا ترتاحين
اذاجيتي تنامين سبحي 33 واحمدي الله 33 وكبري 33 هذي وصية الرسول صلى الله عليه وسلم لابنته فاطمة
الله يعينك