والله انا صراحه ما اايد المراه تروح لبيت اهلها يوميا انتي ما تكرهين بيتك انتي تعودتي انك تطلعين لاهلك كل يوم عشان كذا لو تجلسين تحسين انك متضايقه
شوفي حبيبتي اجلسي في بيتك ونظفيه واستمتعي في تنظيفه
اسمحيلي بقول لك كلمه يمكن تجرحك بس اعتبريني اختك الكبيره ولا تزعلين انا اتوقع ان بيتك وسخ ومو مرتب والسبب طلعاتك اليوميه وعشان كذا ما ترتاحين فيه جربي يومين اجلسي في بيتك وتحملي ومو تجلسين وتطالعين التلفزيون لا امسكي المطبخ ونفيه كويس وبدقه وامسحي الفرن والطاوله والدواليب وغيري اي شي في اذا فيه امكانيه
اطلعي لغرفه النوم ونظفيها من قلب ورتبي ملابسك وملابس زوجك في الدولاب وغيري فيها وحطي لمسات وفاجئي زوجك اذا رجع خليه يشوف غرفه ثانيه
ومن بكره غيري الصاله وكل ركن في بيتك حاولي تغيرين فيه ومع نظافة البيت احرصي على النظافه اليوميه ولاتنسين تعطير بيتك بعد كل تنظيف وحطي الفواحات وابدعي في بيتك وخليك حرمه سنعه واتركي عنك الطلعات ومن اول ما يطلع زوجك من البيت ابدي انتي في الشغل والترتيب وبعد ما تخلصين من البيت ابدي في نفسك والبسي اي لبس فاتن وفاجي زوجك صدقيني راح تحبين هالروتين وتنسين الطلعه لاهلك
وانتبهي انك تعطين زوجك فرصه لكي يبحث عن غيرك انتي بهالطريقه راح تخلين لزوجك مجال عشان يدور غيرك ويلهي نفسه بحرمه ثانيه لانك راح تعطينه فرصه بما انك عند اهلك كل يوم يعني بالعربي انشبي فيه وخليه يكون مسؤال عنك وحتى وهو طالع
اجذبيه لك ولبيتك وعيشي شبابك مع زوجك وابدعي في بيتك بكره بتكبرين وراح تندمين اذا ما وريتي زوجك ابداعاتك الحين مته راح تورينه اذا كبرتي مراح تقدرين وبتندمين على العمر اللي راح وريه سناعتك قبل ما تندمين
انا اعرف لك واحد تزوج على زوجته عشانها كل يوم عند اهلها ويقول هي اللي حدتني على الزواج انتبهي انا ما ودي اخوفك بس خايفه يجي هاليوم وتندمين ...انشبي في زوجك ولا تكثرين طلعات
والله انا صراحه ما اايد المراه تروح لبيت اهلها يوميا انتي ما تكرهين بيتك انتي تعودتي انك تطلعين...
افتحي النوافذ خلي بيتك يتهوا تدخلوه الشمس
وشغلي قران بصوت عالي وانتي اقري قران
والله راح تحبي بيتك انا بكذا ارتحت مرا
ويازين الاستقرار يابنت الحلال
حتى زوجك يجلس معك مو طول اليوم عند اهلك ليه متزوجه اجل؟