البنات ماقصرو ماشاء كل الي في بالي قالوه لكن بسالك سؤال ...تصدقين الله سبحانه ؟اذا قلتي اكيد (ومن اصدق من الله حديثا ) ( ومن اصدق من الله قيلا) اقول لك الله سبحانه يقول (ولقدخلقنا الانسان في احسن تقويم)
سؤالي الثاني ..انتي قلتي ادري ان كلامي حرام ..طبعا لان فيه تسخط وذم لخلقة الله بديع السموات والارض طيب ماخفتي يغضب الله عليك وتخسرين دنياك واخرتك او صحتك او تتعرضين لمصيبه حقيقيه في شكلك

ترى انتي اكثرحظ من ملكة جمال العالم لانك مسلمه وهي تعيش في ظنك تتمنى لو تعطيك شكلها وتاخذ منك ايمانك
انتي محتاجه تكتشفين الخلل في حياتك وتعدلينه مهو في شكلك ...كيف حالك مع الصلاة والقران ؟؟طيب هل فتحتي للشياطين ابواب الدخول لقلبك عن طريق المسلسلات والاغاني والصور الخليعه ...صديقاتك الي تخلو عنك هم رفقه صالحه او هم حسب الحاجه والمظاهر ...
الله يهديك ويهدينا ويعلمنا ويعلمك ماينفعنا.. وينفعنا بما علمنا ...الله يرزقنا الرضى بالقضاء ويزهدنا في الدنيا بدون بلاء حبا فيما عند الله ...الله يلقي عليك وعلينا حبا من عنده سبحانه

من وصفك لنفسك يدل علي انك شينه طيب مافيه شين غيرك الزين والشين في كل مكان لاكن التوفيق من عند ربك خلي إيمانك قوي وحمدي ربك في القومه والقعده شكل دمك خفيف وجلستك ماتنمل وغير كذا خلك ياجبل ماتهزك ريح

تدرين اقلك اسراري لاني تفاعلت مع موضوعك
انا مثلك


اختي اللي اكبر مني ماشاء الله جمال و اقرب الى الكمال و الكمال لله
و انا كنت سمرا مثل سمار الهنود و اسناني جدا بشعه و نحيييييفه و احط نظارات و حواجبي كثييفه و شخصيتي عدم و لاني واثقه بنفسي و لا اعرف حتى اتكلم او اسولف و كان الكل يتمصخر علي > هذا في مراهقتي
و الله كنت مره استحي من شكلي
بس بعدين خلاص قلت لازم اتغير
اول شيء سويته تقويم لاسناني و انا عمري 16 بديت فيه
دخلت النت و خلطات من كل مكان
شيء سنفره و شيء زيوت و كريمات و حمام مغربي كنت اسويه بالبيت
وربي ان بشرتي تغيرت 180 درجه
هذا كان ثاني هدف


بعدين قررت اسمن و سمنت ووصلت للوزن المثالي الحمد لله و مع ان طولي متوسط لكن الكل يقلي كلك انوووووثه
حتى صديقاتي وربي يقولون انوثه طاغيه الحمد لله
عيوني صرت احط عدسات طبيه عندي شفافه و عندي ملونه
و الحين سويت ليزر لله الحمد و المنه و تخلصت من النظاره
و حواجبي شقرتها بشكل مناسب وجهي لا خليتها نحيفه و لا سميكه مره
التقويم بعد سنتين شلته


اهتميت باظافري احط مناكير و ابردها بشكل مرتب
ملابسي غيرتها صرت البس انيق و شيء يناسبني
اهتم بنظافتي جدا جدا اسناني و ريحتي دايم اتبخر و اتعطر باشياء حفيفه هاديه
و مع ان امي تحب اختي الاكبر اكثر مننا كلنا لكن و الله اني احبها اكثر منهم كلهم و لا احاسبها على اهتمامها بها او حبها لها
بالنهايه هي امي و جنتي و ناري و اطيعها بالبيت اكثر وحده و اطبخ معها و اعلمها القراءة و الكتابه و احفظها ادعيه و قرءان
و دايم تجي تحضر حفل تفوقي و كل الناس يمدحوني بطاعتي لامي
رغم ان حبها لاختي و هي ماتساعدها و لا شيء لكن سبحان الله المحبه بالقلوب مااحد يملك لها قرار
و علاقتي بربي قويتها و سبحان الله ربي يقذف محبتك في قلوب الناس

نرجع للشكل الحمد لله شكلي تحسن مليون درجه
جتى اني سافرت لاهل امي بعد خمس سنين مره انصدموا مني و الكل يقلي مره تغيرتي
الحين الكل يقلي ماشاء الله كأنك لبنانيه
مع اني لا طويله و لا ملكه جمال و الحمد لله
لكني انيقه + واثقه بنفسي + مبتسمه دايم + لبقه بالحديث و هادئه + على طبيعتي
و علاقتك بالله هي الاساس بالدنيا و الاخره
و الجمال مو كل شيء
ياما جميلات حظوظهم شينه و ياما بنات عاديات و سبحان الله الحياه مبتسمه لهم
لاتقارني نفسك باختك .. ماتدرين يمكن مكانتك عند الله تفوق مكانتها عند الله

>> تعبت من الهذره هههههههه
بالنهايه الحمد لله لا احنا جوعانين و لا نعاني الفقر و البرد و اليتم الحمد لله حتى يبلغ الحمد منهاه

ماقصروا البنات والله يرزقكك ماتتمنى يارب

حبيبتي انا بقولك عن صديقتي


صديقتي تشبه مواصفاتك بالضبط يعني عيونها صغار مرررره وانفها افطس بس هي بعد شفايفها غلاظ مره مره

وجبهتها كبيرة بس مو مرة وقصير م دبدوبه بس جسمها تقاسيمه مو حلوه...


بقولك طريقتها وتنصدمين (( مو بس واثقة من نفسها الا واثقة كل الثقة بعد وشايفة نفسها جميلة وسبحان الله خواتها مو عاديات الا جميلات بمعنى الكلمة ))

المهم درست دورة تجميل لان المكياج زي السحر وتقدري تضبطي فيه نفسك بدون عمليات تجميل لكن اذا كنتي متمكنه فعشان كذا لازم تدرسي دورة ميك اب وتخلينهم يعلمونك كيف تضبطي عيوب وجهك ...

هي كانت دايم تردد قدامي غريبة ماتحطي ميك اب انا ماكنت احط ميك اب في الجامعه كانت تقول اللي ماتحط ميك اب ماعندها سالفة....

المهم انقطعت عنها سنوات العام شفتها صدفة في زواج قسم بالله العظيم تلعب بالميك اب لعب صاير شكلها مقبول جدا ولابسه لبس غطا من عيوب جسمها ولبسها مبين غالي وريحتها كأنها مبخرة تمشي وغير ريحة العطر شي فوق الخيال...

اعرفي لنفسك وحبيها راح تقتنعي اللحين مافي بنت مو حلوه في بنت ماتعرف تحلي نفسها.....


عاد بقولك طريقة تتضبطي لأني انا عندي خبرة بالميك أب

أهم شي في الوجه الحواجب ضبطيها بالطريقة اللي مقتنعه فيها مثلا بقول التشقير شقريها ولاتكثرين التشقير لانو بشع بس مجرد ترتيب بسيط جدا وتر الحواجب القريبة من العين فيها جمال وتخلي العين حادة بس اعرفي كيف تضبطيها

واتوقع على وصفك لنفسك هالشكل هذا مليون بالمية يناسبك


شكلهم طبيعي وحلو اهم شي الطرف الخارجي يكون مرفوع مو نازل

أو كذا شوفي كيف عيونها قريبة من حواجبها بس اتجنن لانها عرفت لنفسها
العدسات مره مره حلوة للي عيونهم صغيرة وتناسبهم اكثر شي فخلي العدسات من روتينك الدائم
ودايما اتكحلي جوا العين بقلم بيج أو أبيض مو اسود لان الأسود يصغر العين فدايما اتكحلي بأبيض..



ودايما اتكحلي جوا العين بقلم بيج أو أبيض مو اسود لان الأسود يصغر العين فدايما اتكحلي بأبيض..وحطي على الزاوية الداخلية للعين اضائة بيضاء او سكرية والألوان الغامق دايما حطيها على طرف العين من برا ومديها لبرا كل الوصف اللي وصفته بهالصورة ...وطبعا فوق العين دايما دايما حطي ألوان فاتحة جدا سكري ابيض اصفر ذهبي كذا يعني ودايما خلي كحلي من فوق بس ومديه لبرا شوي ومن تحت لاتحطي كحل حطي ظل بوني وزعيه خفيف تحت الرموش مباشرة


وطبعا فوق العين دايما دايما حطي ألوان فاتحة جدا سكري ابيض اصفر ذهبي كذا يعني ودايما خلي كحلي من فوق بس ومديه لبرا شوي ومن تحت لاتحطي كحل حطي ظل بوني وزعيه خفيف تحت الرموش مباشرة

واهم شي أهم شي القلم الابيض اللي داخل العين والعدسات حطيهم يوميا حتى لو مالك خلق تتمكيجي...



الأنف اذا كان افطس تسوي هالطريقة تظللي جوانب الأنف ببني مايل للرمادي خفيف من تحت بداية الحواجب الى أرنبة الأنف واللف في نص الانف تحطي اضاءة كذا راح يصير أنفك قائم


وهاذي صورة لتحديد الوجه والحواجب تخلي الأماكن اللي ماتبينها أغمق من الأماكن اللي تبين تبينينها...الأبيض للأماكن اللي تحبي تظهريها والبني للأماكن اللي تبغي تخفينها...
شوفي الجبهة كيف محددينها عشان يصغرونها ... وأهم شي من تحت العين الى الخد هذا تخلينه فاتح جدا عشان يبين عندك خدود مرفوعة ومن تحت الخد تحددي ببني خفيف ....


وقصات الشعر للجبهة
شوفي هالبنت الجميلة ترا جبهتها بالضبط كبر فيسها مره كبيرة ودايما هاذي تسريحتها


أو احيانا تسوي هاذي

شوفي هالقصة اتجنن


اصلا قصات الشعر صايرة كلها للي جبهتها عريضة اكتبي في قوقل قصات شعر وشوفي طبي واختاري روووعه..

ويارب تكوني استفدتي

واهم شي تبعدي التشاؤم وتثقين بنفسك :)