مس لانكوم @ms_lankom

محررة

أكره نفسي إذا حملت

بصراحه انا شكلي مع الحمل يخرب .. لأن مايبين علي اني حامل لكن جسمي يسمن بطريقه مدري كيف أصير عريضه وتمتن زنودي ورجولي بشكل :44: يعني أزيد عشرين كيلو وأسمر ويطلع الكلف

المكياج ما يسوي شي بالعكس يطلع شكلي بالمكياج مبهذل وبشرتي يبان عليها التعب

لا وبعد الحين بشرة وجهي حيل تعبانه حبوب ولونها يقلب احمر احيان

لكن بعد ماينتهي الحمل كل شي يرجع مكانه لكن بعد وقت

المشكله ان زوجي يحب الزين وعيونه تبصبص

وأساسا لولا الله ثم الزين والكشخه والرشاقه ما كان تزوجني

صرت احس ان راس مالي قدامه هالجمال لو اخسره بروح وطي

خصوصا انه صرح لي اكثر من مره انه مايحب زيادة الوزن واني ضروري انزل خمسه كيلو :7_5_127:

لكن بعد الحمل قال انت مسموحه لين تولدين ,, قلت له بثقه اخبي فيها حرجــ:35:ـــي قلت اساسا انا ما احب السمنه لكن هذا طبعي اذا حملت شي طبيعي

الحين المشكله انه سفرياته كثيره وأنا من النوع اللي ما احب أراقبه .. أحب ابين له اني واثقه فيه

المشكله انه احيان يتأخر مع اصحابه ولما يرجع يتروش

وأحيان يقول لي انه مسافر لمنطقه تبعد 100 كيلو ويرجع في نفس اليوم وبعد اول مايرجع يتروش

والله مستغربه من سالفة الترويش هذي جديده علي:mad:

تجيه رسايل في كل وقت وجواله يدق على طول لكن هذا عادي بحكم عمله

ما ودي اصير غبيه ومغفله قدامه ..

نفسي اعرف ايش يدور حولي ماودي ابين اني نايمه في العسل :40:

في مره قلت له انه زوجة وحده من اصدقائه تشكي من زوجها - اللي هو صديق زوجي- طبعا المره هي طلبت مني ادخل زوجي في المشكله عشان يدور لها حل

المهم أنا تفاجئت بزوجي يقول لي : لو صديقي طلق زوجته أنا بزوجه غيرها

قلت له ومنين تجيب له

قال : بشوف له من هالبنات المسيكينات اللي يجون يدورون شغل يتزوجها سنه ويشوف ان جازت له كمل معاها ولا تركها .. يقصد أجنبيات عاد اشكثرهم في دبي

أنا قعد راسي يدووووووووووووور :icon810:

واتذكر يوم كان يقول لي انه كان ناوي يتزوج مغربيه لكنه صرف نظر عنها لأنها رفضت زواج المسيار الكلام هذا قبل يخطبني

مرات اشك انه متزوجها عاد بنات هالحلال نعومه وجمال

وأنا جايني بروووووووود في الفراش ما أقدر أوصل للنشوه وأغصب نفسي عليه

تعتقدون فيه علاج للبرود أثناء الحمل ؟؟؟

ودي اعرف اذا كان فيه مجال أزين عمري وانا حامل وبشرتي راحت عدم

ايش الارشادات اللي ممكن اسويها

مدري اواجهه ولا اسكت ؟

مرات المح له بس بأسلوب ثاني يعني أقول له اني قريت قصه وحده في المنتدى وأبي رأيك ..
لكن بعد ما أمسك عليه شي ذكي لأبعد حد ..

يلزم عليك تسجيل الدخول أولًا لكتابة تعليق.

تسجيل دخول

امواج الامس • 13 سنة

اذا شاكه في شي لاتعطينه كل الثقه خليك مفتحه شوي
والله يعينك

0ريماس0 • 13 سنة

الله يكون في عونك

دودي ام عزوزي • 13 سنة

والله يااختي ماادري اش اقولك الله يفرجها عليكي
بس حكاية انو لما يرجع يستحمى اشوفها عادية يعني راجع من سفر او مشوار طويل اكيد بيكون قرفان ويبغى يستحمى صح؟؟
حاولي انك تغذي بشرتك رطبيها باستمرار والبسي حلو وحطي ميك اب خفيف مع الحمل اكيد البشرة بتكون تعبانه وماتقدري تستخدمي كريمات وكذا سوي اللي عليكي والباقي عالله وان شاء الله مافي شيء صحيح من شكوكك...

الشيهانه001 • 13 سنة

الله يسخر لك زوجك
والله انا نفس حالتك بس الحمدالله مايزيد وزني كثير لكن اصير باهته وشاحبه وذبلانه وعععععععع ماحب اطالع وجهي بالمرايه بس الحمدالله تتعدل اموري مع دخول الشهر الخامس
الله يقومك بالسلامه ويجملك بعين زوجك

هلي دموعك ياعيوني • 13 سنة

الحمل 9 شهور.. مو 9 سنين

بالنسبه لك شي طبيعي وتصبري ..

وبالنسبه لزوجك والله مادري اهم شي الصراحه والثقه ..