السلام عليكم ورحمة الله وبركاته ..

اليوم بعدمانزلت يومياتي كنت مواصله مانمت وقعدت اقرا الردود واكتب رد في المستند جلست يمكن

ساعه من الصفحه 28 إلى 40 واخروحده كانت الصمت كاتبه رد ... وفجأه وبدون مقدمات طفت الكهرباء

اه اه قهررررررررررر وقسم بالله النوم من هنا كابس وتعبي على الردود طار شوي وابكي :icon33:..لا وهذا كله مافي نوم على المكيف قمة التعذيب حسبي الله عليهم ..رحت غسلت المغاسل وكنست غرفة الجلوس والصاله بمكنسة اليد لعلى وعسى تشتغل بس ماشتغلت ومابرد علي إلابنتي سنه سادس جايه من المدرسه ومعها شهادتها ناجحه

ومعلمتها ماشاءالله عليها هاديتها علبه مكياج صغيره ...خخخخ لاوبنتي الصغنونه قامت من النوم وشافت الهديه بغت تنجن تقول اشتريلي مثلها قلت ياماما عيب البنات مايحطون مكياج واختك ماراح تستخدمها اعطتنيها >> مستلطخه

(الغدا من برا زوجي يوم صحي على 11 شافني مواصله قالي لاتسوين غدا نامي اجيب من برا ) الله يريحه ..

ومن شدة التعب نمت بدون مكيف يمكن على 11 وصحيت وحده ورجعت لين 4 ماشاءالله يوم قمت الغرفه مره مظلمه

حسبت المغرب اذن وسمعت صوت الصلاه طلعت صلاة العصر الجو مغيم وصوت الرعد وهتان نازل ..
الإسبوع هذا اجوانا بارسيه يارب تديمها علينا وانت راضي علينا عقبالكم ...

دلع ...غرفة النوم بكره راح استلمها عشان زوجي مستلم واخذ راحتي اكثر ...ومشكوره على الرابط الله يسعدها

ام عزيزان مبدعه دايم وإذاشفتي اي شئ حلو ومفيد في المنتدى او اي وحده فيكم يابنات نزلوه تراني مهويه يادوب

الحمله وكم صفحه في المنتدى واطلع ...

شيماء ورووح حواءودلع ماشاءالله عليكم مروقات على الأخر طايحيلي في الرومنسيه تراني منتقدتكم وحاسه انكم فاضين

خخخخ بس لاتلوموني من الحاله النفسيه والجسديه ,, ومنها لين اولد واروق على علوم الرومانسيه :icon33: النفس ماش ..




ورد الله يسعدك ..

تصدقين الألعاب الزوجيه ماجازتلي مستهبلتها ليه ماادري ؟؟؟ ااختكم في الله اشترت لعبه وتوهقت فيها...ماعجبتني .. بنات من خلال تجاربكم تفضلونها وحسيتوا فيها من جد تجديد واحسن لعبه اشتريتوها وماندمتوا عليها ...؟؟؟

بسمات وشوكلاته اعانكم الله على جوالإختبارات ... وبتوفيق لعيالكم ...

روز ماشاء الله كم عمربنتك ..؟؟ بنتي سنه سادس وبعض الأحيان تسألني اسئله غبيه يوم كنت في عمرها عرفتها كيف

هي الحين ماتعرفها !!! قلت إذاكبرتي تفهمينا ...

احساس ... والله ياحالتك تذكرني بعض الأحيان بحالتي بس زوجي احس انه مجنون على عياله بشكل جنوني بعض

الأحيان إذا كانوا تعبانين يتصل علي من الدوام يذكرني موعد علاجهم ويحرص اعطيتيهم والا لا ...؟؟؟

اتنرفز من تصرفه يحسسني ماني امهم كأني حرمة ابوهم ...

هدوء مشكوره على الرابط اتعب وانا اقول راااااااااااااائع خصوصاًفيه اناشيد قديمه لها ذكريات خاصه ...

وماشاءالله على الترتيب المنظم ... على فكره كيف الصينيه طلعت معك ؟؟؟ مااذكرفيها باذنجان ...

انا البلسم ..

انت ادرى بنفسك وبشغلك وإذا ما عندك اطفال صغار ريحي نفسك منها والله شغل الوحده في بيتها انظف وانشط لك

وتحسين براحه عجيبه ...

الجنه مناي ..استمتع بقراتي لردودك تحمل روح الدعابه ...اليوم كتبت لك رد طويل وطار ...

aminos

مشكوره لك على تلبية الدعوه ..كيف شفتي الحمله ؟؟؟

روز ...

قسم بالله ياكلامك عن الصلاه كأنك جالسه توصفين حالتي اليوم مع بنتي وإلى الآن حاسه نفسي متضايقه من إلي سويته معها ...

انابطبعي عصبيه جداً وياويل احد يستفزني من عيالي وان معصبه قسم بالله لوافرمهم فرم مااحس بنفسي ...

هذا ياطويلة العمر القصه ومافيها بنتي في الصلاه تصلي بس بكسل ولازم كل شوي اذكرها المهم هي بالغه وجاتها الدوره لها إسبوع

ومن امس أسألها خلصتي تقول لا سألتها العصر قالت ايه قلت قومي تروشي قالت طيب ..رحت لجارتي العصريه اذان المغرب دخلت البيت وهي جالسه على النت ولاتروشت ولاهم يحزنزن ..قلت وين الصلاه قامت معصبه وطلعت ملابسها وجلست مره ثانيه على النت

دخلت عليها والصلاه وقتها راح ماقدرت املك نفسي ومااشوف قدامي إلا التوصيله وضربتها بالسلك ضربتين حسيت انها بغت تموت بين يديني ... خلاص ماعاد قدرت املك نفسي كله إلاالصلاه ماعندي تهاون فيها انت إنسانه ماتخافين ربك ومن هذا الكلام وخرجت ورحت غرفتي مع العصبيه حسيت بنفاضه في جسمي ونزلت كم دمعه من القهر بس ماشافتني اناما ابغى تكون علاقتي فيها كذا بس وش اسوي

الله يصبرني ويقدرني احتويها ..









جروحه ... فاقدينك ... لك وحشه ...

حكايات ..الحمدلله على السلامه ...اخيراً شرفتي قلقناعليك ...

ساره العمري ام سومه فشفوشه ...فاقدينكم عسى المانع خير ...

السلام عليكم

كيفكم ياسنعااااااااااااااااااااااااات

امس سويت حفل للاولاد بمناسبة النجاح...........



كنت بأنزل الكيكة............بس ماضبط معاي

الحمدلله توني مخلصه الصفحات في الملف الاول والثاني
ماشالله ولاقوة الابالله ماتشبعون قرقرة تعبت وانا اقراء ماالومكن حرييييييييم >>>>>>>> تراها رجال خخخخخخ
من اول ماشحنت البطاقه وحتى الان وانا اقرا بس قمت صليت وسويت شاهي وقهوة لابو الشباب
اكيد مستغربين كيف دخلت وهو موجود
هذا ياحبيباتي قبل لانسافر جونا ضيوف وجلسوا عندنا يوم كامل وقبلها بيوم كنت انضف البيت عشان استقبلهم
وبعد مامشوا رحت لمراجعتي وقالتني الدكتورة عندك المشيمه نااااااااازله ولازم ترتاحي
قلت اوكييييي من عيونيييييييييييييييي وسافرت لاهلي اتطمن على امي وماجيت الا انا تعباااااااااااانه امشي منحنيه كاني عجوز
واليوم نهاااااااااري مرتاحه ماسويت ولاشي بس غسلت الملابس البيضا تبع زوجي
وجالسه اقرا الردود واتدلع ومااحد يقولي ثلث الثلاثه كم بس راحت علي والا اقوله باشترك معاكم خخخخ
يابنات اعذروني مااحب اخوفكم على بس والله البطاقه خلصت وكان عندنا ضيوف وبعدين سافرنا ومن الجوال مااعرف ارسل
وكمان عندي اخبااار حلوووووووووووه
اول شي
امي الحمدلله تماااااااام ورجعة بيتنا .
ثاني شي
لقيت شغااااله بجيبها في الشهرين الاخيرة ذحين بس اخذت رقمها واتفقدت معها على السعر .
والخبر الثالث
انا حامل ببنوووووووووووووووته ان شالله بس الدكتورة مو متاكده بس تقول ان شالله
واعتذر مرة ثانيه على التاخير
احبكم في الله