هدوءة احبك الله الذي احببتنا من اجلة تذكرت المشايخ الله يباركلنا فيهم اللهم امين
دلع في امان الله وحلا هوه دايما وانتي قدام خخخخخخخخخخخخخ خلاص من اليوم وطالع دوري
حلا الله يهدينا اجمعييييييييييييين اللهم امين

يعني انا جلست لوحدي اوكي انا كمان خارجة تصبحوا على خير

السلام عليكم ورحمة الله وبركاته ..

مش قلتلكم انكم حتقضبون المخدات هلق ايام الااون تعني( Iam alone ) لغير المتحدثات بالعنجليزية ..
وعارفين موضوعنا لقيته فين في الصفحة الثانية ياحليلي وانا معصبة هههههه اكلم نفسي ...

يومياتي امس ..
نظفت المنشر بتاع الصحون تنظيفا مبرحا + مسحت سطح الدولاب +نظفت الشباك +غسلت الزينة الي على الدولاب + غسلت المجلى والجدار الي فوق ومن تحته ..
مع الترتيب العادي للبيت من كنس ومسح وبخرت بطبق البيض والمرة هاذي زبطت الحمد لله ..
وبعدها نزلت عند اهلي ..


يوميات اليوم ...
بعد ماصليت مسكت ادراج المطبخ فرغتها ومسحتها ورجعت رتبتها ..
والحمد لله الدواليب مرتبة ونظيفة من الداخل والخارج والشفاط نظيف ..
وكذا المطبخ فل الفل الحمد لله باقي بس الجدارن امسحها اما الارضية كل يومين اشطفها ..

وغسلت قسم من الملابس امس واليوم اكمل ان شاء الله باقي لي دفعتين الجينزات والعبايات ..

*************
نأتي الى الردود ..

الالماسة ..
يعطيك العافية وحياك الله بيننا ولا تقطعينا ومشكورة على الضيافة :)..

امينوس ..
كيفك طمنينا عن صحتك كيف سويتي ان شاء الله احسن ..اما حبوب منع الحمل في نوعين
في حبوب منع حمل خاصة بالرضاعة انا استخدمتها بس هذي مو قوية ..
وبرضه استخدمت النوع الثاني قوي بس مو حق الرضاعة والله نسيت اسمها يمكن جينيرا اذا ماخاب ظني
لان لي تقريبا 3 ونص وقفت منها على العموم النوع الثاني ايوة ينشف الحليب .
.انتي ايش اسم الحبوب الي تستخدميها ..وبرضه سمعت عن الصقة ..

روز ..
اول شي تسلمي على الطريقة وان شاء الله اجربها ..
اما انتي ياروز طلعتي حكاية ماشاء الله المحقق كونان هاه ..تكرم عينك وهذا جوابي على اسألتك ..

السوعال الاول ,,ايش اهم المناطق السياحية في اليمن ؟
الجواب ..بصراحة مش عارفة اسمعهم يقولوا اب وتعز وصنعاء وعدن وفي اماكن كمان بس ماعندي خبر ..

السوعال الثاني ..وانتي متى اخر مرة رحتي ؟
الجواب ..عمري مارحت ..
لأني اتولدت هنا وحتى ابوي وامي الله يرحمها اتولدوا هنا وفتحت عيني اهلي كلهم هنا
وحتى جدي الله يراعاه بالعافية تصدقي ايش قال لي قال ايام زماااان كانت التابعية بقروش وهللات ويوزعوها وهو جته ببلاش ما رضي يآخذها ..
بس لما صارت احداث الازمة سافروا اجدادي واعمامي وعماتي وبقينا احنا و2 من اعمامي ..دحين لي 20 سنة من وقت ما سافروا ما شفتهم وان شاء الله ربي يكتب لي عمر واروح اشوفهم ..

السوعال الاخير ,,وفي اي منطقة من اليمن ؟
اختك في الله من زبيد منطقة في الحديدة ..وفي بعض من اهلنا عايشين في قرى حياتهم جد بسيطة زراعة ورعي وبيوت من طين ومافي كهربا والموية من البير وأكلهم في الموفى الي هو ( التنور ) بس قلوبهم كبييييييييرة والابتسامة في وجوههم رغم التعب ..
سبحان الله ..

جا دوري ياشاطرة انتي الي جبتيه لنفسك :S_45: السوعال البديهي الي يسدح نفسه ..
انتي من فين من السعودية انا عارفة انك عايشة في جدة بس من اي منطقة ؟ ..وانا كمان ااعرف ناس غمد وحروب
وجوازنة وفرسانين كلهم قمة في الذوق والاخلاق والنعم فيهم والله ..

روح حواء ..
كيفك ياحرمة سلامات ايش حكاية الكسل الي انتشر فجأة بدون سابق انذار اعوذ بالله منه..
كيفك وكيف عيالك ..

فروحة ..
الله يعوضك ان شاء الله والحمد لله جعلها زيارة مقبولة بإذن الله كيف الحرم زحمة ووقت الزيارة والصلاة في الروضة برضه مسويين دفعات واقسام ولا كيف ..ويعلم الله انه انتي كمان لك وحشة ونورتي ياغالية ..

ام مهند ..
حتوحشينا وحتوحشتنا خفة دمك الله يسعدك ان شاء الله وتنبسطي وترجعي بالسلامة ..

دلع ..
ايه يادلع كذا برضه ترى مرت ايام نفس حالتك المهم الحمد لله انك طيبة ..اما البحر العتب على النظر مشفتش السوعال
البحر لي زماااااااااان ما اروحه لاني ابغى اروح المسا وزوجي المسا يروح عند اهله فيقترح علينا يودينها الصباح او الظهر بعد صلاة الجمعة واكيد اكيد اني ارفض وما ابغى بتاتا البتة لاني الجو الله يرحمنا برحمته الواسعة ..
انتي فين المكان الي تروحوه في البحر عشان اشوف يمكن في يوم من الايام نتواعد ونتلاقى ..

اما 409 مرة وحدة اشتريته وكنت ابخ اسطح الدولاب ريحته عجبتني اخذت الي باليمون وبعد كذا ماعاد جبته ..

بسومة ..
سلمت يداك ويسعدك يارب تسلمي على الدعوة ياغالية سلامات ايش حكاية الطفش عسى ماشر ..
ويعطيك الصحة والعافية ويديمها عليك نعمة ..

نوف ..
الله يرزقك وكل محرومة بالذرية الصالحة ..اختي حاولي تتتناسي وسبحان الله ربك الي كاتبه بيصير
وعليك بالصدقة ..الله يوفقك ويفرحك عاجلا غير اجل ..

شيماء ..
ماشاء الله عليك الله يعطيك العافية يارب وانتي كمان وحشتينا وين تروحي ياحرمة تغيبي وتجي هههه ..

حلا ..
الله يقويك ويعطيك العافية سبحان الله لو غيرتي مكان قطعة من مكانها تحسي كأن المكان تغيير ..
الله يديمها عليك نعمة ويابنتي هونيها وتهون ..

حكايات ..
وعليكم السلام ورحمة الله وبركاته ...ياهلا وغلا حياك الرحمن احبك الله الذي احببتنا فيه وانتي كمان الك وحشة كيفك وكيف الحمل معاك طمنينا عنك راجعتي وفي اي شهر الحين ..

هدوء ..
ياهوه ياعالم سلامات ايش حكاية الطفش كيفك وكيف اخبارك وش جديدك ..

ايييييييييييه تم بحمد الله :09: تصدقوا والله اكتب من الساعة 8 ونص دحين الساعة 10 و3 دقايق ..
لاني فاتحة الصفحات اشوف رد كل وحدة وارد ..
يلا على العموم سامحونا لو نسينا احد او اخطاء املائية من هنا او من هناك ..

حلاااا وروووز اش السوالف والحركات الله يزيدكم من نعيمه ,,والمقاعد الاماميه خلاص لي انتم خلاص راح راح دوركم
بسومه ودلع اخبااااركم
صموته هلا فيك والله حبيبتي انا موجوده وماقاطعتكم بالعكس كل شوي وانا ناطه هنا
بس احيانا يكون فيه طلعات وهيك شي,, وانا استغل الفرص واجي اكتب قبل لاسافر.. وان شاء الله راح اطل عليكم بس ماراح يكون
زي مااكون في بيتي

السلام عليكم ..
خلاااااااااااااااااص سنترت اليوم وتعبت وانا احرس ..
القطوف ..الله يسعدك ونستيني بالموضوع ..
شيماء ..هلا فيك ومرحبا بك ..

صبايا حريم بنات..
بروح ازور وحدة مريضة ..الله يشفي كل مرضى المسلمين يارب ويعافيهم والواحد ما يحس بالنعمة الا لما يفقدها :(..
اللهم لك الحمد حتى ترضى ولك الحمد اذا رضيت ولك الحمد بعد الرضا ...