الحمد لله الذي احيانا يعد ما أماتنا واليه النشور ..
السلام عليكم ..صباح الورد ..

دلع ..ياقلبي عليك سلامتك والله ماتشوفي شر ااااااااه من وجع الضرس وربي اول ما تكلمتي حسيت فيك لاني عانيت
الله يرفع عنك طيب جربتي القرنفل ربي يكون بعونك ..

ام الحلوين ..مشكورة على الوصفة ياعسل وان شاء الله اذا افتكرت اجرب ..

شكولاتة ..عليكم بالعافية ..

محبة للرسول ..حياك الرحمن ..

ورد ..الله يعينك حبيبتي يعني تعتبري مواصلة طيب اول ما ينام نامي وبعدين قومي اشتغلي براحتك
ولا تعب ولا شي بس الله يعينك لما يجي الدور عليك ههههه ..
يابنت انتي تحبي لون الشعر البني في وحدة شفت شعرها ماشاء الله تبارك الرحمن لون شعرها روعة جنااان لما سألتها ايش اسم الصبغة الي استخدمتها ماشاء الله طلعت انها سوت خلطة في البيت وتعطيكي نتيجة الصبغة بس يالون بني او اذا تبغي احمر واظن فيها بشر صابون ونسكافيه وفي حاجات ما اذكرها اذا تبغيني اجيب لك الطريقة ابشري لان زوجة ابوي كتبتها ..

****************
يومياتي

بعد صلاة العشا رحنا البلد وبالعافية حصلنا مواقف اشتريت مجموعة صوابين بسوي خلطة الله يستر من التجارب بس
الصوابين هي ( غار وبابايا وكوكم والطاووس واغادير ) ..واشتريت كمان الزيوت السبعة ..
وعسل سدر ..وجت الساعة 10 ونص قلت لزوجي خلاص ما يمدينا نروح السوبر ماركت كان ناقصني شوية حاجات للبيت
ومرينا اشترينا كباب من ناجي الحربي الي في البلد وسويت لهم سندوتشات واتعشينا الحمد لله ..
ونمنا على الساعة 12 ونص تقريبا وصحيت 5 وطول فترة نومي وربي احس نفسي اتكلم بصوت عالي لاني اتحلم الببغا يخرج من قفصه وانا قاعدة اقول لالا لا بكل صوتي في الحلم وفي الواقع مسكين زوجي ماعرف ينام هلكته وانا اتكلم وكل شوي اقوم اشقر على الضيف هههه ..

رود
الله يسلمك
والله الالم ذحين يروح ويرجع والله يعين ان شاء الله اروح اليوم والله يستر ما احب ابرة البنج



الصمت
الله يسلمك
اليوم الصباح قبل ما اروح المستشفى جربت كلللللللللللللللللللللللللللللل شي والالم يزيد وحطيت قرنفل وما نفع

وحشتونى جدا جداجدا و الله
و معلش كنتمكسلة خالص و مليش نفس اشتغل فى البيت
بس جاية لكم متحمسة و ناوية على شغل كتير

و اختى السمت انت سكرة و الله و موتت من الضحك و انا باقرا موقفك اللى يموت من الضحك و لسه ما قريتش الباقى بس باذن الله ااقراه النهاردة

اختى دلع جدة الله يشفيك و يزيح عنك ياغالية و طمنينا عليكى

و هو دا الجدول على بعضه مش كدة :

بسم الله نبدأ...



جدول الاسبوع ..

السبت / تنظيف الثلاجة وترتيبها + تنظيف منشر الصحون + تنظيف رفوف البصل والثوم ..

الأحد / مسح سقف دولاب الملابس + مسح التسريحة والكموينات وخشب السرير من الخارج فقط وتنظيف تحت السرير ...

الاثنين / تنظيف ادراج التسريحة والكموينات ورمي الاشياء الزايدة الي مالها لزوم ...

الثلاثاء / تفريغ الملابس من الدولاب وفرزها والتصدق بالفايض ومسحه من الداخل وتعطيره وترتيب الملابس وتبخير الدولاب .

الاربعاء / مسح جميع مفاتيح الكهربا + مسح جميع الابواب + فلاتر المكيفات + تنظيف جدار غرفة النوم والارضية وتبخيرها..


الواجبات الدينية خلال الاسبوع ...

* الاذكار الصباحية والمسائية + الضحى والوتر +صيام الاثنين والخميس بعد موافقة الزوج + قراءة وحفظ صفحتين من القران وتسميع الحفظ + قراءة الكهف يوم الجمعة والاكثار من الصلاة على النبي ( صلوا عليه ) اللهم صلي على سيدنا محمد وعلى اله وصحبه وسلم

* تعليم الابناء باحياء سنة نفض الفراش قبل النوم ودعاء النوم ...

* تحفيظ الابناء مادون الخامسة سورتين قصار في الاسبوع ويجب ان نحفظهم اسم السورة ...
يعني ما نقول سمعي قل هو الله احد لالالا نقول سورة الاخلاص ..
والسن الاكبر اختاري لهم سورة تناسب سنهم ..

* تذكري وانتي تشتغلي استغلي وقتك بالتسبيح والاكثار من الاستغفار ..

* الي اولادهم يصلوا في البيت شجعيهم ان واحد يأمهم والباقي مأمومين وكل مرة دور واحد ..
ايوة صح افتكرت في الجانب الديني الصلاة حبيباتي في وقتها اول ما يأذن قولي مع الاذان وعودي البيت كله يسكت ويسمع الاذان ويردد معاه ودغري روحي توضي ولا تتكاسلي ..

وعندنا كمان قراءة البقرة كاملة كل يوم او يومين خصصي لها وقت حتى لو انتي من النوع الي تسهري المهم ساعة ونص او ساعتين مشكلتنا بنقول ما في وقت
بس اكيد نعرف نجلس على النت ب 3 او 4 ساعات وما تحسي بالوقت اكلم نفسي قبلكم :44:..

الجانب الجمالي والزوجي

حمام زيت للشعر + ماسك للوجه + نزع شعر الجسم وترطيبه ..

ارسال رسالة للزوج وهو في الدوام وتعبيري فيها بطريقتك بشرط مايجي بعدها اتصال طلبات للبيت ههههه

*****************

الجدول الثاني للمجلس وكل وحدة تختار الي يناسبها


السبت /تنظيف المكيف + الشباك + الستارة ..


الاحد / تنظيف الكنب + السجاد ..



الاثنين / تنظيف مكتبة التلفزيون والتلفزيون والتحف ..



الثلاثاء / تنظيف الجدران والارضية ..



الاربعاء / تنظيف مخزن المواد الغذائية ..



*****************



طبق الاسبوع / دجاج صيني + رز ابيض ..





حلا الاسبوع / سينابون ..ترى عمري ماسويته عشان كذا قلت نجرب ..



موقف الاسبوع / احكي موقف طريف حصل لك :22:..

فكرة الاسبوع / اي فكرة عجبتك من المنتدى او غيره وطبقتيها سواء تزيين للبيت اوحكمة او اكلة او ... اي شي طبقتيه وصرتي معتمدته ..

لعبة الاسبوع / تلعبي مع عيالك حرف انسان حيوان نبات الخ
اظن عارفين اللعبة ..


تم بحمد الله والله ماكنت ادري ان مسؤلية الجدول كذا بس اتمنى انه ينال اعجابكم





اشوفكم الظهر باذن الله

السلام عليكم

اخباركم يا الغاليات اعذروني على تقصير صديقتي بالبيت عندي هي وزوجها

وزوجها يشتغل اغلب الوقت بالجهاز علشان كدا ما اقدر اتصفح كل وقت

الحين ممكن يجلسو معايا اسبوع لان باقي لهم بس 10 ايام ويرجعو لفرنسا


بسمات ايه حبيبتي كنت بالنسيم اعتقد باول النسيم بشارع ام المؤمنين سودة
يعني دخلنا على طول خدمات من بعد اشارة كارفور وكانت ثاني دخلة على اليمين

في نفس الشارع قريب من مشغل نسيت اسمه
لازم ازورك المرة القادمة بس ترى الباتشي على حسابك خخخخخخخخ


سلامي لباقي الحلوات كل ما لقيت وقت مريتكم

دجاج هذي طريقتي واذا حبيتي بدل الدجاج ممكن جمبري او سمك فيليه او لحم حسب رغبتك المهم صيني ..
وهنا شرح الطريقة بالصور




شوحي صدور الدجاج بملعقة او ملعقتين زيت زيتون








حطي الدجاج على جنب وفي نفس الطاوة حطي شرايح بصل بعدين شرايح ثوم فصين
زنجبيل اخضر حسب الرغبة









بعد ما يذبل شوي البصل حطي الخضار المثلجة والفلفل الرومي برضه شرايح








ضيفي الدجاج مع ملعقة صغيرة صلصة وملعقتين صويا وبهارات حراقة اذا حابة + ملح اجينو موتو
او ملح عادي









ونص فنجان موية وهذي النتيجة ويقدم مع رز ابيض مسلوق سادة ..





وصفة جميلة باذن الله بكرة اجربها