السلام عليكم ..الله يقويكم ويسعدكم ولا يغير عليكم

بنات سامحوني اليوم مرررررة انشغلت وانهد حيلي من غرفة النوم وكمان جو عندي اهلي فجأة العصر بس الحمد لله جو والبيت فل الفل والبخور ياسلام سلم ..
بروح اريح وارحم عمري بكرة ان شاء الله ارد عليكم وانزل الصور حق اليوم اذا الله اراد ..

مساء الخيرات

شخباركم يااحلى اخوات

وحشتوووووووووووووووووني

اعتذر عن الغياب .. والسبب كنت عند ام زوجي كانت تعبانه وجلست عندها اسبوع والحمدلله صارت احسن ..

وماشاء الله باين النشاط عال العال ..

الله يقويكم ياااارب ..

باخذ فكرة عن الجدول وراجعه ان شاء الله ^_^

صباح الخيرات على البنات وحشتوني مررره

كيفكم كلكم نفره نفره زوله زوله >>>فديتك يا ام شهد

انا تعبت من الشغل وقلت ارتاح وماشاء الله طولت في الراحه

من الساعه 12 الين دحين ماسويت ولا شي بس تدروا نفسي اجلس الين 7 او 8 الصباح بس

مني ناويه اشتغل بخلي شغلي بس في الليل

الحاجه الوحيده الي بسويها بمسح دواليب المطبخ من برا والبوتجاز بس لان امس بعد العشا ماسويته

مسحته مسح خفيف

يابنات 4 ايام من غير غساله اخذها الرجال للشركه وماجات اهيء اهيء الغسيل اكوااااااااااااااااااااااااام

الموهم غسلته على يدي والله تعب والباقي على امل الغساله تجي بكرا

بروح اصلي الفجر وراجعه

دلع جده سلامتك ياقلبي والله فاقدتك الله يكتب لك الصحه والعافيه يارب

السلام عليكم ورحمة الله وبركاته ..

صباح الخيرجميييييييييعا اسعد الله صباحكم بالنور والايمان ومرضاة الرحمن ...
نمت الساعة 12 ونص وصحيت 3 وعشر وجيت ازبط الصور واصغرها وبنزلها اخذت وقت والجهاز يعلق ..

هذي الزيوت والصوابين وملح خشن اشتريتهم قبل امس ..








وهذي فعاليات شغل امس بس ماصورت كل الكرف يادوب عينة الثلاجة والكمودينات

بصوا شوفوا الدمار الشامل الي كان في الثلاجة ..







بعد احم احم
وهنا شلت المفارش قلت كمان منها تغيير ولو تشوفوني كل شوي فاتحة الثلاجة ههههه ما ناقص الا اتصور جنبها







والكمودينات لقيت بنتي الله يحفظها مسوياها كراسة ..اقلام الرصاص اتمسحت بسرعة اما الاقلام الناشفة رشيت عطر عليها وبسرعة راحت ترى العطر مشي حالك ابو 5 ريال حق المهمات ذي ..














وغير البرادة خلصت الموية الي فيها واتضطريت اشيل الدبة واحطها لان عندي ضيوف ومافي موية للشرب ..
والبلاعة الله يكرمك حق المطبخ طلعت الله في نفسها تصوروا بعد ماشطبت المطبخ ونظفته وريحته صارت جنان
مطهرات وزهور يادوب غسلت حاجات التقديم وعينكم ما تشوف الا النور ..

المهم لما جا زوجي جاب معاه موية نار واستلمها والحمد لله دحين النتيجة مرضية ..
بس الزايد من موية النار وربي مرعوبة ماني عارفة فين اخفيها ...

*****************

هدوء ..يسلم دياتك ياشيف ماشاء الله شكلها مشهي عليكم بالعافية ..ومنتظرين يومياتك ..

ام الحلوين ..الله يقويك يارب ...
حاضر ابشري بس عشان انسى والله اذا البردقوش بطلت ما اشربه لاني افتكره يوم وانساه طول الشهر
ويمكن كمان عشان مو متعودة على المشروبات لا شاي ولا قهوة يادوب حليب او نعناع وحسب المزاج كمان ..

شكولاتة ..
مين قال لك ما تكسرت ماحسيت بالوجع نفس اليوم كنت ابغى احضر الحفل بس تعالي شوفي ثاني يوم الرضوض ههههه عجب..بس والله الحمد لله جت سليمة ..
الله يعطيك العافية ويقويك ماشاء الله عليك شغل عال العال الله يحميكي ويبعد عنك كل مكروه
معليه بسألك لما المنشر يكون داخل الدولاب ما يتضرر الدولاب بالموية ..

دلع ..كيفك يالغلا وطمنيني عنك كيف سويتي مع ضرسك ورحتي المستشفى ولا لا ..

بسومة ..
هههههه يعني يارا ذكرتك هاه ..
ماشاء الله تبارك الرحمن سننننننننننننننننعة ربي يديمها عليك نعمة نظافة تفتح النفس الله لا يغير عليك ..
وجزاك الله كل خير على التذكير وجعلها في موازيين حسناتك ..
ياقلبي عليك تغسلي على يدك الله يكون بعونك والله ..كم لها المحروسة غايبة ..

روح ..
الله يسعدك يارب ويعافيكي وهاه بشريني راجعتي وكيف ظهرك الحين ان شاء الله احسن ..
ويلا دورك مستنية موقفك الطريف ..

روز ..اهلين وسهلين اللهم امين ولك بالمثل يالغلا ..

ام جوري ..حمد لله على سلامتك وسلامة عمتك الف لاباس كيفك ياغالية وكيف العيال لك وحشة والله ..

يلا كذا كفاية بروح اصلي واشوفكم على خير ..
وسلامي لكم جميييييييييييييييييييييع

صباح الورد
بسمات
الله يعطيك العافية
والله مالي وجه اكتب يومياتي اصلا ماسويت شي غير المواعين والمجلى بسسسسسسسسس وشويييية غسيل
الله يعين