السلام عليكم


البنات الي يسألو عن الجدول ترى حبيبتنا ام شهد نزلت جدول الاسبوع ماضي يشمل اسبوعين

حاولو بس تراجعو الصفحات السابقة وراح تعرفو الجدول ، لان اغلب اخوات كانو غايبات وتوهم رجعو فيمكن ما انتبهو للموضوع

والله بنات مرة مضايقة زوجي فصل تلفون البيت والنت طبعا بحجة ان الشبكة دايما ضعيفة

ويقول يبغى يغير خط الانترنت ، بس الي احسه انه مو مغير شئ بس كدا طلعت في دماغه

وراح اشترى لي جهاز يلتقط ارسال شبكات النت وقال مشي حالك فيه الحين لحين ما افضى للاتصالات

وطبعا عارفين الشبكات الملتقطة ساعة شغالة ومليون تفصل

المشكل ان اهم علي منسجر وسكايب مارضيو يفتحو حتى وانا لاقطة شبكة يمكن لانها ضعيفة

والله من جد موضوع مضايقني الله يهديه بس حتى ما شاورني
رغم ان تلفون البيت استقبال ومافي اي ازعاج عندنا ونادر ما نستعمله

ام مهاف : حكايات سابقا الف مبروك حبيبتي الله يتمم عليك بخير يارب ، منتظرين رجوعك بالسلامة

ام مهند : الف حمد لله على سلامتكم ، واهلا برجوعك بين اخواتك

ام شهد : طمنينا عن شهد وكيف صحتها الحين ، وحتى الكتكوتة لجين كيف صارت الحين ان شاء الله انهم طيبين
من جد لك وحشة يا الغلا

ام جوري: هلا والله بها الطلة من زمان عنك يا الغلا ، تراني ابتديت كورس الحناء وان شاء الله ما اتكاسل عنه
رغم اني استعمل حناء جاهزة بالاعشاب مطحونة ، ممكن تعطيني اسماء زيوت مغذية ابغى اهتم شوي بشعري

وردة : وردتي الغالية شلونك حبيبتي وايش اخبارك من زمان عنك ، طمنينا عن اختك وايش سميتو المولود

بسمات : ماشاء الله صرتي تسوين مقالب كويس اني كنت خارج مجال التغطية والا كان اكلت المقلب


بقية البنات تراني اكتب الردود مقطعة خوفا من فصل النت سلامي لكم جميعا

بنات نبغى ان شاء الله من بعد صيام ايام البيض نبتدي بإذن الله بشغل تفريز لرمضان

رغم اني اسوي كميات بسيطة ياذوب حق 3 ايام اسبوع بالكثير بسبب ان ما عندي غير فريزر الثلاجة

بس بالرغم من كدا نبغى نشجع بعض وكمان علشان نلحق تلميع وتنظيف عميق للمطبخ قبل رمضان لانكم عارفين

كيف يصير بالدهون والكركبة بالشهر الفضيل


انا ان شاء الله ابتداءا من يوم الربوع برجع للالتزام بالجدول انتظر بس تسافر صديقتي علشان اتفرغ لبيتي ان شاء الله

أم مهند حبيبتي ...الجدول الي نزلته للاسبوع الي فات والاسبوع هذا ..
عرفتي عشان كذا مانزلوا البنات جدول لها الاسبوع ..

شوفي هذا هو الجدول وانتي حبيبتي اختاري الي يناسبك ..وشوفي من الجداول القديمة او ايش يحتاج بيتك وسويه ..

جدول الاسبوع ..


السبت / تنظيف الثلاجة وترتيبها + تنظيف منشر الصحون + تنظيف رفوف البصل والثوم ..


الأحد / مسح سقف دولاب الملابس + مسح التسريحة والكموينات وخشب السرير من الخارج فقط وتنظيف تحت السرير ...


الاثنين / تنظيف ادراج التسريحة والكموينات ورمي الاشياء الزايدة الي مالها لزوم ...


الثلاثاء / تفريغ الملابس من الدولاب وفرزها والتصدق بالفايض ومسحه من الداخل وتعطيره وترتيب الملابس وتبخير الدولاب .


الاربعاء / مسح جميع مفاتيح الكهربا + مسح جميع الابواب + فلاتر المكيفات + تنظيف جدار غرفة النوم والارضية وتبخيرها..



الواجبات الدينية خلال الاسبوع ...
الاذكار الصباحية والمسائية + الضحى والوتر +صيام الاثنين والخميس بعد موافقة الزوج + قراءة وحفظ صفحتين من القران وتسميع الحفظ + قراءة الكهف يوم الجمعة والاكثار من الصلاة على النبي ( صلوا عليه ) اللهم صلي على سيدنا محمد وعلى اله وصحبه وسلم

* تعليم الابناء باحياء سنة نفض الفراش قبل النوم ودعاء النوم ...


* تحفيظ الابناء مادون الخامسة سورتين قصار في الاسبوع ويجب ان نحفظهم اسم السورة ...
يعني ما نقول سمعي قل هو الله احد لالالا نقول سورة الاخلاص ..
والسن الاكبر اختاري لهم سورة تناسب سنهم ..


* تذكري وانتي تشتغلي استغلي وقتك بالتسبيح والاكثار من الاستغفار ..


* الي اولادهم يصلوا في البيت شجعيهم ان واحد يأمهم والباقي مأمومين وكل مرة دور واحد ..
*الصلاة حبيباتي في وقتها اول ما يأذن قولي مع الاذان وعودي البيت كله يسكت ويسمع الاذان ويردد معاه ودغري روحي توضي ولا تتكاسلي ..
وعندنا كمان قراءة البقرة كاملة كل يوم او يومين خصصي لها وقت حتى لو انتي من النوع الي تسهري المهم ساعة ونص او ساعتين مشكلتنا بنقول ما في وقت
بس اكيد نعرف نجلس على النت ب 3 او 4 ساعات وما تحسي بالوقت اكلم نفسي قبلكم :44:..

الجانب الجمالي والزوجي

حمام زيت للشعر + ماسك للوجه + نزع شعر الجسم وترطيبه ..

ارسال رسالة للزوج وهو في الدوام وتعبيري فيها بطريقتك بشرط مايجي بعدها اتصال طلبات للبيت ههههه

*****************
الجدول الثاني للمجلس وكل وحدة تختار الي يناسبها


السبت /تنظيف المكيف + الشباك + الستارة ..


الاحد / تنظيف الكنب + السجاد ..


الاثنين / تنظيف مكتبة التلفزيون والتلفزيون والتحف ..


الثلاثاء / تنظيف الجدران والارضية ..



الاربعاء / تنظيف مخزن المواد الغذائية ..



*****************
طبق الاسبوع / دجاج صيني + رز ابيض ..

حلا الاسبوع / سينابون ..ترى عمري ماسويته عشان كذا قلت نجرب ..

موقف الاسبوع / احكي موقف طريف حصل لك :22:..

فكرة الاسبوع / اي فكرة عجبتك من المنتدى او غيره وطبقتيها سواء تزيين للبيت اوحكمة او اكلة او ... اي شي طبقتيه وصرتي معتمدته ..

لعبة الاسبوع / تلعبي مع عيالك حرف انسان حيوان نبات الخ
اظن عارفين اللعبة ..

او ممكن تخليه للمطبخ حسب احتياجك