صباح الخير

اخباركم حبيباتي ان شاء الله انكم بخير

ام محمد الف مبروك الله يتمم على اخوك بخير وعقبال جميع بنات وشباب المسلمين يارب

نيسان ام صالح ام ركان اخباركم منورين يا الغاليات

هدوء ماشاء الله فتبارك الله عليك تعرفي انا طريقتي زي حكايات بالسوبرماركت واحيانا اقضي باقل من 200
وانا كمان اروح السوق تقريبا اسبوعيا الا في بعض الحالات لما ما يكون عندنا ضيوف تكفيني مقاضي ل10 ايام


بسمات يعطيك العافية حبيبتي على الجدول الرائع انا شغلي بيكون زي ام شهد تنظيفات هاذا اسبوع
والاسبوع قادم فرزنة بس شئ بسيط منتظرين صورك يا الغلا وجزاك الله عنا الف خير


ام شهد تسلمي يا حبيبتي ما تعرفي شكثر مشتاقة لكم بس الله يهدي زوجي يرجع النت اصير اشبك زي العالم
الشبكة الي يلتقطها الجهاز ياذوب تفتح لي التصفح حتى امي ما اكلمها غير تلفون الله يعين
وانا في انتظارك بخصوص المحل الي بباب مكة ان شاء الله بنزل هاذا اسبوع اشتري توابل والحيوب والقطاني ومنها اشتري البن وافتك من زوجي
جزاك الله الف خير

سلامي لبقية البنات

الله يبارك فيك حبيبتي جروح الوداع

ام محمد وفروحة ..يسعد صباحكم بالنور والايمان ومرضاة الرحمن ..

ام محمد .ابسط ياعم صنفر وزبط :) الله يهنيكي يارب الحمد لله امس شلت جسمي بالحلاوة وحطيت مناكير لان المحروسة معاي ههههههه ويدي تقول يا ارض انهزي ما عليك قدي لكن هيهات تفضل على كذا يلا وراها شقا

.ايوة ياغالية ما ابغى بالقلي صعبة اغلبية الاطباق الي اسويها كلها مقلية لانه يتعب المعدة زيوت في زيوت
وغير كذا نهاية الشهر بتلاقي بنفسك ما تدخلي من الباب ههههههه ..

فروحة ..ابشري ولا يهمك سامحيني والله امس نسيت مع اللمة والصجة والجمعة ان شاء الله كذا على الظهر اتصل
وأسألها ..

بسومة ..ربي يسعدك وينول لك الي في بالك على هالروابط قلت بروح انظف جلست بس اشوف رابط على رابط وانسخ وازبط ولا قمت ولا اتلحلحت ..
الله يستر بعد كل ذا التنسيق ما اسوي شي ههههههه ..
اسوي المنتو الكذاب بس بصلصة حمراء يعني طماطم وصلصة بس الطريقة هذي الي في الرابط جازتلي وان شاء الله اجربها ..
والمنتو الحقيقي يزبط معاي الحمد لله بس طريقة الضفيرة ما اعرف لها يبغالي اتدرب ...

يلا بنات بقوم خلاص الين متى وانا اقول بقوم هههههه
الحملة ذي لما تفك ما حتسك ..

جروووح منوره كيفك وايش اخبارك؟ والله مشتاااقه لك موووت .. ايش رايك نفتح ملف جديد ليوميا تنا في رمضان ؟؟

ام شهد صح كل الاكلات مفرزنه للقلي .. انا اشوي السمبوسه في الفرن بس تطع كانها مقليه ,, ادهن صينيه الفرن بشوي زيت واههن كمان وجه السمبوسه وافتح افرن على نار هاديه واهذا استوت من تحت اقلبها ع الوجه التاني ,, حللوة تكون كميه الزيت قليييله والطعم حلو

هدوء ..تسلمي لي ياعمري ..
طيب السمبوسة رقاق ولا تسوي عجينة في البيت..
وصينية الفرن قصدك الصينية السوداء الي تجي مع الفرن ..