ماشاء الله عليكم كنت متابعه الجزء الرابع وحبيته بس جيت متأخرة قلت أجل أبدأ معكم في جزء جديد بس بعد جيت متأخره:icon33:
ما أدري تقبلوني معكم أو لا:p
ترى جايه ومتحمسه أشارك :o

هلا والله وغلا بامهاااات الحلوين
يالله شمروا عن ساعديكم وهات فعااالياتكم
والله يحييكم بين اخواااتكم

هلا بنات معليش هذي اليومين مشغولة بالسوق ابغى اشتري فستان عندي زواجين وراء بعض الاربعاء والخميس وعندي الاثنين والثلاثاء زيارة اقارب يعني مشغولة على الاخر اعذروني

جبتلكم رابط حلو لادوات المطبخ
http://forum.hawaaworld.com/showthread.php?t=1238803

الله ياسفرجل نسيتي ام الكفشات اللي كفشتيني اياها خخخخخ والمري الله يسلمك يطلقونة عاللي عنده فراسة عالية
والله يبارك في حياتك يارب وفي حياتك ان شاء الله وعقبال ماأعزمكم علية ان شاء الله وياويل اي وحدة تتأخر سبحان منتظر ذيك الايام

اها وانا على بالي انك ام الحلوين حقتنا علعموم ياهلا فيك والله يقويك يارب

ماشاء الله كثروا امهات الحلوين لاتجي ام الحلوين حقتنا ونظيعها معاكم خخخخخخخخخ ترى امزح ياهلا فيكم والله يوفقكم وان شاء الله تستفيدوا وتفيدوا

أصبحنا وأصبح المُلك لله والحمد لله لا إِله إِلا الله وحده لا شريك له، له الملك وله الحمد وهو على كل شيءٍ قديرٌ، ربِّ أسألك خير ما في هذا اليوم وخير ما بعده وأعوذ بك من شرِّ ما في هذا اليوم وشر ما بعده، ربِّ أعوذ بك من الكسل وسوء الكِبرَ، رب أعوذ بك من عذابٍ في النار وعذابٍ في القبر.

السلام عليكم ورحمة الله وبركاته ..صقيقاتي اخواتي رفيقات دربي في السناعة ..
اسعد الله صباحكم بالنور والايمان ومرضاة الرحمن ..

للتذكير ..(اليوم ان شاء الله اول ايام البيض ) الله يتقبل منا ومنكم صالح الاعمال ...

مرحبا ومليون هلا بأمهات الحلوين وحياكم الرحمن بين اخواتكم :)

يومياتي امس ..
العصر نزلت بيت أهلي واتفرجت مقطع بسيط سجله الوالد لزفة الزواج الجماعي :icon28: الي اقامته جمعية مساعدة الشباب للزواج كان يوم السبت لأن أخوي ولله الحمد كان من ضمن العرسان المشتركين ماشاء الله تبارك الرحمن روعة الفعاليات الله يهنيهم ويستر عليهم ويوفقهم والله يجزاهم خير الجزاء القائمين والمساهمين ويجعله في موازيين حسناتهم ..

المهم رجعت البيت بعد العشا سخنت العشا واتعشينا وعيوني مرة مقفلة نعسانة بطق ما أدري ايش طن في راسي وبدون سابق انذار اقوم اخبز ذاك الساع واجرب العيش الشامي المهم عجنت وفردت 4 اقراص للتجربة والباقي حطيته في كيس وفي الفريزر ورحت فتحت المسنجر قلت على بال ما تخمر العجينة ولقيت اختي وصحبتي دردشنا نص ساعة واستأذنت لاني من جد مطفية افتكرت العيش رحت خبزته ولاول مرة في التاريخ العالمي اسوي عيش شامي ههههههه
طبعا لا انتفخ ولا انتفش بس طعمة جنان وهو ساخن شي قلت بسوي وبحط جبنة ومربى ماعاد حطيت لأنه اطلعه من هنا ونذوق ونقسم من هنا هههههه لما احتفظت بذولا القرصين للتصوير وعلى السريع



ونمت على الساعة 1 ونص بدل 11 وصحيت على اقامة الصلاة ..
والحمد لله صليت وقلت الاذكار وصحيت الشلة وجيت ارد عليكم ..

************

هدوء ..
بسم الله ماشاء الله عليك مبدعة طلعتي منتي بهينة يابت سلمت يمينك وطمعانين في المزيد ياحبي للاعمال اليدوية ..
وترتيبك روعة ماشاء الله بس بسألك ليه المعلبات في الثلاجة ..

بسومة ..
كيفك يازولة وكيف ايامك وعيالك هاه بشري ياحرمة سويتي المكرونة ولا لا ومنتظرين فعالياتك ..

روز ودلع ..
ههههه الله يسعدكم ضحكتوني وانتو تلعبو طيرة ههههه المهم الحمد لله انكم لقيتو بعض في النهاية ..

أم مهند ..
ربي يسعدك ياشيخة سكرة ماشاء الله عليك ..

شيماء ..
كيفك وكيف العيال وكيف استعدادك للسفر الله يسهل امرك يارب ..

حكايات ..
الله يقويك ويعطيك العافية والله يعينك على الصيام ويتقبل منك يارب ..ولا ترهقي نفسك ياحرمة بشغل البيت
سوي الاشغال العادية وعلى مهلك :mad: سامعة ولا اجيك بالعصا ..

فروحة ..
وحشتينا كيفك يا الغالية وكيف امورك ان شاء الله تمام ..

الجنة مناي ..
سامحينا اخيتي لو بدر مننا شي او قصرنا في حقك ويعلم الله ان ما صدر منك الا كل خير وان شاء الله تروحي وترجعي بالسلامة استودعتك الله ..

سفرجل ..
وعليكم السلام ورحمة الله وبركاته اهلين وانتي لك وحشة كيفك وكيف ايامك وان شاء الله يرجع النت في القريب العاجل وتنورينا ..

ميار ..
مبارك عليك انك عرفتي تنزلي صور ويلا منتظرين فعالياتك :)
وجزاك الله كل خير على الرابط ..

دنيا الوله ..
ماشاء الله تبارك الرحمن الله يسعدك ان شاء الله والله يعين على المناسبات الي ورا بعض تعب شوية بس وناسة ..
وتسلمي على الرابط ..

باقي البنات لكم مني كل الود..

البنات الغيبات اقول لكم لكم وحشة في خاطري مالها حد في غيبتكم كل المشاعر تنادي ..
وحشتونا والله يطمنا عليكم ونقرا اخباركم وان شاء الله تكونوا بخير وين ما كنتو..

تصدقوا اخذ مني الرد ساعة يلا استأذنكم بروح أقرأ وأنام ..