السلام عليكم بنات كيفكم

وحشتوني والله

فروحه الف سلامه عليكي ياقلبي اجر وعافيه

ام الحلوين الف سلامه عليكي ياقلبي التهاب شكل عندك الله يشفيكي يارب

ميمووو الف لابأس عليكي الله يسفيكي يارب

حلم طفله والله عورتي قلبي حاسه فيكي انا مره كنت راميه كاسه مكسوره في الزباله

ولما جيت اطلع الزباله ضغطت عليها عشان اربطها ونسيت موضوع الكاسه انقطعت يدي

الحمد لله على كل حال المؤمن حتى الشوكه يشتاكها ياخذ عليها اجر احتسبي الاجر حبيبتي

حنووووون انت ليا معاكي كلام غييير ابغى منك تقرير بمشاعرك بعد الحماس والشغل بكل امانه

لانك من الي دخلوا معانا لكن من الانشط والاسرع تطبيقا للشغل مع انك تطلعي عن الجدول شويه

لكن بجد احيي فيكي النشاااط والله اني ليا يومين اقول ياترى حتستمر حنون ولا لا لان كثير يملوا بسرعه

الله يقويكي حبيبتي ويزيدك ماشاء الله بسم الله عليكي سنعه ياقلبي

انا فعلا ابغى اعرف مشاعرك بعد اشتراكك معانا

مافي احد سهران ؟؟؟

صباااااااااااااااااااااااح الخيراااااااااااات يااحلى سنعاااااااات

تم بحمد الله:
بما انو ماعندي مجلس رجال....
رحت قضيت للبيت ولما رجعت شمرت عن ساعدي وبديت
اولا:
البقدونس والكزبرة والشبث والبصل الاخضر عشلتهم زيين وخليتهم ينشفو وفرمتهم وحطيتهم بعلب وعالثلاجة
ثانيا:
الليمون عصرته وحطيته في علبة زجاج وحطيت معاه شوي سكر وخليت كم حبة لزوم التزييين
ثالثا/
الزنجبيل غسلته وبشرته ووزعته في اكياس التفريز وعلى الفريزر
رابعا/
الثوم قشرته وفرمته وحطيته بعلبة زجاج وخلطت معاه شويه زنجبيل طازج وطبقة زيت زيتون
خامسا:
الجزر قسمته نصين طبعا بعد ماغسلته ونشفته
شي بشرته للحشوات وفي اكياس التفريز وزعته وشي قطعته عشان الشوربة او الايدامات
سادسا:
الكوسة والفاصوليا نفس الشي غسلتها ونشفتها وقطعتها عشان الشوربة والايدامات
ووزعتها في اكياس التفريز وعلى الفريزر ونظفت المطبخ بع الحوسة زييييين


الحمدلله يابنات اني انضميت لكم وربي انكم شجعتوووووني كثييير عالشغل بعد ماكنت كسوووولة
وصار الشغل عندي له طعم
شكرا لكم

بنااااااااااااااااااات هذا الجدول اتمنى انو يعجبكم
جدول الجانب الجمالي
اولا: شرب لتر من الماء حوالي 8 امواب يووميا
اقولكم على طريقتي لان في ناس تنسى مثلي
جيب جيك سعته لتر او القارورة اللي سعتها لتر ونص الكبيرة
عبيها قبل ماتنامي وحطيها في مكان واااضح عشان اولماتقومي تاخذي كوب واستمري الين تخلصي
لاتنامين الا وانتي معبيتها
وشوفي النتيجة اللي بتبان على بشرتك وشعرك وحتى على صحتك
ثانيا: اليدين والرجلين
فيه عناية اسبوعية وعناية يومية
الاسبوعية:
وافضل شي تكون الجمعة
قص اظافر اليدين والرجلين وبردها
عمل تقشير للرجلين واليدين:
اما باستخدام مقشر خاص انتي مرتاحة عليه
او
سكر مع فازلين
زيت زيتون مع سكر مع شوية ليمون
واظافرك جيبي ليمونة وافركيها فيه وادهنيا بزيت زيتون
واذا خلصي جففي يديم كويس وحطي مرطب يحتوي على فيتامين ايه
لانو مرررررررة مفيييييد للبشرة
اليومية:
رطبي يديك باستمرار
وقبل النوم
يافازلين ياجيلوسيد
يا جيلوسيد مع ليمون مع ماء ورد
الوجه
الاسبوعية
ماسك على حسب نوعية بشرتك واللي مرتاحة عليه
اليومية
اغسلي وجهك الصباح بصابونة طبية او غسول طبي
وارشح صابونة نتروجينا مررررررررة ممتازة
وبعد ماتنشفي وجهك برفق حطي لوشن يحتوي على فيتامين اي وبعد 10 دايق حطي واقي شمس
والله هذي طريقتي من 5 سنين مرررة ممتازة وتعطي نتيجة حلوه مع الاستمرار
على فكرة الواقي حطيه لة انتي بالبيت عشان حرارة الفرن الجو الحار كلها تاثر عالببشرة
وفي الليل قبل ماتنامي نفس الشي بس لاتحطي واقي
الشفايف...وماادراك مالشفايف..
اليومية
نصيحة دايما رطبيها ولا تلحسيها يعني اذا نشفت هذا اللي يشققها
واشربي موية كثييير وقبل ماتنامي حطي فازبين او فكس
حلو يفتحها ويخليها وردية ومع الاستمرار يعطيها نفخة حلوة
الاسبوعية
قشريها بعسل مع سكر وقرشاة اسنان ورطبيها بالفازلين
الجسم كااااملا
اليومية
اهتمي بترطيبه وخصوصا الركب والاكواع
لما تاخذي الشور اليومي ادهني جسمك كاااامل من رقبتك الى اخمص قدميك
الاسبوعية
قشري جسمك بالملح
او
سكر وزيت زيتون
وقبل ماتدخلي الحمام ادهني جسمك كاااااااااااامل بزيت اللوز او زيت الزيتون او زيت الاطفال واقعدي ساعتين او 3 تخلي جسمك زبدة من النعومة
واعملي حمام بخار او مغربي لجسمك نهاية الشهر

صباح الخيرات..كيفكم يابنوتات؟؟اخباركم؟؟وحشتوني والله
طبعا انا غبت عنكم يومين لاني تقريبا قضيتها كلها برا البيت لان زوجي ماشاءالله طلع سياره جديده فمبسوط وقاعد يلفلف بينا طو اليوم امس خرجنا مع اهله واليوم خرجنا مع اهلى وانبسطنا والحمدلله واليوم استغليت الوقت وقضيت من السوبرماركت بس الخضروات والفواكه مااخذتها لانه بدأ يتزحم السوبرماركت وقتها وقلت خليها في وقت تاني احسن اخذها على السريع مع الرقاق من عند الفت
والله اشتقت للشغل والكرف انا اليوم بما اني سهرانه لدا الوقت ماراح انام راح ابدأ شغل وارتب المقاضي والبيت حأرتبه واكنسه وامسحه ولما اصحى ببدأ بالمكواه ان شاءالله اصلا يمكن بكره تجيني اخت زوجي وتنام عندي لان زوجها مسافر
المهم خلاص راح استقر ببيتي وابدأ التزم بالجدول مضبووووووط ان شاءالله
والله يعطيكم الف عافيه بأقوم ابدأ الشغل بعدين ارجع اقولكم ايش انجزت