خلاص خلاص مسحتها الحمدلله

رجيتكم معليش استحملوني

هذي الكبه الي سويتها يا ام شهد حبيبتي زي الي في الرابط الاول

نفس المقادير بس الكميه اقل والبرغل جبت العادي ما جبت الاحمر

والنتيجه روووعه لان امس قليت كم حبه مع الغدا بجرب والله اتنسفت كلها الحمد لله




باقي اوريكم الحمر ان شاء الله بس لاني بنقعه اول شي

يلا بنات بروح اتغدا واستنى الاذان لان بعدين بنام

في امان الله

ماني عارفه ازبط الصور :(

امري لله حأرجع اكتب من جديد وحأنزل الصور حتى لو كبيره عشان اوريكم قد ايش تعبت اليوم:(

انا كنت بأقول كل سنه وانتوا طيبين وينعاد علينا وعليكم بالخير ان شاءالله...

وروز وام شهد الله يسلمكم ياحلوين..

انا اليوم دخلت المطبخ عالساعه 7 على اساس بأنظف الفرن مع اني نظفته الاسبوع الي راح عميق بس من حظي الحلو انكب عليه زيت قبل يومين وعدم الدنيا وكنت ابغى ارتب الخضار الاجبتها مع شوية الاغراض الي اخذتها من السوبرماركت وعل اساس كمان اغسل الارضيه واغسل الدولاب الي احط فيه الزباله الله يكرمكم غسيل عميق بس الخطه للاسف اتغيرت وزادت حوسه على حوسه

وطبعا بمااني مواصله اول مادخلت سوتلي قهوه تركي بالحليب وجلست ارتب الخضار واغلفها واطبق الاكياس وهذي صورة الخضار بعد التغليف طبعا كلها ورقيات وانا احب اغلفها بالقصدير


وهذي صورة المطبخ قبل الترتيب


ولما خفت حوسة المطبخ شوي اتجهت على الفرن النكبه وكان لازم اني افكه وادعك وطبعا احتاج اني اشطف بالمويه بعد الدعك وبماانو تحت فرني مقفول فخفت لاتنحبس المويه تحت
شوفو ا كيف مقفول


طبعا انا ماراح اقدر ارفع الفرن لحالي مع اني حاولت وقررت اني اخاطر واصحي زوجي عشان يساعدني بالرفع طبعا هو كان نفسو يلطشني بس ايش اسوي مااقدر اراكم الشغل وقام المسكين من نومه عشان يرفع معايا وبعد مارفعنا الفرن من مكانه شفت الكارثه وبغيت ابكي والله :(
هذا مكان الفرن من تحت


وهنا شوفو اطراف البوتجاز والله بغيت انجن



بنات انا بوقف هنا واشوف اذا الصور نزلت ولا راح تعبي كله عالفاضي وبأكمل بالرد التاني ان شاءالله