بسم الله الرحمن الرحيم
قال الله تعالى : إن الله لا يغير ما في قوم حتى يغيروا ما في أنفسهم
انطلاقا من هذه الآية الكريمة ..نعلن افتتاح أكاديمية الإيجابيات من جديد .. مع بداية جديدة و ان شاء الله نحو حياة جديدة مليئة بالتفاؤل و السعادة ..
نظام الأكاديمية :
-ستكون مدة الأكاديمية 4 أسابيع .. خلال الاسبوع كل يوم راح انزل درس يديد , و البنات يسئلون و يعطون معلومات اضافية .. مع ملاحظة هامة جدا جدا جدا ..
(( لا للمقالات المنقولة ))
بليز بنات نبي شي على مستوى عالي ما نبي أشياء منقولة .. مافيه مشكلة لو تلخصين مقالة على اسلوبج بس ما نبي نقل حرفي بليييززز و الشي مو اجباري إذا تبين كتبي مقالة .. و إذا ما تبين على راحتج .. المهم نبي شي على مستوى,
- فيه نهاية الاسبوع راح يكون فيه مشروع كبير .. كل بنت تكون مطالبة بكتابة مقالة صفحة كاملة مالت الونوورد تلخص فيها الأشياء اللي تعلمتها خلال الاسبوع و شنو تنصح غيرها .. و من خلال هالمقالة راح نسوي تصويت بين العضوات كل عضوة تصوت لعضوتين غير نفسها و المقالة الحاصلة على أكبر نقاط إهي المقالة الفايزة مع العلم إن هالمقالات راح توضع كلها في بلوغ خاص في أكاديميتنا راح أحط الرابط بعد الاسبوع الأول .. و التصويت اجباري و إلا راح يسقط حق العضوة بالفوز إذا ما صوتت و راح يوجه لها انذار
- في نهاية الاسبوع ر اح يكون فيه يوم أوف للبنات عشان الزيارات و الجمعات و بهاليوم اللي تكون موجودة في البيت نقدر ندردش معاها و نسولف مع بعض استعدادا للاسبوع اللي وراه و يوم المشروعات خاص فقط في كتابة المواضيع .. يعني انتي لازم تكونين تشتغلين على مقالتج طول الاسبوع و تحدثينها باستمرار كأنها الواجب ..يعني يومين بالاسبوع بدون دروس
- شعار الأكاديمية موجود تحت .. كل وحدة تحطه بتوقيعها و الليما تعرف تحطه تعطيني اسمها و باسووردها برسالة خاصة أحطه لها منعا للردود اللي مالها معنى عن طريقة وضع التوقيع (( يعني ما أبي ردود تقول أنا ما أعرف أحط الشعار بكل هدوء بعثيلي رسالة خاصة و بلغيني فيها و أنا أحطلج إياه ))
- للأسف نظام الترقيات غير متوفر في أكاديميتنا .. يعني ماكو مستويات كلنا نفس الشي ان شاء الله .. لان المدة قصيرة بس كل وحدة راح تتميز بحضورها و تألقها بين البنات .. و ان شاء الله راح يتم وضع شعار للمقالة الفائزة و وسام للعضوة الفائزة
- بليز بنات نبي تفاعل و مناقشات مثمرة عشان حتى اللي يقرا موضوعنا بعدين يحس إنه كنز ثمين و هالشي راح يأثر بدرجتج النهائية لما تتخرجين من الأكاديمية ان شاء الله
- طبعا ما يحتاي اللي راح تغيب في يوم من أيام الاسبوع تييب معاها عذر و لا راح يوجه لها انذار و إذا توجه انذارين للعضو تنسحب من الأكاديمية
- أرحب بالاقتراحات الجديدة و الأفكار الحلوة لا تحرمونا منها
و بجذي نفتتح أبواب أكاديميتنا و ان شا ءالله أنزل الدرس الأول بعد قليل
dodyia @dodyia
كبيرة محررات
أكـــــــــــــــــــاديــــــ ـمــــــيـــــة الإيــــجــــابـــيــــات
409
33K
يلزم عليك تسجيل الدخول أولًا لكتابة تعليق.
مخاوية الالام
•
يسعدني اكوون اول الطالبات
الصفحة الأخيرة