أكلاتكم المفضلة تعالواا حطوها هنا نفيد ونستفيد ♡_♡

:love:
هاااااي بنات كل وحده تقول أكلتها المفضلة
فيدونا ونفيدكم ومنها نجرب اكلات جديده ومو شرط تكون جديده بس سبحان الله طريقة عمل الاكله هي اللي تغير الطعم كل وحده تقول الاكلة بطريقتها
انا أعشق شي أسمه شوربة باللحم
بصلة مفرومة+عود قرفة+ليمون اسود+شوية بزار+فلفل اسود مطحون +كركم احمسيها مع شوية زيت لين يذوب البصل وحطي عليه قطع اللحم وقلبيها شوي بعدين حطي عليه 1م ك صلصة و2 طماط مطحون وقلبيها شويات وأخذي شوفان على كيفك أذا تبينه ثقيل او خفيف صبي عليه موية وحطيه بالخلاط وبعدين صبيه على المكونات اللي بالقدر وحطي الموية وقبل تطفين عنها حطي الملح وتطلع لك الذ شوربة
ومرق لحم او دجاج أوخضار مع خبز أو رز
بصلة وفلفل حار شرايح شيلي البذور عشان حرارته تطلع معقولة احمسيها بالزيت وحطي بزار وفلفل وعود قرفة وبعدين حطي قطع اللحم او الدجاج و3م ك صلصة وبعدين خضار اللي تبين بطاطس وجزر او كوسا بس خلي القطع كبيرة واحمسيها وبعدين حطي طماط مع ثوم مطحون وحطي الموية وقبل تطفين النار حطي الملح احب اكله مع خبز بر لذييذ

أحب القشد بعد لذيذ وهو حاااار
القشد أمي تسويه الله يعافيها ماقد سويته انا بس بدور طريقته وبحطها لكم
مكرونة الدجاج الحمراء العادية
بصل وفلفل بارد او حار وقرفه وليمون اسود وبزار وفلفل اسود احمسيها مع شوية زيت بعدين حطي الدجاج ومكعبين ماجي و علبة صلصة السعودية وحطي الموية عشر دقايق وحطي المكرونة وخليها 40 دقيقة وتطلع لك اللذذذ مكرونة
يللا بنات قولوا لنا عن أكلاتكم المفضلة