أكلات بحريه (القباقب)

هههههههههه أحلى شي

شوفي أختي ولا هنتي....

تاخذين القباقب وتغسلينها بمشخال ( إناء به ثقوب لتصريف الماء) جيدا
وتتاكدين أن الجن( الأعشاب البحرية كلها خرجت وتنظفت القباقب من كل شئ)
بعدها في قدر ( تاخذين القباقب وتحطينها فيه وتقطعين مقدار 3 ليمونات شرائح أو ليمونتين على حسب الرغبة ) وتضعين مقدار ملعقة طعام ملح ترشينها على وجه القباقب وتخفض النار وتترك لمة ربع ساعة الى أن تفرز الماء
أنا أقوم أزيد الماء بمقدار إناء متوسط لأن زوجي يحب يشرب الشوربة مع القباقب وممكن إضافة شئ قليل من الزبدة مع السلق حتى الغليان الخفيف
يعني مدة الطبخ لا تأخذ أكثر من نصف ساعه الى ساعة إلا ربع

وفي ناس تبلح القباقب وتسوي منها خلطة خفيفة مع الكريمة والإعشاب
وفي ناس يحمسونها بالبصل
وفي ناس ياكلونها مسلوقه وهذه ابسط الطرق على الإطلاق ( سلق وأكل )

وبالهناء والشفاء

يا قلبي يا ملكة مملكتي
مشكوره الغاليه والله ما قصرتي وعبرتيني مشكوره انشاء الله من باجر بسويهن وانشاء الله يعجبن ابونا
الا ممكن سؤال اقدر اسلقهن ومن ثم افتحهن واحط عليهن جبنه وادخلهن الفرن يتحمرن
ومشكوره وجزاج الله خير

أختي الحبيبة

ممكن تسوين منها خلطة بالكريمة والأعشاب بعد سلق القباقب واخراج اللحم وفرمه وطبخه
تشيلين قشرة البطن وتزال الأطراف و الأرجل ثم تحشى بخلطة القبقب والبصل والكريمة
وبعدها ممكن تحطين فوقها بشميل بسيط أو خلطة أجبان وتحمرينها في الفرن...وتطلع ممممم يم يم

ويا هلا ومرحبا فيج حبيتبي

انا زوجي يحبها مشويه بالفرن