أكلة شامية لذيذة جدا هدية لمنتدي الطبخ (داود باشا)

أول شي ...... السلام عليكم ورحمة الله .....

تاني شي .... هي مشاركة مني أتمنى أنو ما يكون حدا كتبها من قبل وتكون معادة .....

وإذا كانت معادة فمنكم السماح يا أهل السماح ......:41:

وهلىء المهم الطبخة هي سهلة وطيبة جدا بتاكلوا اصبيعكم وراها .....

جيبي لحمة مفرومة ناعمة منيح واعمليها كرات متوسطة الحجم ...

ثم اجلبي خمس بندورات متوسطة واسلقيهم مدة 7 دقائق على النار حتى تساعدك في عملية تقشير البندورة ...

قشري البندورة وهو مهم جدا ثم قطعيهم إلى قطع صغيرة ....

ثم افرمي بصل جناحات متوسطة لا رقيقة ولا تخينة واقليهم على النار بسمن أو زيت اللي تحبيه ... وضيفي فوقهم الكرات وقلبيهم شوي شوي حتى ما تنكسر إلى أن تحمر كرات اللحم واو يتغير لونها وتصير متماسكة ....

ثم اضيفي حمص مسلوق فوها ممكن تستعملي علبة حمص جاهز أو ممكن حمص منقوع لمدة يوم بالكربونات ....

وقلبيهم شوي على نار وسط طبعا ....
وبعد ما تشعري أنو حاجتهم تقليب حطي فوقهم البندورة المقظعة وقلبيهم كمان شوي
وبعدين حطي فوقهم رب البندورة او دبس البندورة متل ما بتسموها .... وكتري منيح يعني علبة متوسطة الحجم تقريبا ....

واضيفي فوقهم الماء لحتى ينغمروا وخليهم ينبروا يبأبؤوا .......يعني يغلوا لمدة نصف ساعة أو 40 دقيقة يعني لحد ما ستووا على نار وسط ....

وحركيهم بخفة ورشاقة :27: لحتى ما يلزقوا ..... لأن مرقة البندورة سميكة بتبقى ...

وبس ليستووا جيبي رز مفلفل وصبيه بالجاط على شكل دور وخلي فراغ بالنص منشان تسكبي الطبخة بالنص يعني كرات اللحم يعني تعمليه متل الزبدية وبعدين حطي شوي على الأطراف بشكل متجانس ....

وبعدين كمان اقلي صنوبر منيح ورشيه فوق الجاط ......ز

ودوقي وادعييييييييييلي بالخير طبعا ....

فعلا أكلة ما بتنوسوها .....

وهي اسمها داود باشا ......

والسلام