اليوم عملت على العشا عجة أقراص بالقرنبيط وحبيت أشاركم الوصفة كثير طيبة ومفيدة
المقادير:
نصف رأس زهرة صغير
بصلة مفرومة ناعم
فص ثوم مفروم ناعم
ربع ضمة بقدونس مفروم
3 بيضات كبار
ملعقة كبيرة ونصف طحين
نصف ملعقة صغيرة بيكنج باودر
رشة بهارات مشكلة
رشة فلفل أسود
رشة كمون
ملح
الطريقة نسلق الزهرة حتى الاستواء وبنصفيها من المي منيح ثم بنقطعها
ثم نخفق البيض مع البكنج باودر وبنحط عليه الزهرة والبصل والثوم والبقدونس والطحين والبهارات وبنخلطهم (لازم الخلطة تكون ماسكة شوي مش كثير )
بنحط بصينية شويت زيت وبملعقة السكب نأخذ من الخلطة وبنحط بالصينية وبفردها شوي بالملعقة
ثم نضعها بالفرن حتى تنضج من تحت بقلبها على الوجه الآخر(يا سلام كلمة فصحة وكلمة بالعامية الله يعين)
وهيك لما تخلص الكمية ممكن تعملي جنبها سلطة بطحينية طيبة كثير معها
طعمها بيشهي
]
تسلم الايادي