miss_it @miss_it

عضوة فعالة

أكلمه بعد الملكة والا لأ ؟؟؟؟؟؟؟؟؟؟؟؟؟؟؟

بنات اريدكم تساعدوني .. لأني بصراحة وايد مهتمة من هذا الموضوع ...
الحين تقريباً كملت شهر ونص من ملكتي .. والعرس بعد ست شهور ان شاء الله ..
أنا ودي اكلمه في الموبايل واتعرف عليه وعلى شخصيته وطريقة تفكيره .. لأني ما اعرف شي عنه ابداً ولا شفته بعد غير في صورة الجواز :(
احس إنا بهذي الخطوة قبل الزواج راح نذلل الكثير من المشكلات ونتفادى الكثير من الاخطاء بعدين ..
بس ما ادري .. احس إنه ما يهتم يعرفني إلا بعد ليلة الدخلة .. والدليل إن رقمي عنده بس ما يتصل بي .. يعني للحين يمكن بس تكلمنا ثلاث مرات .. انا اعترف بوحدة منهم لأني حسيتها طالعة من خاطرة :06:

يعني انتوا شو تنصحوني اسوي ... احاول اكلمه .. وإلا انتظر هو يكلمني .. وإلا اخليه على هواه ..
بس بيني وبينكم .. انا ما احب اضيع هالأيام .. اعتقد ( لو تكلمنا ) بتكون احلى من الأيام الجاية بعد الزواج ..

يلزم عليك تسجيل الدخول أولًا لكتابة تعليق.

تسجيل دخول

ونة خفووق • 20 سنة

حبيبتي..بنات المنتدى كل وحدة ومجتمعها وطبايعهم وطريقتهم..

اللي ممكن ماتناسبك..لأن فية ناس حتى الأشياء الطبيعية عيب..

عموماً هو زوجك..ومافيها شي تحاكينة..

هي مو حلوة في حقك تكلمينة أنتِ بالأول..أو تبدين أنتِ بالإتصال..

لكن طالما وسبق كلمك..مافيها شي تدورينة تسلمين علية..

وتعبرين عن أشتياقك لة ولصوتة..لاتضيعين الوقت..

ترى هذي المكالمات ماراح تنسونها ولا بعد مليون سنة..

يمكن خجلان يتصل ويحاكيك..ويخاف يحرجك..

ولا مافية رجال مايحب يحاكي زوجتة حلالة..

الله يوفقك ويسعدك ويهنيك..ويتمم لكم على خير:26:

¨*·.¸¸.نسيم البر.¸¸.·*¨ • 20 سنة

السلام عليج ياالغالية ...

أولا انتي بعدج ماتعرفين شخصيت ريلج

يعني ماانصج .. تبدئين وتتصلين فيه وما الى ذلك ...

ممكن ياخذ عنج فكرة غلط حتى لو كنتي حلاله

كل شيء في وقته حلووو ياحلوووو

حاولي تهتمين في صحتج وتزيدين من خبراتج قبل الزواج لانه ها الشيء بيفيدج في حياتج الزوجية:32:

ياما ريايل رفضووو انهم يكلمون حريمهم بس غيرو رايهم قبل العرس بشهر او شهرين ويمكن اقل

وسبحان الله ... الله يقرب امبينهم حتى لو ماكانو يعرفون بعض ... :55:

شغلي وقت فراقج بكل شيء مفيد .. وحاولي تدرسين تصرفاتج وكلامج وتعاملج مع الغير

والله يوفقج ...حبوووبه ...:26: :cool:

عصير كوكتيل • 20 سنة

انا مع الاخت نسيم البر

لكن مافي مانع تكلمينه اذا هو اتصل

مو انت تكلمينه ..............خليكي ثقيلة

سلالالالالالالام

miss_it • 20 سنة

مشكوووووووووووووورين على تفاعلكم مع موضوعي ..

أول اتصال كان منه هو طبعاً ....................
وثاني اتصال منه ......
بس ثالث اتصال كان مني ( على أساس إنه خلاص عادي أقدر اتصل فيه في أي وقت )
بس بصراحة ما احسه ملهوف علي مثل ما أنا ملهوفة عليه .. وأنا من النوع الحسااااااااااااااااس .. يعني ممكن أدنى شي يقلب مزاجي ويخليني اشعر باللوم سواء اتجاه نفسي أو اتجاه الآخرين .. قمت اتصلت له وقلت له خلاص ما بزعجك بعد اليوم .. وأنت وقت ما تريد تتصل اتصل ..

ما اعرف شسوي وياه ..

أحياناً أقول أخليه لين ليلة العرس ما اكلمه ..
بعدين ارجع اقول لا .. لازم اقنعه نتكلم وما نضيع هالأيام اللي بالتأكيد راح تكون حلوووووووووة

التلال الذهبيه • 20 سنة

السلام عليكم
أختي المفروض انك ماتكلمينه يبغى يكلمك رقمك في جواله ما يبغى بناقص
انتي الآن في الأنترنت انشغلي بيه عنه ولاتكون مشاعرك خفيفه
ومين قال لك انه هذي الأيام راح تكون حلوه ممكن تكون أسوأ أيام حياتك
صح هو زوجك الآن لكن هذا الكلام هو اللي يقول له
وإذا مصره انصحك بالأستخاره قبل ماتكلميه في كل مره تبغي تكلميه استخيري
واسمحي لي إذا بتبدأي حياتك بالحساسيه والله ماترتاحي أبدا
قوي نفسك بالاستخاره ودعاء الهم وانتي تلاقيه هو يتصل عليكي
على فكره كان زوج اختي زي كذا في البدايه بعدين صار يكلمها بااستمرار
لكن مكالمتهم ساعتين وساعه وثلاث ارباع الساعه ساكتين
وماشاءالله عليهم الآن بعد الزواج مبسوطين على الآخر
واختي ماقد اتصلت عليه كانت ثقيله بشكل رفعت ضغطنا لكن في النهايه هي طلعت اللي صح
اتمنى لك السعاده الدائمه في ظل زوجك