أكمل ماجستير ولا اتركها عطوني حل خلاص محتاره

أهلين عزيزتي ،،

خذيها قاعدة في حياتك :: (( مافي شيء يجيك بالساهل ))
ولا راح يكون له قيمة إذا ما تعبتي فيه ،،،، أنتي بمقاومتك هالظروف تتحدين نفسك وتتحدين الي حواليك ،،، لا تسلمين نفسك لهاليأس ،،، وأعرفي ،،، انه دائما لما تقرب النهاية ،،، يبدأ الإختبار من جد ،،،
وصدقيني لما تاخذين شهادة الماجستير إن شاءالله ،،، راح تحمدين ربك على نعمه ،، وعلى انه عطاك الصبر ،، ولا خلاك تتخلين عن حلم أخذ شهادة عُليا . وحطي في بالك ،،ان غيرك يتمنى هالحلم ولا قدر يوصله .. وانتي بين يديك لا تفرطين فيه ...
أصبري ،،، وأشغلي وقتك بأي طريقة ،، مثلاً: اي شيء ،،، او أي موضوع ،، أو اي نقطه ،، تقدرين تبحثين فيها من غير رأي المشرف سويها ،،، لا تنتظرينه ،،، وبنفس الوقت لا تهملينه ،،، بين الوقت والثاني حاولي تاخذين رأي المشرفة ،، وخلي عندك اكثر من فكره ،، بحيث انه إذا حصل وعارض ،، تكون عندك فكره ثانية جديده قوليله عنها ،،
وفكري
إذا حصل وتركتي الماجستير وقعدتي بالبيت ؟؟ فكري ،،، كيف بيكون وضعك؟؟ هل انتي من النوعية اللي ينبسط بجلسة البيت ؟؟ وفكري كمان ،،، هل انتي بتتحسفين انك تركتي الماجستير؟؟ جاوبي نفسك بصدق واحكمي..
وأولا وأخيرا ،،،، اذا شايفة نفسك محتارة بقوه ،، مالك إلا صلاة الإستخارة .. ((ماخاب من استخار))

الله يساعدك ويدلك على طريق يسعدك بإذنه العزيز الحكيم ..

شهرين!! ماباقي شئ

قهر !!

حاولي تصبرين شويتين الا اذا كانت ظروفك فوق طاقتك

والله يوفقك

كملي اختي دام ماباقي الا ارع شهور يالله في وقت جدامك

واحس انك انشالله بتنولينها يالله احنا ننتظر علشان نبارك لك :27:

هلا أختي
الله يعينك
كثري الاستخاره وبعدين شوفي وش تهتدين له ثم استعيني بالله
وانصحك تحاولين تعملين لك جدول برنامج للعمل خلال الفترة هذي وتطبعينه وتحطينه قدامك علطول عشان تستغلين الوقت قدر الإمكان
والله الله بالدعاء

وودي أسألك عزيزتي
وحده من قريباتي طلبوها في الجامعة انها تكون معيدة وتدرس ماجستير ورفضت تقول ان المعيدة مالها شيء يميزها عن المدرسه سواسيه نفس الراتب ويمكن المدرسة أفضل:confused:

هل صحيح هالكلام!!!!!
:confused: :confused:

Rose Twin أشكرك على دعمك الي فتح لي بارقة امل
بنت نجد أيه والله اربعه
رمايه أشكرك على شعورك الطيب والنبيل والدعم

مشاعل الرياض والله ستخرت وكله ارتاح اني مااترك والله صادقه المعيده مالها اي امتيازات عن المعلمه ومن ناحية الراتب المعلمه افضل والحمدلله على كل حال

اللهم كل من ادلى لي برئيه اهديه الى الحق والصواب وعفو عنهواغفر له واجعل الجنه مسكنه