ألام في الصدر وأسفل العانة

السلام عليكم ورحمة الله وبركاتو كيفكم بنات إن شاء الله بخير:2thmup:، أنا يابنات أحس بالام في منطقة العانة من أسفل أنا يعني كنت قبل لااحمل ببنتي احس بهدا الالم وكانت الام اشد من كدا وكنت اروح لدكتورة تقولي ابدا مافيكي شي كلو سليم وقالتلي اني بس شكلي عندي وساويس وحالة نفسية:( وبالفعل الحمد لله رغم انو الالام كانت مستمرة بفضل الله حملت بنتي :icon28: وأول ماعرفت اني حامل راحت كل الالام وكنت طبيعية مية بالمية والان الحمد لله ولدت وجبت بنوتة وصارلي تسعة شهور والدة وبصراحة لمن فكرت اني ابغى احمل رجعتلي الام باسفل العانة تاني مرة والدورة دا الشهر اتاخرت علي وسويت تحليل ومافي حمل أعطتني الدكتورة دواء دوفاستون عشان تنزل ونزلت الحمد لله وقالتلي يمكن عندك ارتفاع بهرمون الحليب لاني احس بالام بسيطة بصدري بس ماسويت تحليل ولا شي لسة ، والله يابنات سامحوني مرة طولت عليكم بس الله يخليكم مالي بعد الله غيركم ساعدوني أهل زوجي جابولي القرف كل ماشافوني قالولي يلا احملي نبي ولد لولدنا ،يعني ايش تتوقعون دي الالام الي عندي هل هي حالة نفسية فعلا زي ماقالت الدكتوة لاني جالسة افكر اني ابغى احمل ولا في أحد منكم كان يحس زي الامي ولا شي ولا ايش يطلع دا الالم ، الله يسعدكم يابنات ردو عيا وساعدوني الله يرزقكم كلكم ويدخلكم جنة ربكم وشكرا لكم :icon35: