سرسوورة <<< اسم دلع حق سارة، بس في وحدة في صفي اسمها سارة و هي من شلتنا، و في بنت ايرانية بعد من شلتنا، كل ما تقول البنت الايرانية (شيماء) كلمة ايرانية، سارة اتم تسوي ازعاج اسبوع، طول الاسبوع تقول الكلمة الايرانية و كل اسبوع تغير، السنة اللي طافت (كنت صف سابع) شيماء قالت كلمة "خودافيس" فتمت سارة تقول خودافيس لأكثر من اسبوعين فسميناها "خودافيس" لين اللحين (صف ثامن).
فيا خودافيس (إذا تسمحيلي أسميج بهالاسم) كملي بسرعة!!!
يلا السمووحة يا خودافيس!!!
سرسوورة <<< اسم دلع حق سارة، بس في وحدة في صفي اسمها سارة و هي من شلتنا، و في بنت...
راح ابدأ بمرحلة التحفيظ قبل مرحلة مابعد الثانوي
لان لها اثر في مرحلة مابعد الثانوي
(((((((((((((((((((((((((())))))))))))))))))))))))
انا زمااااااااااااااااااااااااان لما كنت ثاني ابتدائي سجلت في التحفيظ
وحفظت الى سورة التغابن
بعدين تركته لان اختي تركته
ورجعت سجلت فيه وانا طالعة اول ثانوي مع صحبتي
كنا يوميا نسولف والابله اللي في التحفيظ تهاوشنا
ايش سوينا صرنا نكتب على الماصة
مع بداية السنة الجديدة صحبتي تركت التحفيظ
عشان الدراسة اما انا فلا
لاني حبييييييييييييييييته من كل قلبي
المهم كانوا البنات يقولولي التحفيظ يأثر على دراستك
اتركيه
انا كنت اقول ما ياثر ولاشيء
اتعرفت في التحفيظ على بنت
كانت معايا في الابتدائي
بس ما كان بيننا اي علاقة
هي الان اختي التوام
كانوا يسمونا في التحفيظ التوام
لاننا مع بعض دايما
حتى انه في ناس حاولوا يفرقوا بيننا
اذكر اننا كنا في التحفيظ يوميا لما ننزل نسوي
سباق ونجري
والله متعة وشيء لايوصف
كنت اداوم يومين بس عشان ممنوع اصطحاب الاطفال
كنا نتقاسم انا وامي واختي
كنت ادوام سبت وثلاثاء
كنت اقول للبنات اللي معايا في المدرسة
اليوم احلى يوم
يقولون عارفين عشان بتروحين التحفيظ
والله يابنات لو ايش قلت ماراح اعبر عن مدى حبي للتحفيظ
مواقف التحفيظ كثيرة
(((((((((((((((((((((((((()))) )))))))))))))))))))))
لكن راح اذكر لكم الموقف اللي اثر في حياتي
بحمد الله اتممت انا واختي التوام واختها حفظ القران
وتقدمنا للاختبار
قسمنا الاختبار بحيث كل مرة ستة اجزاء
اختبرنا الاختبار الاول
والحمدلله
والثاني والحمدلله
اما اخت اختي اجلت الاختبار
انا قالولي اختبارك مو ذاك الشيء اسحبي منه
وكمان اختي التوام
وقالولي ادخلي في 10 اجزاء
واختي التوام في 15 جزء
قلنا طيب >>> اغبياء
اما اخت اختي التوام كملت الاختبار
لما جاء موعد اختبار اخت اختي التوام
ودخلت الاختبار
قالولها انتي قاعدة تغشين بالجوال
وساعة يقولوا حاطة في الساعة مكبر وسماعة
وكلام كثير
جات اختي التوام تدافع عن اختها
وصار كلام كثير وسب وشتم
وانتهى الموضوع
بفصل اختي التوام سنتين مع عدم مزاولة اي نشاط
وفصل اختها مدى الحياة مع عدم مزاولة اي نشاط
وتم التشهير بهما
اما انا المعلمة اللي كنت ادرس عندها طردتني من فصلها
وقالولي عيدي المصحف من البداية
ولاانسى الخلافات اليومية اللي كانت بيني
وبين امي
بسبب انهم يقولها سارة سوت
سارة قالت
حتى في موقف صار
قابلتني المديرة وكان معاها وحده
انا واختي التوام
قالت جاؤا الملاقيف
انا قلت الله يسامحك
قالت امك تقول كذا
امي هي امي ولدتني تقول اللي تقوله
قالت نمزح
قلت ادري بس اللي يسمعك يفهم شيء ثاني
الوحده راحت لامي وقالت سارة تطاولت على المديرة
كلام كثير لو اذكره ماراح اخلص
المهم يابنات انا والله كانت صدمتي قوية
التحفيظ والله احبهم
كذا يصير في النهاية
بس الحمدلله على كل حال
والخيرة فيما اختاره الله
والله اني كرهته وما كنت ابغى اروح
بس قلت لو مارحت هم راح يفرحوا
وداومت
وفي موقف صار
اللي تدرس اختي الصغيرة
قالت لها ابغاك تجيبين لي كلمة عن العدل
عشان عندنا مشهد
اختي قالتلي سارة اكتبي
انا كتبت
عن العدل وتطرقت للظلم اللي يصير
من المعلمات للطالبات
قامت هذه المعلمة تقول ان انا
ارسلت لها رسالة
المهم كلموا اختي الصغيرة
قالوا لها مين كتب هذه الورقة
اختي سكتت خافت
قالوا مين ؟
قالت سارة وهي تصيح
المهم كلموووني وقالوا
سارة هذا خطك صح
قلت ايوه وهذه الورقة انا كتبتها
لان اختي عندها مشهد
وقالت ان الابله قالت لها
وامي كانت شاهدة
لان لما اختي قالتلي
امي كانت موجودة
ولا وقالوا ان هذا الكلام كلام
اختي التوام
ان هي تبغاني انفصل زي ما هي
فصلوووها
لا وتخيلوا
قالوا لي انتي اتصلتي على قسم الرجال
قلت لا
قالوا في ناس اتصلوا باسمك
طيب ايش قالوا
قالوا انا سارة
طيب وبعدين
ايش المشكلة
قالوا شفتي يبغون يسوون لك مشكلة
بالله عليكم ايش المشكلة
لما انا اتصل او اي وحده وتقول انا سارة
بس عشان قلت انا سارة صارت مصيبة
الحمدلله
(((((((((((((((((((((((((()))) )))))))))))))))))))))
ذحين انا في التحفيظ مر على المشكلة سنتين الا كم شهر
ادرس دورة تجويد عند نفس الابله اللي طردتني
انا ماعلي فيهم اهم شيء اخذ الشيء اللي يفيدني
وان شاء الله راح اختبر المصحف كامل اخر السنة
هم سالوني قالوا تبغين قلت ايوه
ربي يكتب اللي فيه الخير
والله
والله
والله
والله
والله
والله
والله
والله
اني مسامحتهم كلهم
والله الدنيا ماتستاهل
والله ما ابغى منهم شيء
للظالم رب يحاكمه
وعلى فكرة التحفيظ روووعة
بس ساعات يكون في ناس تهمهم مصلحتهم الشخصية
لكن والله في ناس ماشاااااء الله
(((((((((((((((((((((((((()))) )))))))))))))))))))))
انتظروا
مرحلة مابعد الثانوي
ومواقف لاترتبط بمرحلة