اختي امل الروح ...
والله الغربه حلوه ومحد يحس فيها الابعد الودااااااع ....
احلى ايام يوم كنت في امريكا ولما تركناها ...والله ندمنا عليها وياريت ترجع هاي الايام الحلوه الي راحت .....
كلام كله صح .....في الغربه الواحد يحس بالاستقرار ويستفيد اشياء وااااايد من الحياه ...وتحسي انج فاضيه تقدرين اتسوين شي تستغلين وقتج وتهتمين في نفسج وعيالج وزوجك ...ويوم رجعنا للوطن
العكس صار ما عندج وقت فاضي ابدا اااااااااااااااااااااااا.....والله يكون في عونا ان شاء الله
اتمنى ترجع هاي الايام واعيش ويه زوجي وعيالي ونكون مترابطين ومع بعض ....

وعليكم السلام ورحمة الله وبركاته ..

ماتتخيلي قد ايش فرحتي بشوفة اسمك .....من زمان انا ماني عارفة ايش صار لكم ..

الحمد لله على السلامة وعوداً حميداً والله يعطيكم خير الاستقرار ويكفيكم شره ..

والله الاستقرار حلو مرة انا لي يومين راجعة من السعودية .. وكرهت السفر والهجولة نفسي ومنى عيني استقر وناخد بيت زي الناس والله الصغار تعبو مررررررررة من تغيير الجو والأماكن والمدارس .. فعلاً بهدلة..

احس الغربة والاستقرار زي الدنيا والاخرة .. والمغتربين والمستقرين زي الاحياء والاموات .. لاتضحكو علي بس فعلاً نحنا المغتربات في نعمة محنا مقدرينها والمستقرات فقدن النعمة وكل شوية يجونا يوصونا لاتضيعو الفرصة ..

عندي كل شي حلو اهم شي نعرف نستغله .. ونقطة مهمة مرررررررررة في نظري .. المحيطين .. يعني كثرة التداخل من اسباب الشقاء عندي .. لو كان لي جارة متداخلة فيها راح تصير مواقف محرجة وزعل لكن الزم بيتي وامسك لساني واقعد في حالي الى حد ما وانا اعيش مرتاحة هنا او هناك ..

شي اخير انا جربت العيشة هناك .. وكنت مشغولة في دراستي .. وان شاء الله اذا رجعت اشغل نفسي .. ويارب لاتشغلنا الا في طاعتك ..ولاتحرمنا من النت وملتقى المغتربات ..

تصدقي عندي دي اس ال لكن جهازي بطيء وعلللللللللللللللة .. اهم شي كيف الصغار صاروا عرسان وعرايس .؟ وكيف المدارس .. انا مرة شايلة همها ..

نفسي افتح بيت واستقر سواء هنا والا هناك .. كثرة السفر قهرتني :)

والله لك وحشة يا امل مايعلم بها الا الله .... سلامي لك وللصغار والاهل ..

كل مانريده نحصل عليه بشق الانفس هنا
وفي رايئ ان هذه هي المتعه الحقيقه التي يفقدها الشخص ريثما يشعر بتسهيلالات الامور
لك مني اخلص التحايا

أهلين أختي حمرة الورد ليك وحشة كبييييرة وأنا كمان فرحت بردك

بالنسبة لكلامك عن السفر أكيد فيه صحة خاصة مع الأطفال وأكيد الإستقرار حلو وفيه راحة لكن فيه روتين ويضل الإنسان يحن للماضي ويشوف محاسنه وينسى مساوئه

طيب النت حتى بالدي إس إل بطيئ :icon33: الله يعين

إنتو الآن في سفرة إجازة ولا انتهيتو ؟؟

بالنسبة لي صار معانا كثير من الأشياء من بعد ولادتي إلين رجعنا (سافرنا لولاية ثانية ورجعنا لولايتنا وكنا غير مستقرين بسبب مرض بابا الله يشفيه يااااااااااارب والحمد لله )
بالنسبة للمدارس دخلت ولدي مدرسة تحفيظ خاصة (أعتقد أنها من أحسن الموجود) لكن يضل فيه فرق بالنسبة لأساليب التعليم وطرق المعاملة

أما الصغار فعلا صارو عرسان :)

بشرينا عنك إنت !

أخواتي رورو وسويت وأم بدر مشكورين على مشاركتكم ومنورين

لكن أنا لو سألوني تبغ ترجعي للغربة أكيد أرفض يكفيني من محاسن الإستقرار البعد عن أجواء الفساد والقرب من أمي وأبي حتى أخدمهم وأعوضهم عن السنين الماضية

بعد ثلاث سنوات في امريكا ما كان يعجبني شي ولاني حاطه في راسي انها غربه اصبحت ما اتقبل اي شي...كنت احسب السعاده لها مكان وزمان خاص.
ولما رجعنا ارض الوطن بعدها بايام لاحظت الفرق لاني بالاساس تزوجت وسافرت مباشره وما جربت اكون زوجه ببلدي.
اول شي افتقده الحريه.....بكل ابعادها ...
لقافه الناس ...انعدام الخصوصيه...السلطه الاجتماعيه...حسيت نفسي رجعت مليون سنه ورا لاني بطبعي انسانه احب شي اسمه خصوصيه واحترم خصوصيه الاخر.
ادركت حينها انه كانت في يدي نعم كبيره:
منها الوقت...يعني بدل ما كنت اشكي وابكي ...كان ممكن اصمم حياتي زي ما ابغى ...اسوي كل اللي احلم فيه...لان امريكا ببساطه بلد مفتوح.
اه لما رجعنا البلد...ايش كثر حسيت اني عاله على زوجي ...وديني يا ابو فلان ...جيبني يا ابو فلان...الانتظار والخلافات على المشاوير !!!!
في امريكا ما حد يطالع فيك...كنت احس بحريه وراحه حتى في تعاملي مع الامريكان...لكن في البلد انا وحده ست بكل ابعاد هذي الكلمه.
في الغربه كان فيه فرصه جوهريه ذهبيه عشان الوحده تبني علاقتها مع زوجها لانه في البلد بيلاقي اهله واصحابه...لكن في الغربه ما له احد الا انت.
من مساويء الغربه بالنسبه للطلاب زي حاله زوجي هي جو الدراسه والامتحانات...لكن نصيحه لكل اخت انك لو حطيت في بالك انها فتره او مرحله من حياتك وبتعدي سوف تستغليها بافضل الطرق وتهون بنظرك الامور كثيره.
الانسانه التي تغترب بمفردها غير الانسانه التي تذهب برفقه زوجها واطفالها...الفرق كيف ننظر للامور وكيف نقنع انفسنا بها!!
افتقاد الاهل شيء طبيعي لانك في الاخر تتوقي للقا الاحبه...
الالم الذي يهوج في اعماقي اني فقدت والدي الحبيب وانا في ارض الغربه ...