ألا يارب ياواحد *تصب في قصر كل فاسد *سيول مالقت مجرى (تعالو يابنات ابغى ارائكم )

الأسرة والمجتمع

بسم الله الرحمن الرحيم

كيفكم يابنات ان شاء الله مبسوطات

السالفة ومافيها انه بعد الاحداث الاليمة اللي مرينا فيها جدة والكل عارفها تغيرت نفسياتنا كثيير

وطول الوقت خوف وحالة ما يعلم فيها الا ربي ..وبعد التفكير قررنا انا وزوجي اننا ننقل للمدينة

المنورة لكن التردد مازال قائم عشان كدة حبيت اشوركم تتوقعوا ممكن نندم على هذه الخطوة ؟

مين نقلت وندمت ؟ ومين ساكنة في المدينة تتطمني وتحكيني عن العيشة هناك كيف :44:

وعشان تكونو بالصورة راح اقولكم على ظروفنا طبعا احنا هنا ساكنين بعمارة ابو زوجي يعني مافي

ايجار وساكنين معانا في العمارة طبعا اخوانه وزوجاتهم والحمد لله علاقني حلوة كثير بسلفاتي وكل

وحدة عموما في حالها وعلاقة زوجي باخوانه برضو كل واحد في حاله بس قبل فترة صار موقف

بينه وبين اخوه ومن بعدها صرنا نفكر اننا نشتري لنا بيت وننقل لكن طبعا صدمتنا الاسعار

الخيالية وزوجي ما عنده شي لكن بناخذ قرض من البنك وهذا الكلام نفسه راح يصير في المدينة

بالنسبة لاولادنا هم مربط الفرس متعلقين في عيال اعمامهم وطول وقتهم مع بعض وهذا الشي ضيع

هويتهم وطبعا مايحتاج ياخذون الطباع الشينة من بعض وصعبة تربينهم على كيفك وحتى بنتي

عمرها 12 سنة ماتبغى تقر في البيت نفسي تكون عندي تدخل مطبخ معاي تساعدني تهتم

بنفسها لكن عقلها كله معاهم واذا قلتي لها سوي قالت فلانة ما تسوي هذا غير انها كبرت

وابيها تغطي على عيال عمها لكن مافي فايدة فلانه اكبر مني ماغطت وعلى هذا الحال...

وبالنسبة لعمل زوجي فهو موظف حكومي وفي فرع من دائرته هناك ويقدر ينقل خصوصا

انه مو مرتاح هنا من بعض المدراء ...... وبالنسبة لنا الاثنين اغلب الوقت في البيت لا اصدقاء

ولا خرجات اروح يوم عند اهلي ويوم نمشي العيال وباقي الاسبوع في البيت ..بس مع كدة شوي

اتشجع وشوي اتراجع لاشافت صور السيول قلت مشينا ..ولا تذكرت اهلي قلت ليش الغربة

والله احترنا وعشان كدة حابة اخذ ارائكم وانا اثق فيكم كثيير واحب تفكيركم عشان كدة لجأت لكم

وانا بانتظاركم .. وسامجوني على الاطالة ولكم جزيل الشكر:27:
46
3K

يلزم عليك تسجيل الدخول أولًا لكتابة تعليق.

تسجيل دخول

ام نوره 29
ام نوره 29
صراحه يااختى الوحده تحمد الله انهاا قريبه من اهلهااا

واذا على سالفة السيول الموت بيد الله

وانا ياختى بعيده عن اهلى

واهلي ساكنين بجده ونفسى اسكن جنبهم مافكرت بسيول ولا شى

بس حبيت اقول رائي

واهم شى راحتكم فين
عشيقةخالد
عشيقةخالد
استخيري والخيره فيما اختاره الله.......... والله ييسر لك ولنا الخير حيث ماكان
اللائقه
اللائقه
والله انا اشوف انو تستخيرين انتي وزوجك
استخيروا مره ومرتين وحتى عشره
والله يكتب لكم إلي فيه الخير
تحياتي لك
أميرهـ بجمالي
استخيري احسن
ŁẴẐĮŹล
ŁẴẐĮŹล
انا من المدينه
ويكفي الراحه النفسيه الي راح تعيشيها بالمدينه
والحمد لله المدينه متوفر فيها كل شي
لكن صراحتا فراق الاهل صعب والله
يعني لو حتجي ع المدينه حتكون زياراتك لهم كل شهر ؟ او شهرين
عاد الامر بيدك فكرو
واذا ع العيشه بالمدينه تعالو اتفسحو فيها بالاجازه وشوفو كل حاجه فيها اكيد حتعجبكم
^^