ألا يام صالح تهنيتي على صالح لا ونيتي ... موضوع غير جاد

بسم الله الرحمن الرحيم

الموضوع هذا غير جاد و اللي مروقه تقراه بس لأنه مجرد تذمر لا أكثر

من جد شغلة ترفع الضغط لما تتكشخين و تروحين عرس و في الأخير يطلع كله أشواط

الشوط هو .. أغنيه مدفوعة الثمن تغنى في العائلة أو الأزواج أو الأولاد وتكون نفس الأغنيه كل مرة مع تغيير الأسماء :icon30:

نرجع للموضوع

مرة رحت زواج و اضطريت أغيب عشان الكوفيرة بتجي البيت المهم بعد الكشخه و التعب

قعدنا عالطاولة الا و 5 حريم تقريبا ماسكين المنصه و هاتك يا مناقز تخيلوا الزواج كله ما فيه الا

3 أغنيات و الباقي أشواط يرقصون عليه النسوة الاتي سبق ذكرهن :dry:

يا إني تحسفت ذاك اليوم عالغياب و القومه من الظهر :icon33:

حلو تحطين اغنية للعائلة و تناقزون عليه بس لا تزيد عن أربع يا قلبي الحاضرات من حقهم يرقصون

نجي لسالفة ثانيه

ألا وهي الرجال اللي يدخلون يتنكسون فيكم رقصه جيبوا لكم فرقه مو ذنبنا ننكتم تحت الطراح

عشان حضراتكم ما يكفيكم الحسنات اللي تاخذونها من الحاضرات من كثر ما ضحكوا >> العبارة هذ لأصحاب الرقص الشين


مرة حضرت زواج كان كالتالي

رقصوا إخوان المعرس و أبوه على أربع أغاني و حضرة المعرس دخل وقعد على كبودنا يبي يشوف العروس و هي تنزف

وانتم بالطقاق خيسوا تحت الطراح اهم شي حنا :dry:


هذا اللي عندي من الحرات و الغبنات و سلامتكم