هلا ام رغد خذي الشنطه من رد تاغ حلووه وعمليه واحلا شي تجييك كبار

مبروووك لهيفاء عقبالناا ي رب

كروشات صارلي3ايام بالتاسع وكل الطلوق الكذبيه اختفت :''(

متا اشرب خلطة الحلبه ونينخه ويانسون ؟؟

ودي اولد بدري عشان الجنين ماشاءالله وزنه حاليا 2ونص وماابي يزيد واتعسسر وغير كذا انا عمليه قبل

جاوووبوني لاتطنشششووون ولامعاد بدخل التجمع 😠😠😠

مساء الخير يا احلى كروشات في الدنيا ... و حشتوووووووووووني ، قرأت اكثر من 40 صفحة دخت خخخخخخخخ ..
مهووووش و توتو و توينكل و كل اللي سأل عني تسلمو حبايبي الله لا يحرمني منكم ، و الف الف الف مبروك لكل اللي ولدوا ، حمد لله على سلامتكم و مبروك ما جاكم ، و الله يجعل كل اللي مريتوا فيه تكفير ذنوب يا رب ..

مهووش و الله عارفة اني كنت راح القاكي كاتبة شكلها ام لولي سوتها و ولدت خخخخخ للأسف ما زلت صامدة و البنت متعلقة مافي غير آلام تجيني تخليني الف حولين نفسي و شوية و تختفي ، اما الهرج الحجازي وه بس مافي زيه ههههه و ربي جلست اضحك لما قرأت الكلام يختي و الله اننا طعمين و هرجنا لزيز .. و ترى الى الآن ما اكلت السوقادنة اهئ اهئ ..

لاريييييييين ، تعالي هنا ناوية اضربك لسببين ، الاول الليزر اللي اتهورتي و عملتيه ، و الثاني انك ما تبغيني اولد عشان تبغي تاخدي التاسع ، يا قلبي خدي التاسع كللللللله برااااحتك بس خليني انفك ، احس نفسي طولت مرة اول مرة آخد الوقت دا كله من التاسع حتى زوجي يقولي امكن السونار غلطان مو معقولة خخخخخخخخخ

ام ايوب ، و الله يا هلا و يا مرحبا ، نورتينا يا قمر بعد غيابك ،، اخبارك و اخبار بنوتاتك و الحمل معاكي ، ربي يسهلك امورك و تفرحينا بسلامتك

وسونة ،، يا قلبي انا الحمد لله اللي طمنتينا عليكي ، ربي يعينك و يهونها عليكي ، هانت ان شاء الله ..

و الله مرة انشغلت امس عشان كدا ما دخلت ، خرجت من 11 ونص الصباح رحت اخدت ابرة الحديد الاخيرة الحمد لله و بعدها رحت الاحوال لانه بطاقتي انسرقت في آخر شوال و رحت قدمت على بدل فاقد و بعدها عرفت اني حامل و بدأ التعب و طنشتهم ، فاستحيت على دمي و رحت اخدتها امس و من الاحوال للبنك طلعت كمان بطاقة بدل فاقد و رحت على اهل زوجي عشان اولادي هناك و اتغدينا و عبال رجعت البيت اذن العصر صليت و نمت الى المغرب و قمت اتجهز عشان رحنا زرنا وحدة نفاس عبال رجعت البيت صارت 10 و اتعشينا و خلصنا و نمت زي الميتة لكن طول الوقت اتقلب ، و الله مسكتني آلام في ظهري مو طبيعية من جد حسيت انها طلق ، لكن راحت ، كنت اذا نمت مع زوجي يجني آلام ، امس مع اني تعبانة و كانت في الآم قلت امكن تزيد و اتحملت على نفسي في النهاية و لا شي و لا حتى مغص خفيف ،،

بس من اول امس و رجلي اتنفخت بشكل يففففففجع كل رجل كأنها رجلين ، كنت جالسة اشتغل و عملت لفة على البيت كامل و حاسة رجولي مشدودة و تألمني بس ما طالعت فيها و لما دخلت اتحمم انفجعت من شكلها قلت امكن مع الوقفة بس حتى امس مجرد انزلها على الارض تنتفخ ، عاد تخيلوا جسمي كله مو منفخ و لا حتى وجهي بس الرجول لحالها ، ام زوجي تقولي قرب الفرج ان شاء الله ، و ربي يسهل من عنده ..

ادري كلامي كثير بس وحشتوني و قلت اطلع كل اللي عندي خخخخخخخخ... المهم اخباركم كلكم ..

امول الله يطمن قلبك واستودعيه الله وتوكلي عليه
انا مامر علي ردك ولا ادري وش الموضوع بس ماتشوفين شر انتي وجنينك

لارين اللي اعرفه ان الولادةانقباضات وبسببها ينفتح الرحم بس ممكن تكون باااردة ويففتح الرحم شوي شوي ولا حااارة ويفتح بسرعة ولا ممكن انقباضات ومايفتح لانه يكون قاااسي بزيادة وهذي الحالة تحتاج عملية 

والدليل انا في ولادتي الثالثة كان الرحم مسكر تماما وعنق الرحم طويل والراس بعيييد وعطوني طلق صناعي وبدا يفتح شوي شوي ويوم زادوا الطلق حمى مررررة وفتح بسرعة وولدت 

انتيكه ..ياحبيلك الله يقومك بالسلامه انتي والبيبي وتطلعين من النفاس ان شاء الله احلا عروووس ...


*&*&*

امون وبس ..تووك ياعمري لك 3 ايام بالتاسع بس ..انا اقول لاتلعبين بعمرك ..ووزن البيبي مو اكيد بنت خالتي قالوا لها 3 كيلو وجابت ولدها 2 و400 غرام ...يعني لاتعتمدين ع حسبتهم ابد ابد ..

*&*&*


بنووتات مين جوالها ايفون 5 ...؟؟

عندي مشكله فيه انو عالم حواء بس يفتح لي الموضوع ...مايفتح الصفحات ..مين صار لها كذا ...دايم ودي ادخل من جوالي ولااقدر ..:(

ام رغد ... بالنسبة للشنطة انا اخدتها من سنتر بوينت للكرف ، ما اشتريت شي للخروج لانها تجيني هدايا ، و بالنسبة للدم مرة نازل عندك انا كان 9 و اتهزأت و اخدت كورس ابر الحديد 5 ابر و ان شاء الله يكون ارتفع ، الحقي عمرك و خدي الابر و كثري من الاكلات اللي ترفع الحديد ..