أيام قبل العيد كنت مسافرة وقاعدة ألف وأدور في المحلات , وبالصدفة لقيت كرسي صغيرون بس خيال حبيته من قلبي صراحة
جبته لبنتي الله يعافيها , وأفادني بشكل ما تتصورونه , وقلت خلني أفيدكم معي
طبعاً أخذته من مركز الشبلي على طريق أبها الخميس, وفرع الرياض توي رحته قبل بس ما سألت عندهم أو لا
هذي صورته ..... (( والصور كلها جمعتها من النت مو من عندي ))
مميزات الكرسي ...........
- لعمر من 6 شهور وأكثر , لحدود 4 سنوات
- يتسفط وتشيلينه زي الشنطه
- ينفع للجلوس على الأرض (كعادتنا في السعودية) , أو يتركب على كراسي الطاولات بشكل آمن
- له درجات ممكن ترفعينه يصير عالي , أو يبقى على الأرض
- له أربطة أمان من حول الخصر وبين القدمين , وله طاولة للطعام
ومميزااااات بصراحة روووووعة بالنسبة لي كان أكثر شي استفدت منه مع بنتي
هذي صورته وهو مسفط
وبعد ما ينفتح ,, ممكن يتركب ويجلس الطفل على الأرض
أو ممكن نعليه شوي
وممكن يتركب بأمان على كراسي طاولة الطعام , ويجلس الصغير مع الكبار
طبعاً من زمان وأنا أدور كرسي كذا عشان بنتي ما تقعد لي على الأكل إلا بالغصب
والشي الثاني أغلب الكراسي تكون عالية وأحنا غالباً أكلنا على الأرض
فعشان كذا الكرسي هذا دااااااخل مزاجي وقلت أفيدكم معي