صادقيها ولا تعطينها اوامر هذا سن المراهقه والي يميزهم العناد وتصرفاتهم صبيانيه ... طولي بالك عليها وقربي منها وانتبهي تقارنين بينها وبين خواتها او تمدحينهم اكثر منها
ربي يعينك ويلهمك الصبر والحكمة واكيد الاخوات بيفيدونك اكثر مني
صادقيها ولا تعطينها اوامر هذا سن المراهقه والي يميزهم العناد وتصرفاتهم صبيانيه ... طولي بالك...
بنتك أصغر مني بست سنوات وأنا لحد يومك الوالد مو راضي يكون عندي جهاز لوحدي بحجه إن العائله كذا بتشتت واشوف كلامه صحيح ..!!
تلفزيون واحد بالبيت للجميع .... وجهاز كمبيوتر واحد بالبيت
وكل شخص إله وقت عليه حول الساعتين مو اكثر ..!!!
حبيبتي بنت لازم تكوني لها الاخت والصديقه .. حاولي تشاركينها بكل شيء قد ما تقدرين ..
اول شيء شاركيها بآهتماماتها مثلاً اهي تجلس ع الكمبيوتر كثير حاولي تعرفي بطريقتك اهي شتحب فيه يعني مثلاً إذا تحب الفوتو والتصميم الصباح وهي بالمدرسه حاولي تتعلمي درس وإذا جات من المدرسه تقولي لها حبيبتي ساعديني نخلص اغراضنا بسرعه عندي إلك درس مرررة حلو .. تحب تقرى قصص وروايات أنتي اهتمي بهالجانب اشتري لها قصص من الفئه اللي هي تحب بس طبعاً تناسب عمرها ..إذا تبين تنظفين غرفتها قولي لها وشرايك نتساعد وننظفها .. ولا إذا تبين تعلمينها الطبخ قولي لها وش رايك نسوي ع العشا الليله كذا ..!!
حاولي قد ماتقدري أثناء مشاهدتك للتلفاز تجمعي اولادك حواليك ... ع الوجبات لازم الكل يكون مجتمع
صيغه الآمر أبتعدي عنها تماماً .. لانها راح تجيب نتيجه عكسيه
العصبيه خففي منها ... الحلم والصبر طلعيه الآن ... لان كل شيء بتغرسيه فيها الآن راح تشوفينه عليها بكرة بإذن الله
التلفاز طلعيه من غرفتها بس مو بالقوة .. يعني تعصبين عليها وكأنك تبين تحرميها منه لالا ... مثلاً قولي لها احد محتاجه أو باخيه بالصاله علشان اخوانك كلهم يلعبون ..طبعاً شيلي االرسيفر ..وحطي عليه سوني او اي شيء
صدقيني خيتي ..وبكرة بنتك تكبر وراح تحس ...
وفقتم