ألحقوا علي بوصفات التمر ........ يا الخبيرات الخليجيات

ما أدري أختي أنتي تبين كيكة تمر ولا العصيدة (المحلى)
على العموم عندي الطريقتين
وإذا تبين طرية لتقديم التمر حلوة وغريبة عندي بعد


حلى

ما أدري أختي أنتي تبين كيكة تمر ولا العصيدة (المحلى)
على العموم عندي الطريقتين
وإذا تبين طرية لتقديم التمر حلوة وغريبة عندي بعد


حلى

عندى لج طريقة سهلة وايد حلوة طعمها كأنها كاكاو
أولا تأخذين كوب طحين أسمر تحمرينه على النار حتى يغمج لونه بعدين تحطين عليه قالب زبدة حتى تذوب الزبدة ثم تضيفين عليه نصف كوب تمر بدون نواه وتضريبنه بالملعقة الخشبية وتخلطينة جيدا مع الطحين والزبدة طبعا على نار هادئة حتى يمتزج التمر جيدا ثم يوضع فى الطبق ويصطع ويرش عليه فستق مطحون
:26: وان شاء الله تعجبج وانا يوميا اسويها فى رضان قبل الفطور ب10 دقائق حتى تكون ساخنة طعمها احلى واذا بردت يمكن تسخينيها بالمايكرويف

تمرية لذيذة

المقادير1علبة قشدة التاج
4 ملاعق حليب نيدو جاف
علبتين حليب نستلة صغير
بيضتين +قليل فانيلا
1 ـ بسكوت ميري فرنش مطحون ناعم + اصباع زبدة سايلة
تمر معجونة
الطريقة1ـتفرك الزبدة مع البسكوت وتبس في صينية
2ـتؤخذ التمرة المعجونة وتفرد شرايح خفيفة فوق البسكوت
3ـتخلط المقادير الأخرى في زبدية بالشوكة سريعا وتوضع فوق طبقة البسكوت والزبدة وتدخل الفرن من الأسفل 10 دقايق ومن الأعلى حتى تحمر قليلا الخلطة زي البشاميل وكليها بالعافية مع القهوة العربي اممممممم
:cook::cook::27:

تمريه شكل ثاني

2 كوب طحين
1 كوب سميد
1 كوب ماء
1/2 كوب زيت
1 ملعقه خميره فوريه
ذرة فانيلا

اعجنيهم وخليهم على طرف واشتغلي بالحشوه


الحشوه :
تمر ( منزوع النوى طبعا )
سمسم
واذا حبيتي تضيفن معاهم سنوت ..


خليها على النار شوي مع شوي زيت لين تنعجن لك ..




وبعدين افردي العجينه و خذي من الحشوه بإيدك واحشيها وغطيه بالعجينه..
انا عن نفسي افرد العجينه بشكل مستطيل واحشيها بالتمر بعد ما افركه بشكل مستطيل، وبعدين اقصها بالنص ..

المهم بعدين تقلينها بالزيت ،، وبعدين ترشينها بسكر مطحون ...
وبالعااااافيه عليك ،، وخبريني اذا جربتيها.
وادعي لي..

وتقدرين تقصينها على الاحجام اللي تبينها،، وتقعد معاك كم يوم،،،
وتنفع لك برمضان،،،
صدقيني لذييييييييييذه
بس الله الله جيبي تمر مضبوووووط عشان تصير حلوه مثلك..



انا المره الجايه باسويها لكن بدون قلي ؛؛ باجرب بالفرن.