يوه ذكرتيني بجوالي
شوفي اول شيء تذكري الي سرقه سارقه يبي يبيعه ماسرقه عشان ينشر صورك فاول شيء بيسويه بيمسح كل شي
ثاني شيء اذا عندك الضمان روحي بكره الصباح للفرع موبايلي وزين ووريهم الكرتون والضمان او اي اثبات يثبت انه لكي والاتصالات يكفي اتصال
سالفة تعطيل الجهاز موب صحيحه .... لكن اذا حط اي شريحه من هالشبكات ماراح يشتغل الجهاز لكن لو راح مثلا الامارات وحط شريحه اماراتيه بيشتغل
ثالثا وهذي نصيحه قالها لي اخوي يوم يهديني يوم جوالي انسرق
قال الصور الي لك مخله بالادب ؟ يعني مصوره مع واحد لاسمح الله !! قلت لا بس صوري وفيه منهم صور لابسه قصير وكذا قال لايهمك الي سرقه مايعرفك ولابينك وبينه شيء فلو قلنا بينشر صورتك بيحطونها تحت اسم نساء سعوديات جميلات خخخخخخ ياحبني له يبي يهديني ماعاد لقى الا ذا التصريفه
والله مت من الضحك يوم قاله

up

الله يستر عليج

انا اخوي انسرق جواله من ولد عيني عينك وشلون؟
بعد مانزل اخوي للبقاله وانتبه له الولد وعلى طول فتح السياره ولقط الجوال
لان اخوي ماقفلها هذا كان الساعه 12 الظهر وجانا اخووي معصب وحالته حاله
وجواله آيفون وتعرفين عاد يكون فيه برامج وترتبينهن على كيف كيفك
وجا للبيت وأخذ الرقم اللي عنده بالكرتون مادري وشسمه وبلغ المباحث
مادري الاتصالات وتخيلي شافوه بالنت تعقبوه من مكان لمكان وبلغ اخوي على طول محلات الجوالات
لاتبيعون اي جهاز أيفون لما تعطوني خبر
والله العظيم يابنات ان اخوي يقول انهم تتبعوا الولد وهو رايح لمحل جوالات عشان يبيعه حسبي الله عليه
وسبحان الله مسكوه وهجموا عليه بعد ماتأكدوا
وطلع الولد ياحرام بعمر 17 سنه ويتعاطى مخدرات ويبي يبيعه عشان يشتري حبوب
الله يهديهم
ولااله الا الله جانا اخوي وطخل علينا وهالخشه هذا كبرها من الفرحه انه لقاه
هههههههههه

الله يستر عليك
بس ودي افهم ليه تصورون بالجوال ؟؟
الله يهديك ويرجع لك جهازك