شوفوا حبايبي

بالنسبه لي انا.. مرتين زرت دكاتره جلديه,, و الثنتين وصفولي هذا الكريم لبياض المنطقه الحساسه.. المهم استخدمته لمده شهر و شوي تقريبا.. الدكتورتين قالولي انه يحتاج شهر و نص عشتن يبدا يبين التفتيح.. ووحدة منهم قالت لي عموما اي كريم تفتيح ما تستخدمينه اكثر من 3 شهور.. لاحظوا ثلاث شهور مب شهرين...

انا لما ماشفت نتيجه منه بعد شهر وشوي رحت لدكتورة ثانيه اقصد ثالثه .. المهم قلتلها السالفه قالت لي الحين وقته انه يبين البياض بس هي وصفت لي كريم ثاني من بيزلين لتفتيح المنطقه و الحين صار تقريبا شهر و بدت تفتح المنطقه بشكل بسيط على ما اعتقد لكني بستمر علييييه كذا شهر لين ما اوصل للنتيجة المطلوبه.. لان الدكتورة ما قالت لي اوقف استخدامه بعد مده معناته اوكيه عادي...

حسب خلفيتي عن الدكوين هو ينفع لاي بقع داكنه في الجسم حتى الوجه.. وقريت وايد تجارب للبنات انه فتحهم سواء الوجه او الجسم..

و بصراحه مرة وحدة كانت كاتبه تجربتها معاه و قالت انها صارلها 5 شهور تستخدمه و تقول ان النتيجه خياااااااااااااااااال و ماسبب لها ضرر..

المهم النتيجه اللي ممكن نوصل لها.. انه هو فعلا يبيض بس يبيله استمراااااااار اقل شي شهريييين و حسب درجه السمار عندج.. ولا تقولون ضرر ما ضرر شفتوا كيف انه دكتورتين وصفولي اياه لسواد المنطقه.. معناته الكورتيزون اللي فيه بنسبه مناسبه ما تضر..

بس اللي حلو في كريم بيزلين انه تستخدمينه كل وقت يعني مرتين في اليوم تحطين منه و تخلينه اما الدكوين بس بالليل ما ينفع الصبح.. يمكن عشان جيه احس في نتيجه من بيزلين اكثر من الدكوين و الله اعلم....

و بالنسبه للاخت اللي سالت عن الابط..

بعد فيه ديودرنت من بيزلين مبيض للابط انا استخدمه و هو اوكي وانا ما عندي سمار شديد في الابط..

اي استفسار اتمنى عالخاص لان ما ادخل المنتدى وايد بس بحاول ادخل ان شاء الله



ثانكس

اللي اعرفه يا اختي انه الدوكين فورت يخلط مع
الرتن إيه والكوم بنسب متساويه

فيه وحدة تقول يستخدم لمدة شهر ونص مش أكثر

أنا بصراحة ما جربت بس يقولوا يفتح
وربيعتي تمدح فيه وايد بعد ما كانت بشرتها خريطة

صارت قمة ف الروعة

ااتمنى أكون أفدتك
أدعيلي أحقق اللي ف بالي

أن أقولكم عن تجربتي
دكتورتان في مركزين مختلفين وصفوه لي
هو ما منه مضرة إن شاء الله ولا فيه كورتيزون
وفتحني كم درجة لكن يبغى له وقت أقل شي ثلاثة أشهر
وإذا تركتيه ترجعين كما كنت من أول شهر بعد تركه
يعني وقتي فقط

انا مع الاخت رزقي على ربي هو وقتي

انا استخدمته بعد الولاده للابط والمنطقه الحساسه وبصراحه نتيجته جدا ممتازه

بس بعد ما وقفته استخدمت الجلسرين السائل مع الليمون والصراحه المنطقه مو مثل فتره الدوكين يعني غمقت شوي

بس مو لدرجة السواد

بس الدوكين لا تقطعينه وقفيه وارجعيله على فترات متباعده

انااا استخدمه لي 4 ايااااااام .. وووان شاء الله اشووف نتيجه

وما استخدمه الا على الركب بس .. لاني ااخاف بصراااحه :(