اليوم سويت برقر دجاج فحبيت أوريكم طريقتي لأنها من جد لذييييييذة مرررررررة :p بشهادة زوجي وأولادي إللي ما يعجبهم العجب ولا الصيام في رجب بس صاروا يقولو لي البرقر حقك يا ماما ألذ من ماكدونلدز :32:
الطريقة :
أغسل 4 قطع من صدور الدجاج وأحطهم في كيس وأضربه إلين ما يقول بس هههههه يعني أرققه وإللي ما عندها المضرب الخاص ممكن تستعين بالهاوند حق الثوم
في كيس آخر أكون مجهزة وخالطة البهارات مع بعض المكونة من ( 4 فصوص ثوم صغيرة ، ملعقة أكل لبن ، ملعقة صغيرة صلصة ، ملعقة كبيرة خل ، كمون ، بهار مشكل ، فلفل أحمر ، كزبرة ناشفة ، شوية زيت ، ملح ) طبعا البهارات حسب اختيارك ممكن تزيد أو تنقص ضعي صدور الدجاج في الكيس وحركي بشويش عشان الصدور ما تتقطع إلين ما توصل البهارات لكل الدجاج وحطيه في الثلاجة وكل ما جلس في الثلاجة يكون أفضل بس أحيانا أكون مستعجلة فما أخليه غير نص ساعة
ضعي في صينية تيفال شوية زيت وحطي صدور الدجاج وخليها تنطبخ على نار هادئة
ادهني عيش البرقر بالزبدة
وحطيها على النار في صينية تيفال
وبعدين ادهنيه بالمايونيز
يتبع
ثم الخس وإذا حبيتي حطي شريحة طماطم وجبنة برقر ( أنا ما حطيت عشان ما يعجبهم )
غلفيهم بالقصدير أنا غلفت كل حبتين مع بعض بس إذا حابة ممكن كل حبة لحال وأكون مسخنة الفرن من أول وأحطه فيه وأخليه خمس دقائق عشان يسخن
وقليت معاه بطاطس وحلقات بصل جاهزة
وبالعافية علينا وعلى إللي يطبقوا :26: