(( يا بنات انا اليوم جايبتلكم أكله لذيييييييييييييذه مره ))
_____________________________
_____________________________
... وقد ما اقلكم لذيذه ما راح اقدر اوصفها لكم...
....... زوجي ينجن عليها.......:23:
بصراحه هو تعبني مره لانه ما يحب الا الاكلات اللي في الفرن..
يعني ما يحب الايدامات اللي يكون فيها مرقه..
زي الباميا والفاصوليا والملوخيه.. كلها يكرهها..
بس انا صرت اتفنن فيها بطرق خاصه ..
وصرت اطبخ ايدامات الفرن ألذ من ايدامات القدر..
المهم اللي تسويها وتذوقها أمانه تدعيلي..
طبعا هذا صنف من بين اصنافي المفضله اللي اطبخها لزوجي..
وما اخفي عليكم اني طباخه من الدرجه الاولى وراح انزلكم انشاء الله اطباقي المفضله..
ذبحني زوجي بالعزايم
((هذي ضريبة اللي تتعلم الطبخ))
:( :angry:
::::: أنا سميتها :::::
((لخضار الثمانيه))
المقادير جيبيها من المراكز الكبيره اللي تبيع الخضار بالحبه.. موتروحين تشترين 8صناديق خضار..
ياللا نقول
.. بســ الله ــــم..
:::::: المقادير ::::::
حبه بصل
حبتين بطاطس
حبتين جزر
حبتين باذنجان
حبتين كوسا
حبتين فلفل رومي
4 حبات طماطم
نصف كيلو فاصوليا
لحمة مفرومه واحده
:::::: الطريقة ::::::
تقطع جميع الخضار مكعبات مثل مكعبات السلطه يعني 2/1سم في 2/1سم
1- حطي الطماطم في قدر كبير بعد ما تقطعيها طبعا..
2- اولا تقلين البطاطس في الزيت لوحدها..
3- وبعدين اقلي الجزر والكوسا والفلفل لوحدهم..
4- وبعدين الباذنجان تقلينه مع الفاصوليا..
((لأن الفاصوليا تعدم أبو الزيت))
5- وبعدين اطبخي اللحمه مع البصل كأنك تسويها للسمبوسك ..
6- وحطي كل الخضار المقليه واللحمه اللي طبختيها على الطماطم اللي في القدر ورشي فوقها ملح وفلفل أسود وكمون بس ((لا تحطين بهارات مشكله تخربها))
7- قلبيها زين وبعدين افرديها في صينيه كبيره ورشي فوقها فنجان قهوه مويه وغطيها بالقصدير وخليها بس ربع ساعه في الفرن.
ممكن تغمسيها بالعيش وممكن تحطيها فوق رز ابو بنت الابيض الساده المطبوخ بالزبده والملح بس..
وانتبهي على اصابعك لا تاكليها...:10_8_10:
وبالهنا والعافية