السلام عليكم ورحمة الله وبركاته
كل عام وأنتم الى الله أحب وأقرب ..
الله أكبر الله أكبر الله أكبر لا إله إلا الله الله أكبر الله أكبر ولله الحمد ..
الله أكبر كبرا والحمدلله كثيرا وسبحآن الله بكرة وأصيلا ..
من فترة طويلة وأنا عندي طريقة فطيرة خضار سهلة ولذيذة وصحية
حتى الوالد عنده سكر والوالده عندها كلسترول الله يشفيهم ويحفظهم أسويها لهم وينبسطوا عليها ..
وأحلى مافيها مو مثل الفطائر او البيتزا يعني مافي تخمير
..واليوم سويتها ببعض الإضافات من عندي ( تطوير يعني ) وطلعت خيآل وكل الي كانوا عندي عجبتهم كثير
..المهم بعد المقدمة نجي للمقادير و الطريقة ..
مقادير الخضار /
قطعي كل من الخضار التالية الى مكعبات صغيرة :
3 بصلات وسط
2 حبة طماطم .. 1 فلفل رومي كبيرة .. حزمة بقدونس
وومكن شبت أو كزبرة وبازيلا
ذرة حسب الرغبة .. وهذه الصورة
وبعدها أضفت مرتديلا مبشورة ( مرتديلا الوطنية بالزيتون )
وومكن تضيفي بدل المرتديلا دجاج مسلوق مفتت وممكن نستغني عنه .
وبهارات وفلفل أسود وملح
الصور كثيرة وتشبه بعض > عاجبها الشكل
وهنا بعد مااضفت البقدونس وخلطتهم مع بعض > وعلى فكرة أنا أحب الخضار كثير ممكن تقللي
من كميتها حسب رغبتك ..
يتبــــــــــــــــــــع
أنتهينا من الخضار ..
نجي لتحضير العجين ...
المقادير /
2 بيضة .. 2 ملعقة صغيرة بيكنج باودر
فانيلا .. أقل من نصف الكأس زيت زيتون وممكن زيت عادي
كأس ماء
2 كأس دقيق ..
نخلط مقادير العجين بالمضرب اليدوي .. وراح يكون عندنا أثقل من خليط الكيك مثل كذا
وبعدين نضع الخليط على الخضار المقطعة ..
ونخلطهم مع بعض زين ..
وبعد كذا نضعه في صينية مدهونه مستطيلة الشكل تقريباً حجما كبير شوي 30 × 40 سم
ونرش الوجه ب سماق .. ونكون قبلها مشعلين الفرن ..
يتبــــــــــــــــــــــــع ..