المعكرونة بالجبن :o
لذييذة سواء كانت خالية أو حطيتي معاها دجاج أو الي تحبين..
أنا كلتها خالية كـ وجبة غدا لأن مع الوحام اللحوم والبهارات عموماً تتعبني.
طريقتها سهلة جداً ما تأخذ ثلث ساعة..
الخطوة الأولى:
تسلقين معكرونة من اختيارك انا خذت الي شكلها لولبي مع كمية الملح المناسبة
(لكل كيس ملعقة كبيرة ملح).
بعد الاستواء تصفينها وتتركينها على جنب.
الخطوة الثانية:
في نفس القدر ذوبي ملعقتين زبدة
في وعاء خلطي كوبين ماي + 6 ملاعق حليب بودرة + كمية من الطحين ، ضيفيهم فوق الزبدة وحركي الخليط
ضيفي حبة ماجي + جبن تشيدر مبشور + كمية بارميزان
خليه لحد ما يغلي ويغلظ وتذوب المكونات وتتجانس
رجعي المعكرونة في القدر وقلبي المكونات لمدة دقيقتين
اكليها خالية أو قدميها مع دجاج مشوي مقلي مقطع كامل ستيك، لحم مفروم،، خضار.. انتي حررررة..
وبإمكانك إذا عندك ضيوف تحطينها في بايركس وترشينها بقسماط وتخلينها تتحمر من فوق وتصير بهالشكل
وتلززي بأجمل وأسهل معكرونة بالجبن :o
ان شاء الله اجربها