وياهلا فيكم ...وان شاء الله مايخيب ظنكم وتلقون أحلى كيكة كراميل لا وسهلة بعد..
ببساااااااااطة شديدة ..سأدع الصورة تتحدث عن نفسها أولا..
واللي تعجبها تتابع باقي الخطوات عشان تتعرف على طريقتها
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
الطريقة:
راح تكون المقادير قسمين
القسم الأول:
4 صفار بيض مفصول عن البياض
فنجان قهوة سكر
فانيليا
كاس ونص حليب سايل
ربع كاس زيت>>>>تضرب في الخلاط وتترك جانبا
""""""""
القسم الثاني:
بكت خليط كيك جاهز بالفانيليا
بياض البيض اللي فصلناه عن الصفار فوق
نص كاس ماء بارد...واذا احتجنا زيادة نزود حتى يصبح قوام الخليط مناسب
^
^
في هذه الاثناء ناخذ كاس ونص سكر ونذوبه في صينية على النار حتى يصير لونه زي الكراميل
ويصب في صينية الكيك اللي راح نخبز فيها
ثم ننتظر حتى يجمد الكراميل في الصينية شوي وبعدين نصب القسم الاول من الخليط (اللي في الخلاط)
ثم نصب فوقه مباشرة خليط الكيك اللي عملناه
ونضع الصينية في صينية اكبر فيها موية ساخنة(حمام مائي)
وندخلها الفرن على حرارة متوسطة لمدة ساعة الاربع او لحد ماتشوفي السطح تحمر
...ولا تخافين لأن الكيك راح يرتفع مع الحرارة داخل الفرن وطبقة الكريمة راح تترسب في القاع
ونتركها تبرد شوي وندخلها الثلاجة ...
وبعدين تقلب في صحن كبير وترجع الثلاجة وتتاكل بألف صحة وعافية
وتراها اسهل مايكون طريقتها بس عشان الصور التوضيحية ممكن تحسونها شغلانه
والتجربة خير برهاااااااااااااااااااااان
مع اطيب وارق تحياتي
؛؛؛؛